གསར་འགོད་པར་ཤེས་རྟོགས་བྱུང་བར།“ལྷ་སའི་སྨན་བཅོས་འགན་བཅོལ”ཞེས་པའི་སྐད་འཕྲིན་སྤྱི་རྟགས་སྨན་བཅོས་འགན་བཅོལ་གྱི“ལས་སྒྲུབ་ཚོམས་ཆེན”དང“སྨན་བཅོས་འགན་བཅོལ་གྱི་གློག་རྡུལ་དཔང་ཡིག”གི་མ་ལག་ཆེན་པོ་གཉིས་ལས་གྲུབ་ཡོད།“ལས་སྒྲུབ་ཚོམས་ཆེན”ནང་ངའི་ཆ་འཕྲིན་དང་། ལས་སྒོ་སྒྲུབ་གཉེར། ལས་སྒྲུབ་ཕྱོགས་སྟོན། གསར་འགྱུར་ཆ་འཕྲིན་བཅས་ཚུད་ཡོད་པས། སྨན་བཅོས་འགན་བཅོལ་གྱི་ལས་སྒོ་དྲ་ཐོག་ནས་སྒྲུབ་གཉེར་དང་འདྲི་རྩད་སོགས་བྱེད་ཐུབ་ཀྱི་ཡོད། སྐད་འཕྲིན་སྤྱི་རྟགས་དེ་བརྒྱུད་འགན་བཅོལ་ནང་ཞུགས་མཁན་གྱིས་སྨན་བཅོས་འགན་བཅོལ་གྱི་སྲིད་ཇུས་དང་ཁྲིམས་སྲོལ་གསར་ཤོས་དང་ལས་སྒྲུབ་ཕྱོགས་སྟོན་སོགས་ཆ་འཕྲིན་བློ་འདྲི་དང་ཤེས་རྟོགས་ཐུབ་པ་ཕུད། ད་དུང་འགན་བཅོལ་ནང་ཞུགས་པའི་མི་སྒེར་གྱི་ཆ་འཕྲིན་དང་། སྨན་བཅོས་འགན་བཅོལ་གྱི་ཐོབ་ཐང་། རྩིས་ཁྲ་སོགས་ཀྱི་འབྲེལ་ཡོད་ཆ་འཕྲིན་རྟག་ཏུ་ཤེས་རྟོགས་བྱེད་ཐུབ།“སྨན་བཅོས་འགན་བཅོལ་གྱི་གློག་རྡུལ་དཔང་ཡིག”ཡོད་པ་དེ་ཐོག་ནས་སྨན་པ་བསྟེན་པ་དང་སྨན་བཅོས་བྱ་རྒྱུ་དེ་གཱ་མི་དགོས་པའི“རྩ་གཉིས་ཨང་རྟགས་བཤེར་བའི་དུས་རབས”ལ་སླེབས་པ་མཚོན་གྱི་ཡོད། སྨན་བཅོས་འགན་བཅོལ་གྱི་གློག་རྡུལ་དཔང་ཡིག་ཡོད་ཚེ། སྨན་ཁང་དང་སྨན་ཉོ་སར་ཡིག་ཚགས་བཟོ་བ་དང་། ཨང་ཀི་བཀག་པ། སྨན་པ་བསྟེན་པ། སྨན་ཉོ་བ། སྨན་རིན་རྩིས་རྒྱག་པ་སོགས་ཀྱི་བརྒྱུད་རིམ་ཧྲིལ་པོ་སྟབས་བདེ་པོའི་ངང་སྒྲུབ་ཐུབ།

“ལྷ་སའི་སྨན་བཅོས་འགན་བཅོལ”གྱི་སྐད་འཕྲིན་སྤྱི་རྟགས་གྲོང་ཁྱེར་ཡོངས་ཀྱི་རྒྱ་ཆེའི་འགན་བཅོལ་ནང་ཞུགས་མཁན་ལ་ཕྱོགས་པ་དང་དེའི་ནང་དོན་ཕུན་སུམ་ཚོགས་ཤིང་། འདྲི་རྩད་དང་། འགན་བཅོལ་ནང་ཞུགས་པའི་ཐོ་འགོད་དང་མཉམ་འགུལ་སོགས་ཀྱི་བྱེད་ནུས་བཀོལ་སྤྱོད་ཐུབ་པ་དང་། དྲ་ངོས་ཀྱི་ལེ་ཚན་ཚང་མར་བོད་རྒྱ་ཡིག་རིགས་གཉིས་འཆར་འགོད་བྱས་ཡོད། འགན་བཅོལ་ནང་ཞུགས་མཁན་ལ་སྨན་རིན་རྩིས་ཞུའི་གནད་དོན་འཕྲད་སྐབས། ཁ་པར་བརྒྱབ་ནས་བློ་འདྲི་བྱེད་པའམ་ཡང་ན་རྩིས་ཞུ་བྱ་ཡུལ་དུ་བློ་འདྲི་བྱེད་བདེ་པོ་མེད་ཚེ། ཐད་ཀར་སྐད་འཕྲིན་སྤྱི་རྟགས་ཀྱི“བློ་འདྲི”ཞེས་པའི་དྲ་ངོས་ནང་འཛུལ་ཏེ་རང་ཉིད་ཀྱི་དོགས་གནད་འདྲི་ཆོག་པ་དང་ལས་དོན་མི་སྣས་འཕྲལ་དུ་ཁྱེད་རང་གི་དོགས་གནད་སེལ་གྱི་རེད།

    “ལྷ་སའི་སྨན་བཅོས་འགན་བཅོལ”ཞེས་པའི་སྐད་འཕྲིན་སྤྱི་རྟགས་ལ་དོ་ཁུར་བྱེད་པའི་གོ་རིམ་གཤམ་གསལ་ཏེ།

སྐད་འཕྲིན་ཁ་ཕྱེ་ནས་འཕྲིན་དེབ་ཅེས་པ་གནོན་པ་དང་དེ་ནས་སླར་ཡང་སྤྱི་རྟགས་མནན་རྗེས་གཡས་ཟུར་གྱི“+”རྟགས་གནོན་དགོས།

ལྷ་སའི་སྨན་བཅོས་འགན་བཅོལ་འཚོལ་བཤེར་བྱས་ནས་དོ་ཁུར་བྱས་ན་འགྲིག