དབུ་ཤོག
  • ལྷོ་ཁའི་ལམ་མང་པོ་བཀག་འདུག ཕྱིར་ཕེབས་མཁན་ཚོས་དོ་སྣང་གནང་རོགས།

  • ཡོང་ཁུངས།  བོད་ལྗོངས་ཉིན་རེའི་ཚགས་པར་བོད་ཡིག་སྨྱན་སྦྱོར།   |     སྤེལ་དུས།  2021-07-30

    དྲག་ཆར་མང་པོ་བབས་པའི་དབང་གིས། ཉེ་ཆར་ལྷོ་ཁའི་ཁོངས་གཏོགས་ཀྱི་ལམ་དུམ་མང་པོར་འདམ་རྡོའི་ཆུ་རུད་དང་། ལམ་ལུག་པ། བྲག་རྡོ་ལྷུང་བ་སོགས་ཀྱི་གནས་ཚུལ་ཐོན་པས། ལྷོ་ཁ་གྲོང་ཁྱེར་འགྲིམ་འགྲུལ་ཉེན་རྟོག་པས་ནུས་ཤུགས་ཡོད་རྒུས་འབྲུབ་འགོག་ཉེན་སེལ་དང་རོགས་སྐྱོབ་ལས་དོན་ནང་ཞུགས་ཏེ། དུས་ཐོག་ཏུ་གྲལ་བཤེར་དང་འགྲོ་ལམ་བདེ་འཇགས་ཀྱི་མངོན་མེད་རྐྱེན་ངན་བསལ་ནས་འགྲོ་ལམ་བདེ་འཇགས་དང་ཤར་གཏོང་ཡོང་བར་བྱས་ཡོད།

    ཟླ་7ཚེས་28ཉིན་གསར་འགོད་པར་ལྷོ་ཁ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་ནས་ཤེས་རྟོགས་བྱུང་བར། ལྷོ་ཁ་གྲོང་ཁྱེར་མཚོ་སྨད་རྫོང་དང་ལྷོ་བྲག་རྫོང་ཁོངས་ཀྱི་རྫོང་རིམ་པའི་གཞུང་ལམ་311(མཚོ་སྨད་རྫོང་བཞོ་ར་གྲོང་ཚོའི་ཚེར་མ་ལུང་ཚོགས་ཆུང་ནས་ལྷོ་བྲག་རྫོང་གི་ཕྱོགས་སུ་སྐྱོད་ས)གི་སྤྱི་ལེ་5+སྨི་50ཡི་ས་དང་ཀུན་གཙོ་ལའི་ལམ་དུམ་དུ་འདམ་རྡོའི་ཆུ་རུད་དང་ལམ་ལུག་པའི་གནས་ཚུལ་ཐོན་ནས་བདེ་འཇགས་ངང་སྐྱོད་པར་ཤུགས་རྐྱེན་ཐེབས་ཡོད། མིག་སྔར་མཚོ་སྨད་རྫོང་བཞོ་ར་གྲོང་ཚོ་ཚེར་མ་ལུང་ཚོགས་ཆུང་ནས་ལྷོ་བྲག་རྫོང་གི་རྒྱལ་ལམ་219དང་རྫོང་རིམ་པའི་གཞུང་ལམ་311གི་ལམ་མདོའི་ཕྱོགས་གཉིས་ཀར་འགྲིམ་འགྲུལ་བཀག་སྡོམ་བྱས་ཡོད།

    མཚོ་སྨད་རྫོང་ཁོངས་གཏོགས་ཀྱི་རྒྱལ་ལམ་560གྱི་སྤྱི་ལེ་393ནས་སྤྱི་ལེ་395+སྨི་800ཡི་སར་བྲག་རྡོ་ལྷུང་བ་དང་། རྒྱལ་ལམ་219ཡི་སྤྱི་ལེ་5334ནས་5336+སྨི་800ཡི་སར་བྲག་རྡོ་ལྷུང་བ་དང་ལམ་ལུག་པའི་གནས་ཚུལ་ཐོན་ཡོད།

    གོང་དཀར་རྫོང་ཁོངས་ཀྱི་ཞིང་ཆེན་ལམ་206གི་སྤྱི་ལེ་562+སྨི་400ཡི་སར(རྣམ་རྒྱལ་ཞོལ་ཤང་ནས་གྲམ་མདའ་ཤང་བར)ཆར་པ་བབས་པའི་རྐྱེན་གྱིས་ལམ་ལུག་ནས་འགྲོ་ལམ་འགག་ཡོད།  མིག་སྔར་མི་དང་རླངས་འཁོར་ལམ་བར་དུ་ལུས་པའི་གནས་ཚུལ་ཐོན་མེད་པ་དང་། ལས་དོན་པས་འགྲོ་ལམ་མྱུར་གཤོང་བྱེད་བཞིན་ཡོད་ལ་ལམ་དུམ་དེར་འགྲིམ་འགྲུལ་བཀག་སྡོམ་ཡང་བྱས་ཡོད་པ་རེད།

    ལྷོ་ཁའི་འགྲིམ་འགྲུལ་ཉེན་རྟོག་པས། ཆར་ཞོད་ཆེ་བའི་སྐབས་སུ་རི་ལམ་དུ་ལམ་ལུག་པའི་གནས་ཚུལ་ཐོན་སླ་བས་ཚང་མས་འགྲུལ་བཞུད་ཀྱི་བདེ་འཇགས་ལ་དོ་སྣང་བྱེད་དགོས། ཕྱིར་མ་ཐོན་གོང་འགྲོ་ལམ་དང་གནམ་གཤིས་ཀྱི་གནས་ཚུལ་ལ་དོ་སྣང་བྱེད་དགོས་པའི་དྲན་སྐུལ་བྱས་ཡོད།

    འགན་འཁུར་རྩོམ་སྒྲིག་པ། 次旦多吉

མཉམ་སྤྱོད།

འབྲེལ་ཡོད་གསར་འགྱུར།