འདི་ནི་ཉིང་ཁྲི་གྲོང་ཁྱེར་སྨན་གླིང་རྫོང་འཐིམས་པ་གྲོང་ཚོ་ནས་པར་བླངས་པའི་རྒན་མོ་བུ་ལུད་ཡིན་པ།

 འདི་ནི་རྒན་མོ་བུ་ལུད(དཀྱིལ)ཀྱིས་ཁྱིམ་མི་ཚོ་དང་མཉམ་དུ་བརྒྱབ་པའི་པར་ཡིན་པ།

འདི་ལོ་ལོ་80ལ་སླེབས་པའི་བུ་ལུད་ནི་བོད་ལྗོངས་སྨན་གླིང་རྫོང་འཐིམས་པ་གྲོང་ཚོ་ནས་ཡིན་པ་དང་། ལོ་9ལ་མ་སླེབས་གོང་ཁོང་དང་ཁྱིམ་མི་ཚོ་ལྷོ་རོང་དུ་འཚོ་བ་བསྐྱལ་ནས་བསྡད། གང་ལགས་ཤེ་ན། བོད་རྙིང་པར་ཁྲལ་ཤིན་ཏུ་ལྕི་བར་བརྟེན་ཁྱིམ་མི་ཚང་མ་ཡུལ་གྱར་དུ་སོང་ནས་གང་སར་སློང་མོ་བརྒྱུགས་ཏེ་འཚོ་བ་སྐྱེལ་དགོས་བྱུང་བས་རེད། སྐབས་དེ་དུས་ཀྱི་འཚོ་བར་ཕྱིར་དྲན་བྱེད་སྐབས། བུ་ལུད་ཀྱིས་ཞིང་བྲན་ཚོས་ཁྲལ་རྒྱུག་པའི་ཁར། གཤེ་གཤེ་དང་ཉེས་རྡུང་ཡང་ཡང་གཟེད་དགོས་ཤིང་། བོད་ཀྱི་གཏམ་དཔེར“ཉིན་མོའི་མི་དང་མཚན་མོའི་ཁྱི”ལྟར་ལས་ཀ་བྱེད་དགོས་པས། ཉིན་གཅིག་གི་ལྟོ་དུས་གསུམ་ལ་ཤ་བཟའ་རྒྱུ་ལྟ་ཞོག་རྩམ་པ་དང་ལ་ཕུག་ཁོ་ན་ལས་བཟའ་རྒྱུ་མེད། དགོང་མོར་ཁྱི་དང་མཉམ་དུ་ཉལ་གྱི་ཡོད། བུ་ལུད་ཀྱིས“ནོར་འཁྲུལ་ཤོར་བའི་ཞིང་བྲན”ལྕང་མར་བཏགས་ནས་ཉེས་རྡུང་གཏོང་བ་སོགས་གདུག་རྩུབ་ཀྱི་རྣམ་པ་མཚན་མོའི་གཉིད་ལམ་ལའང་བཏང་ནས་གཉིད་ཀྱང་སད་ཀྱི་འདུག 1959ལོར་དམངས་གཙོའི་བཅོས་སྒྱུར་བྱས་ནས་བུ་ལུད་ཀྱི་ཁྱིམ་ལ་ས་ཞིང་དང་ནོར་ལུག་བགོས་ཡོད། བུ་ལུད་ཀྱིས“དུས་དེ་ནས་བཟུང་ཚོགས་འདུ་འཚོག་སྐབས་ཚང་མ་མཉམ་དུ་བསྡད་དེ་གང་དྲན་ལྷུག་པོར་གླེང་ནས་རང་ཁྱིམ་གྱི་བདག་པོར་དངོས་སུ་གྱུར་སོང”ཞེས་བཤད། དུས་ཐུང་ལོ་བཅུ་གྲངས་ནང་བུ་ལུད་ཀྱིས་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་ལ་དཔང་པོ་བྱས་ཡོད། ད་ཆ་བུ་ལུད་གུ་ཡངས་པའི་བོད་བཟོའི་ཐོག་བརྩེགས་ཁང་པའི་ནང་སྡོད་པ་དང་། འཁྱགས་སྒམ་སྒོ་གཉིས་ཅན་དང་གཤེར་ཤེལ་བརྙན་འཕྲིན་ཡོད་པས་ཁྱིམ་མི་མི་རབས་བཞི་མཉམ་འཛོམས་བྱུང་ཡོད། བུ་གཅིག་དང་བུ་མོ་གཅིག་ད་ལྟ་གྲོང་ཚོའི་ལས་བྱེད་པ་ཡིན་ལ། གྲོང་ཚོའི་ཕྱུག་འགྱུར་སྣེ་ཁྲིད་པའང་རེད།