ཉེ་ཆར། གཞིས་རྩེ་གྲོང་ཁྱེར་གྱི་འགན་ནུས་སྡེ་ཚན་ཁག་གིས་ཁྲོམ་གཞུང་དང་སྤྱི་གླིང་སོགས་སུ་མང་ཚོགས་ལ《བོད་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་བྱེད་པའི་སྲོལ་ཡིག》དང་། “མི་རིགས་མཐུན་སྒྲིལ་ལ་ཤུགས་སྣོན་བརྒྱབ་ནས་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་དགོས་པ”སོགས་ཀྱི་བོད་རྒྱ་ཡིག་རིགས་གཉིས་ཀྱི་དྲིལ་བསྒྲགས་དཔྱད་ཡིག་དང་དེ་བཞིན“མི་རིགས་མཐུན་སྒྲིལ”གྱི་ཡི་གེ་འཁོད་པའི་ས་ཡིག་འགོད་སྨྱུག་དང་ཆར་གདུགས་སོགས་མཁོ་ཆས་སྤྲད་པ་དང་། མི་རིགས་མཐུན་སྒྲིལ་སྐོར་གྱི་རི་མོ་དང་ཡིག་གཟུགས་བརྩམས་ཆོས་འགྲེམས་སྟོན་བྱས་ཏེ། མང་ཚོགས་ཚོས་མི་རིགས་མཐུན་སྒྲིལ་ནི་མི་རིགས་ཁག་གི་མི་དམངས་ཀྱི་སྲོག་ཐིག་ཡིན་པ་གསལ་པོ་ཤེས་པ་བྱས་པ་དང་སྦྲགས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་ཏན་ཏིག་བཏང་ཡོད་པ་རེད།
འདི་ནི་ལས་དོན་མི་སྣས་མང་ཚོགས་ལ་མི་རིགས་མཐུན་སྒྲིལ་གྱི་རི་མོའི་བརྩམས་ཆོས་སྟོན་བཞིན་པ།