ལོ་ལྟར་གྱི་ཟླ་6ཚེས་6ཉིན་ནི་རྒྱལ་ཡོངས་ཀྱི“མིག་གཅེས་ཉིན་མོ”རེད།

2016ལོ་ནས་2019ལོ་བར།

ལོ་4བསྟུད་མའི་རྒྱལ་ཡོངས་ཀྱི“མིག་གཅེས་ཉིན་མོ”

ལོ་ཆུང་བྱིས་པའི་རྒྱང་སྒྲིབ་སྔོན་འགོག་དང་ཚོད་འཛིན་བརྗོད་དོན་གཙོ་བོར་བཟུང་བ།

“མིག་ཤེལ་ཆུང་ཆུང”ཉེན་ཁ་ཆེན་པོ་ཡོད་པ། སྡེ་ཚན་མང་པོས“ཐབས་ནན”བསྟུད་མར་བཏོན་པ།

རང་རྒྱལ་གྱི་རིམས་ནད་རིག་པའི་བརྟག་དཔྱད་ལས་ཤེས་རྟོགས་བྱུང་བར།

རྒྱང་སྒྲིབ་ཕོག་ནས་དབང་པོ་སྐྱོན་ཅན་དུ་འགྱུར་ཚད་དང་ལོང་བར་འགྱུར་ཚད་ནི།

ནད་གཞི་ཚང་མའི་ཁྲོད་ཀྱི་ཨང་དང་པོ་ཡིན་པ།

སློབ་ཆུང་དང་སློབ་འབྲིང་ནི།

རྒྱང་སྒྲིབ་ཕོག་ཚད་ཇེ་མང་དུ་འགྲོ་བའི་དུས་མཚམས་ཤིག་རེད།

ཉེ་ཆར། སློབ་གསོ་པུའུ་སོགས་སྡེ་ཚན་15ཡིས་མཉམ་འབྲེལ་ཐོག

《བྱིས་པ་དང་གཞོན་ནུ་ལོ་ཆུང་གི་རྒྱང་སྒྲིབ་སྔོན་འགོག་དང་ཚོད་འཛིན་གྱི་འོད་སྣང་བྱ་སྤྱོད་ལས་དོན་གྱི་ཇུས་གཞི(2021ལོ་ནས་2025ལོ་བར)》བཀྲམ་པ།

སློབ་མར་རང་རྟོགས་ངང་མིག་ལ་གཅེས་སྤྲས་བྱེད་དགོས་པའི་ཁྲིད་སྟོན་བྱེད་པ་སོགས་ཕྱོགས་བརྒྱད་ཀྱི་ཆེད་དོན་བྱ་སྤྱོད་ལག་ལེན་བསྟར་བ།

མིག་ཤེལ་ཆུང་ཆུང་འདོགས་སླ་རུང་འབུད་དཀའ་བའི་རྒྱབ་ཏུ་རྒྱུ་རྐྱེན་ཇི་ཙམ་ཡོད་དམ།

ཕྱིའི་བྱེད་སྒོར་མང་ཙམ་ཞུགས་པ་དང་ལྟ་ཀློག་བྱེད་སྐབས་མིག་དང་ཐག་རིང་ཙམ་བྱེད་དགོས་པ།

དེ་ནི་རྒྱང་སྒྲིབ་སྔོན་འགོག་དང་ཚོད་འཛིན་བྱེད་པའི་དཀའ་གནད་ཅིག་ཡིན་པ།

ཉེ་ཆར། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་ཁྱབ་བསྒྲགས་བྱས་པའི《ལོ་0ནས་6བར་གྱི་བྱིས་པའི་མིག་སྲུང་སྦྱོང་རྩལ་གྱི་གཙོ་རྐང་ཤེས་བྱའི་དྲི་བ་དྲིས་ལན》ལ་གཞིགས་ན།

ཕྲུ་གུ་སྐྱེས་པ་ནས་བཟུང་དུས་བཀག་བཞིན་མིག་ཤེད་ལ་གྲལ་བཤེར་བྱེད་དགོས།

ལོ་0ནས་3བར་གྱི་ཕྲུ་གུའི་མིག་ཤེད་ལ་གྲལ་བཤེར་བྱ་རྒྱུར་རྟག་ཏུ་སྣང་ཆུང་ཤོར་གྱི་ཡོད།

རྒྱང་སྒྲིབ་སྔོན་འགོག་དང་ཚོད་འཛིན་བྱེད་སྐབས།

རང་གཤིས་ཅན་དང་ཚད་ལྡན་ཅན་ལ་སྣང་ཆེན་བྱེད་དགོས།

མིག་ཤེད་ཀྱི་ཏུའུ་གྲངས་དམའ་ན་མིག་རྩར་བརྟག་དཔྱད་བྱེད་མི་དགོས་པ་དང་རྒྱང་སྒྲིབ་ཚོད་འཛིན་བྱེད་མི་དགོས་པ་ཞིག་ག་ལ་ཡིན།

བྱིས་པ་དང་གཞོན་ནུ་ལོ་ཆུང་གི་རྒྱང་སྒྲིབ་སྔོན་འགོག་དང་ཚོད་འཛིན་བྱེད་སྐབས་མི་སྣ་ཡོངས་ཀྱིས་ཐེ་ཞུགས་དང་རྒྱུན་འཁྱོངས་ལྷོད་མེད་བྱེད་དགོས།

སྲིད་གཞུང་གིས་གཙོ་ཁྲིད་དང་། སྡེ་ཚན་གྱིས་གཞོགས་འདེགས། རིགས་གཅིག་མཁས་ཅན་གྱིས་མཛུབ་ཁྲིད། སློབ་གྲྭས་སློབ་གསོ། ཁྱིམ་ཚང་གིས་དོ་ཁུར་བཅས་བྱས་ཏེ་ཕྱོགས་ཁག་གིས་ཐུན་མོང་ཐོག་འགན་འཁྲི་དོན་འཁྱོལ་བྱེད་དགོས།

དེ་འདྲ་བྱས་ན་གཞི་ནས་བྱིས་པ་དང་གཞོན་ནུ་ལོ་ཆུང་ལ་རྒྱང་སྒྲིབ་ཕོག་ཚད་ཉུང་དུ་གཏོང་ཐུབ།