ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས“གཙང་པོ་གཉིས་དང་ཆུ་བོ་བཞིའི”ནགས་བཟོ་སྔོ་འགྱུར་དང་། གྲོང་གསེབ་ཀྱི“འགྲམ་བཞིའི”ཤིང་འཛུགས། བྱེ་འགོག་བྱེ་བཅོས། དམངས་ཡོངས་ཀྱི་འོས་འགན་ཤིང་འཛུགས་སོགས་ཀྱི་ནགས་བཟོའི་རྣམ་གྲངས་ལག་ལེན་ཤུགས་ཆེན་བསྟར་ཞིང་། ཡུལ་དེ་གའི་དབུལ་སྐྱོར་སྡོང་ཕྲུག་ར་བ་དང་དེ་བཞིན་ཞིང་འབྲོག་མང་ཚོགས་ཀྱིས་གསོ་སྤེལ་བྱས་པའི་སྡོང་ཕྲུག་ཧུར་ཐག་སྤྱད་དེ། ཞིང་འབྲོག་མང་ཚོགས་ལ་འབབ་འཕར་ཡོང་བར་སྣེ་ཁྲིད་བྱས་ཡོད། འདི་ལོའི་དུས་ཚིགས་དང་པོ་བར་། ཆབ་མདོ་གྲོང་ཁྱེར་དུ་སྡོང་ཕྲུག་ར་བ་ཁྱོན་59ཡོད་པ་དང་། སྡོང་ཕྲུག་མུའུ་33403.3ཟིན་པ། ད་ལྟ་སྡོང་ཕྲུག་གསོག་ཚད་སྡོང་རྐང་ཁྲི་2017.9ཟིན་ཡོད། དེའི་ནང་གཞུང་ཁོངས་སྡོང་ཕྲུག་ར་བ་44ཡོད་པར་སྡོང་ཕྲུག་གསོག་ཚད་སྡོང་རྐང་ཁྲི་1586.9ཟིན་པ་དང་སྒེར་གྱི་སྡོང་ཕྲུག་ར་བ་15ཡོད་པར་སྡོང་ཕྲུག་གསོག་ཚད་སྡོང་རྐང་ཁྲི་431ཟིན་ཡོད། འདི་ནི་སྟེང་ཆེན་རྫོང་གི་དབུལ་སྐྱོར་སྡོང་ཕྲུག་ར་བའི་ཟུར་ཞིག་ཡིན་པ།