ཟླ་6ཚེས་17ཉིན་བོད་ལྗོངས་ལྷོ་ཁ་གྲོང་ཁྱེར་འཕྱོངས་རྒྱས་རྫོང་གི་ལྗང་མདོག་ཐོན་ལས་གླིང་ནང་བུད་མེད་29ཡིས་བོད་རུམ་འཐག་བཞིན་ཡོད་པ་དེ་ནི་ཤང་དབྱང་གྲོང་ཁྱེར་གྱི་བོད་སྐྱོར་ལས་དོན་རུ་ཁག་གིས་བོད་ལྗོངས་ས་གཞི་ཆེན་པོ་ཁེ་ལས་ཚད་ཡོད་ཀུང་སིར་མ་དངུལ་སྒོར་ཁྲི་600བཏང་ནས་བཙུགས་པའི“ཁ་བ་ཅན་བོད་རུམ་བཟོ་གྲྭའི་རྣམ་གྲངས”ཤིག་ཡིན་པ་རེད།

ལོ་ངོ་2000ལྷག་ཙམ་གྱི་ལོ་རྒྱུས་ལྡན་པའི་བོད་རུམ་གནའ་ཉམས་དོད་པ་དང་། ས་ཁོངས་ཀྱི་ཁྱད་ཆོས་ཟབ་མོ་ལྡན་པ། བོད་རིགས་ཀྱི་ཉམས་འགྱུར་ལྡན་པ་བཅས་ལས་རི་པིན་དང་། ཧན་གོ དབྱིན་ཇི། འཇར་མན་སོགས་རྒྱལ་ཁབ་ཏུ་ཕྱིར་ཚོང་བྱེད་ཀྱི་ཡོད། བོད་རུམ་དེ་ལག་ཤེས་ལ་བརྟེན་ནས་བཏགས་པ་ཞིག་ཡིན་པས་འཐག་ཡུན་རིང་ཙམ་འགོར་སྟབས་ཕྱིར་གཏོང་མངགས་ཐོ་ལོ་གསུམ་ཙམ་བང་སྒྲིག་དགོས་ཀྱི་ཡོད་པ་རེད། ཤང་དབྱང་གྲོང་ཁྱེར་གྱི་བོད་སྐྱོར་ལས་དོན་རུ་ཁག་གིས་རྟོག་ཞིབ་བྱས་རྗེས་ཀུང་སི་དེ་འཕྱོངས་རྒྱས་རྫོང་དུ་བཙུགས་པ་དང་ན་ནིང་རིམས་ནད་ཀྱི་རྗེས་སུ་ཁེ་ལས་ཐོ་འགོད་སྙན་སེང་དང་། བཟོ་ཁང་ཉམས་བཟོ། སྒྲིག་ཆས་སྒྲིག་སྦྱོར། ནུས་རྒྱུ་གྲོན་ཆུང་ཐོ་འགོད་དང་ཁོར་ཡུག་དཔྱད་དཔོག་སོགས་འགྲོ་ལུགས་གཉེར་ཟིན་པ་དང་ཆབས་ཅིག་འཕྱོངས་རྒྱས་རྫོང་མི་སྤྱི་སྡེ་ཚན་གྱིས་རུམ་འཐག་མཁན་ལས་གནས་ཐོག་མ་སྐྱོད་གོང་གི་གསོ་སྦྱོང་བྱས་ནས་བོད་རུམ་གྱི་རིག་གནས་རྨང་གཞི་དང་ཡིད་དབང་འགུག་ཤུགས་ལ་བརྟེན་ནས་འཛམ་གླིང་ཐོག་སྐྱོད་ཐུབ་པ་བྱུང་ཡོད། འདི་ནི་2021ལོའི་ཟླ་6ཚེས་17ཉིན་བོད་ལྗོངས་འཕྱོངས་རྒྱས་རྫོང་གི་བུད་མེད་ཅིག་གིས་རུམ་འཐག་སྟངས་སྦྱོང་བཞིན་པ།