1.ཉལ་ཁར་ཁོང་ཁྲོ་བྱེད་པ།ཉལ་ཁར་ཁོང་ཁྲོ་བྱས་ཚེ་སྙིང་ཁ་འཕར་ཤུགས་ཆེ་རུ་འགྲོ་བ་མ་ཟད། དབུགས་ཧལ་བ་དང་བསམ་བློ་གང་བྱུང་མང་བྱུང་འཁོར་ནས་གཉིད་ལས་སླ་པོར་ཁུག་གི་མེད།

2.ཉལ་ཁར་ལྟོ་ཆས་རྒྱགས་ཚད་ཟ་བ། ལྟོ་ཆས་རྒྱགས་ཚད་བཟས་ན་ཕོ་བས་འཇུ་མི་ཐུབ་པས་གཉིད་མགྱོགས་པོ་ཁུག་མི་ཐུབ།

3.ཉལ་ཁར་ཇ་མང་པོ་འཐུང་བ།ཇ་ལོར་ཀོ་ཧྥེ་ཅན(咖啡碱)སོགས་ཀྱི་རྒྱུ་མང་པོ་འདུས་པས། རིག་པ་དྭངས་སུ་ཕྱིན་ནས་གཉིད་ཁུག་ཁག་པོ་ཡོད།

4.ཉལ་ཁར་ལུས་རྩལ་ཤུགས་ཆེན་པོ་རྩེ་བ།ཉལ་ཁར་ལུས་རྩལ་ཤུགས་ཆེན་པོ་རྩེ་ན། དབང་རྩའི་ཕྲ་ཕུང་ལ་ཤུགས་རྐྱེན་ཐེབས་ནས་གཉིད་ཁུག་ཁག་པོ་ཡོད།

5.སྔས་མགོ་མཐོ་དྲགས་པ།སྔས་མགོ་མཐོ་དྲགས་ན་དབུགས་གཏོང་དཀའ་བ་དང་། ཀླད་པར་ཁྲག་རྒྱུག་དཀའ་བ། མཇིང་པ་མི་བདེ་བ་སོགས་ཀྱིས་གཉིད་ཁུག་ཁག་ཏུ་འགྲོ་ཡི་ཡོད།

6.ལག་པས་སྔས་མགོ་བྱས་ཏེ་ཉལ་བ།ལག་པས་སྔས་མགོ་བྱས་ཏེ་ཉལ་ན་ཟུངས་ཁྲག་འཁོར་རྒྱུག་བྱེད་དཀའ་བ་དང་། ལག་པར་ཁྲག་རྒྱུག་དཀའ་བས་ན་ཚ་གཏོང་བ། གྲོད་པར་གནོན་ཤུགས་ཆེ་རུ་འགྲོ་བ་སོགས་ཀྱིས་གཟུགས་པོ་ཚང་མ་བདེ་པོ་མེད་པ་མ་ཟད་གཉིད་ཀྱང་ཁུག་ཁག་པོ་ཡོད།

7.མགོ་གཏུམ་བརྒྱབ་ནས་ཉལ་བ།མགོ་གཏུམ་བརྒྱབ་ནས་ཉལ་ན་དབུགས་གཏོང་དཀའ་ལ། དབྱང་གཉིས་ཐན་འགྱུར་སླར་ཡང་རྔུབ་ཀྱི་ཡོད་པས་གཟུགས་པོར་གནོད་པ་མ་ཟད། གཉིད་ཀྱང་སྐྱིད་པོ་ཁུག་གི་མེད།

8.ཁ་གདངས་ནས་དབུགས་འབྱིན་རྔུབ།གལ་ཏེ་ཁ་གདངས་ནས་ཉལ་ན་དབུགས་ལམ་དང་གློ་བ་སོགས་ལ་མཁའ་རླུང་གྲང་མོ་འཛུལ་ནས་ཆམ་པ་ཕོག་སླ་པོ་ཡོད།

9.ལྷགས་པར་ཁ་གཏད་ནས་ཉལ་བ།སྒེའུ་ཁུང་དང་སྒོར་ཁ་གཏད་ནས་ཉལ་ན་གྲང་རླུང་གཟུགས་པོའི་ནང་འཛུལ་སྲིད།

10.ཙོག་ཙོག་བྱས་ནས་ཉལ་བ།མི་ཁག་གཅིག་གིས་ལྟོ་ཆས་བཟས་ཚར་རྗེས་རྐུབ་སྟེགས་དང་ཧྲ་ཧྥ་སྟེང་དུ་གཉིད་ཉལ་གྱི་ཡོད། དེས་སྐབས་འཕྲལ་རིང་གཉིད་ཁུག་སླ་ཡང་སྙིང་ཁ་འཕར་ཚད་འགོར་དུ་འགྲོ་བ་དང་ཁྲག་འཁོར་རྒྱུག་དཀའ་བས་ལུས་པོར་གནོད་པ་ཆེན་པོ་བཟོ་ཡི་ཡོད།