ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་གཏིང་སྐྱེས་རྫོང་གིས་སྡོད་མལ་དང་། ལས་རིགས་དར་རྒྱས། ཡུལ་སྐོར་དར་བ་བཅས་ཀྱི“ཇོ་མོ་གླང་མའི་གཡུ་གཞུང”ཧུར་ཐག་བཏོད་པ་དང་འབྲེལ་ཁོར་ཡུག་སྦགས་བཙོག་བཅོས་སྒྲིག་ལ་ཟམ་མི་ཆད་པར་ཤུགས་སྣོན་དང་། ཇོ་མོ་གླང་མའི་རང་བྱུང་སྲུང་སྐྱོང་ཁུལ་དང་གཏིང་སྐྱེས་ཀྱི་འདམ་ར་སྲུང་སྐྱོང་དང་བཅོས་སྒྲིག་ལས་དོན་ལ་ཤུགས་སྣོན་བརྒྱབ་པ་མ་ཟད། ཁྱད་དུ་འཕགས་པའི་ཤར་པའི་རིག་གནས་རྒྱུན་འཛིན་དང་དར་སྤེལ་ཤུགས་ཆེན་བཏང་བ་དང་། འདྲེན་ཐང་གྲོང་རྡལ་གྱི་ཁྱད་ལྡན་གྲོང་སྡེ་ཆུང་ངུ་བསྐྲུན་རྒྱུར་མགྱོགས་མྱུར་སྐུལ་འདེད་བཏང་བར་བརྟེན་རིག་གནས་དང་ཡུལ་སྐོར་ཐོན་ལས་ཐད་གྲ་རྒྱས་ལ་འཕེལ་རྒྱས་ཀྱི་རྣམ་པ་བཟང་པོ་ཐོན་ཡོད། 2020ལོར་གཏིང་སྐྱེས་རྫོང་གིས་རིམ་རྩིས་བརྒྱབ་ན་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་3.47ལ་སྣེ་ལེན་ཞུས་པ་དང་ཡུལ་སྐོར་ཡོང་འབབ་སྒོར་ཁྲི་900ཙམ་བྱུང་ཞིང་། འདི་ནི་མཛེས་སྡུག་རྣམ་པར་བཀྲ་བའི་གཏིང་སྐྱེས་རྫོང་འདྲེན་ཐང་གྲོང་རྡལ་ཡིན་པ།