ཉིང་ཁྲི་གྲོང་ཁྱེར་བྲག་ཡིབ་ཆུས་ཉིང་ཁྲི་གྲོང་རྡལ་གྱི་ཀླུ་སྟེང་གྲོང་ཚོ་ནི་ཉང་ཆུ་དང་ཡར་ཀླུང་གཙང་པོ་འདྲེས་ཡུལ་དུ་གནས་པ་དང་། ཉང་བོ་གྲུ་ཁ་དང་བོན་རིའི་མཛེས་ལྗོངས་ཁུལ་དང་བར་ཐག་ཉེ་བ་མ་ཟད། ཉིང་ཁྲི་གྲོང་ཁྱེར་དང་སྨན་གླིང་གནམ་ཐང་དང་བར་ཐག་སྤྱི་ལེ་20ཙམ་ལས་མེད་པས། དེ་གར་ལྟ་ན་སྡུག་པའི་ཉང་ཆུའི་ཡུལ་ལྗོངས་དང་ཞིང་ནང་གི་མཛེས་ལྗོངས་མཐོང་རྒྱུ་ཡོད། ཉེ་བའི་ལོ་ཤས་རིང་། ཀླུ་སྟེང་གྲོང་ཚོའི“ཨུ་ལྷན་གཉིས”ཀྱིས་ཁུལ་དེའི་ལེགས་ཆ་སྤྱད་དེ་རྒྱ་ཆེའི་མང་ཚོགས་ལ“ཡུལ་སྐོར་ཡོང་འབབ”ཡོང་བར་བྱས་ཡོད། 2020ལོར་ཀླུ་སྟེང་གྲོང་ཚོར་གྲོང་གསེབ་ཀྱི་དཔལ་འབྱོར་ཡོང་འབབ་སྒོར་ཁྲི་651.07ཟིན་ནས་ཞིང་འབྲོག་པ་མི་རེར་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་1.66བྱུང་ཡོད། འདི་ནི་དབྱར་ཟླ་ར་བའི་བོན་རིའི་མཛེས་ལྗོངས་ཁུལ་གྱི་ཟུར་ཞིག་ཡིན་པ།