སྡོད་ཁང་སྤྱི་གསོག་མ་དངུལ་བཅོལ་མཁན་ཚན་པ་ཁག་དང་ལས་བཟོ་རྣམ་པ། 

  རྒྱལ་སྲིད་སྤྱི་ཁྱབ་ཁང《སྡོད་ཁང་སྤྱི་གསོག་མ་དངུལ་དོ་དམ་སྲོལ་ཡིག》གི་གཏན་འབེབས་གཞིར་བཟུང་། སྡོད་ཁང་སྤྱི་གསོག་མ་དངུལ་གྱི་ལོ་འཁོར་གྱི་སྐྱེད་ཀ་བསྡུ་བའི་ལས་དོན་བདེ་བླག་ངང་སྤེལ་རྒྱུར་འགན་ལེན་བྱ་ཆེད། རང་ལྗོངས་ཀྱི་མ་དངུལ་དོ་དམ་ལྟེ་གནས་ཁག་གིས་2021ལོའི་ཟླ་6ཚེས་21ཉིན་ནས་ཟླ་7ཚེས་2ཉིན་བར་ལོ་འཁོར་གྱི་སྐྱེད་ཀ་བསྡུ་བའི་ལས་དོན་གཅིག་རྗེས་གཉིས་མཐུད་ངང་སྤེལ་རྒྱུ་ཡིན་པས། སྤྱི་གསོག་མ་དངུལ་ལེན་པ་དང་། གཡར་བ། བསྡུ་སྒྲིལ་སོགས་ཀྱི་ལས་སྒོ་གཉེར་མཚམས་འཇོག་བྱ་རྒྱུ་རེད། དེའི་རིང་བོད་ཀྱི་སྡོད་ཁང་སྤྱི་གསོག་མ་དངུལ་གྱི་དྲ་ཚིགས་དང་། ལག་ཐོགས་ཁ་པར་གྱི་APP སྐད་འཕྲིན་གྱི་སྤྱི་རྟགས་བཅས་ནས་མི་སྒེར་གྱི་སྤྱི་གསོག་མ་དངུལ་འཇལ་བཅོལ་ཞིབ་གསལ་དང་དངུལ་བུན་གཡར་བ་དང་འཇལ་བའི་ཟིན་ཐོ་སོགས་ཀྱི་ཆ་འཕྲིན་མཁོ་འདོན་བྱེད་ཀྱི་ཡོད། 

དེའི་དབང་གིས་སྟབས་མི་བདེ་བ་བྱུང་ཚེ་བསམ་ཤེས་ཡོད་པ་ཞུ།  

2021ལོའི་ཟླ་6ཚེས་16ཉིན།