ཉེ་ཆར་ལ་ལྷོ་ཆུ་བེད་ལྟེ་བའི་ལེ་ལག་ཚང་བའི་ཞིང་ཆུ་འདྲེན་ཁུལ་གྱི་མ་ཡུར་གྱི་ཆུ་གཏོང་བདེ་འཇགས་གསལ་འབྱེད་ཚོགས་འདུ་ནན་ཅིང་ཆུ་བེད་ཚན་རིག་ཞིབ་འཇུག་ཁང་གི་ཚོད་ལྟའི་རྟེན་གཞིར་འཚོགས་པ་རེད།

ཚོགས་འདུའི་ཐོག་ཆུ་བེད་པུའི་རགས་ཆེན་བདེ་འཇགས་དོ་དམ་ལྟེ་གནས་དང་། ནན་ཅིང་ཚན་རིག་ཁང་། ཧོ་ཧའེ་སློབ་ཆེན། རྨ་ཆུ་རྩད་ཞིབ་ཁང་། ནུབ་ཕྱོགས་རྩད་ཞིབ་ཁང་སོགས་ཚན་པའི་རིགས་གཅིག་མཁས་ཅན་ལས་གྲུབ་པའི་ཆུ་ཤར་གཏོང་བདེ་འཇགས་གསལ་འབྱེད་རིགས་གཅིག་མཁས་ཅན་ཚོགས་ཆུང་གིས་རྣམ་གྲངས་ཀྱི་ཁྲིམས་མི་དང་། ཇུས་འགོད། ལྟ་སྐུལ་དོ་དམ། ཨར་ལས། ཕྱོགས་གསུམ་པའི་ཞིབ་དཔྱད་ཚད་ལེན་སོགས་ཚན་པའི་ལས་དོན་སྙན་སེང་ཉན་པ་དང་འབྲེལ་ལས་གྲྭ་འཛུགས་སྐྲུན་གྱི་དཔྱད་ཡིག་ལ་ཞིབ་བཤེར་ཡང་བྱས་པ་རེད། རིགས་གཅིག་མཁས་ཅན་ཚོགས་ཆུང་གིས་འཛུགས་སྐྲུན་ལ་ཞུགས་མཁན་ཚན་པ་15སྒྲིག་འཛུགས་བྱས་ནས་བཞུགས་མོལ་བྱས་ཏེ། རང་བཤེར་སྙན་སེང་ལ་གྲོས་བསྡུར་བྱས་པ་མ་ཟད། ཆུ་ཤར་གཏོང་བདེ་འཇགས་ཀྱི་གསལ་འབྱེད་སྙན་ཞུའི་ཁ་གསབ་དང་བཟོ་བཅོས་བསམ་འཆར་ཡང་བཏོན་པ་རེད། རིགས་གཅིག་མཁས་ཅན་ཚོགས་ཆུང་གིས། ལྷག་པའི་གནད་དོན་དང་། ཐག་གཅོད་བྱས་ཚུལ། དེ་བཞིན་ལས་གྲྭའི་འཕེལ་རིམ་དང་། སྤུས་ཚད། བདེ་འཇགས་རང་བཞིན་བཅས་ལ་ཤུགས་རྐྱེན་ཐེབས་སྲིད་པའི་ལས་གྲྭའི་བདེ་འཇགས་ཀྱི་གདེང་འཇོག་བསྡོམས་ཚིག་དང་ཆུ་སྒོ་འོག་མའི་ཆུ་གསོག་ཆ་རྐྱེན་དང་འབྲེལ་བ་ཡོད་པའི་གནད་དོན་ལ་དབྱེ་ཞིབ་དང་ཞིབ་འཇུག་བྱས་ཏེ་ཐོག་མའི་ཐག་གཅོད་བསམ་འཆར་བཏོན་པ་རེད། ཚོགས་འདུར་བོད་ལྗོངས་ལ་ལྷོ་ཆུ་བེད་ལྟེ་བའི་ལེ་ལག་ཚང་བའི་ཆུ་འདྲེན་ཁུལ་གྱི་ཆུ་ཡུར་ཨ་མའི་ལས་གྲྭའི་བདེ་འཇགས་གསལ་འབྱེད་ལ་གྲོས་འཆམ་བྱུང་སྟེ་གོ་སྐབས་བཙལ་ནས་ཆུ་འདྲེན་མཁན་རེད།

ཤེས་རྟོགས་བྱུང་བར་གཞིགས་ན། ཀྲུང་གོ་ཆུ་གློག་རྨང་གཞི་ཅུས་ཀྱིས་ད་ཐེངས་ཀྱི་ཆུ་ཡུར་ཨ་མའི་ཆུ་ཤར་གཏོང་གི་བདེ་འཇགས་གསལ་འབྱེད་དང་འབྲེལ་བ་ཡོད་པའི་བདེ་ལྷོ་ཆུ་འདྲེན་ཕུག་ལམ་ལས་གྲྭའི་ཨར་པོའི་འགན་ཁུར་ཞིང་། བདེ་ལྷོ་ཆུ་འདྲེན་ཕུག་ལམ་གྱི་སྤྱིའི་རིང་ཚད་ལ་སྤྱི་ལེ་7.5ཟིན་པ་དང་། 2020ལོའི་ཟླ་11པར་ཨར་པོའི་ལས་འགན་ཕྱོགས་ཡོངས་ནས་ལེགས་གྲུབ་ཟིན་པ་རེད།