སྐྲན་ནད་ཕོག་མཁན་གྱིས་ལུས་རྩལ་རྩེད་ནས་གཟུགས་པོར་སྦྱོང་བརྡར་བྱེད་དགོས།
སྐྲན་ནད་ཕོག་མཁན་ལ་འཕུར་མཉེད་བཏང་ནས་ཁྲག་འཁོར་རྒྱུག་ལེགས་སུ་འགྲོ་བ་བྱས་ནས་ལུས་སེམས་ལྷོད་པོ་ཡོང་བ་བྱས་ན། ལུས་པོ་གསོ་རྒྱུར་ཕན་ཐོགས་ཡོད། བདེ་ཐང་སླར་གསོའི་སྦྱོང་བརྡར་དེ་སྟབས་བདེ་ནས་རྙོག་དྲ་ཆེ་བའི་བར་དང་ཉུང་ཙམ་རྩེད་བ་ནས་མང་དུ་རྩེད་དེ་རང་ཉིད་ཀྱི་གཟུགས་པོའི་གནས་ཚུལ་གཞིར་བཟུང་ལུས་རྩལ་རྩེད་རྒྱུ་མཐའ་འཁྱོངས་བྱས་ཏེ་རང་ཉིད་ཀྱི་རྒྱུན་གཏན་འཚོ་བ་དང་འཚམ་པ་བྱེད་དགོས། ཐོག་མར་སྟབས་བདེའི་ལུས་རྩལ་ཆུང་ངུ་ནས་འགོ་འཛུགས་པ་དང་དེ་རྗེས་རིམ་གྱིས་ལུས་རྩལ་རྩེད་ཚད་མང་དུ་གཏོང་དགོས། ལུས་རྩལ་འཚམ་པོ་རྩེད་ན་ལྟོ་ཟ་ཤུགས་ཆེ་རུ་འགྲོ་བ་དང་། ལུས་པོ་གསོ་ཐུབ་པ། གཉིད་ཁུག་ཐུབ་པ་བཅས་ལ་ཕན་ཐོགས་ཡོད།
སྐྲན་ནད་ཕོག་མཁན་གྱི་སེམས་པ་སྐྱིད་པོ་ཡོང་བ་བྱེད་དགོས།
ཞིབ་འཇུག་ལས་མངོན་པར། སྐྲན་ནད་ཕོག་མཁན་ནང་མིའི་འཇིགས་སྣང་དང་སེམས་ཁྲལ་གྱིས་སྐྲན་ནད་ཕོག་མཁན་ལ་ཕོག་ཐུག་གཏོང་སླ་པོ་ཡོད། ནང་མིའི་རྣམ་འགྱུར་གྱིས་ནད་པར་སེམས་མི་སྐྱིད་པ་བཟོ་སླ་པོ་ཡོད། དེར་བརྟེན་ནད་པའི་ནང་མིས་ཡིད་རྣལ་དུ་ཕབ་ནས་ནད་གསོའི་ཁོར་ཡུག་དང་སེམས་ཁམས་ཐོག་ནས་རོགས་རམ་བྱེད་པའི་རྣམ་པ་བཟང་པོ་ཞིག་གཏོད་དགོས། སྐྲན་ནད་ཕོག་པའི་ནད་པ་སེམས་མི་སྐྱེད་པའི་སྐབས་སུ་སེམས་གསོ་ཡག་པོ་གཏོང་བ་དང་འཚོ་བའི་ཐད་ལྟ་སྐྱོང་ཡག་པོ་བྱེད་དགོས། རྫས་འགྱུར་ཐོག་ནས་སྨན་བཅོས་བྱེད་པའི་སྐབས་སུ་ལྟོ་ཟ་མི་ཐུབ་པ་དང་། སྐྱུག་མེར་ལངས་བ། སྐྱུག་པ་བཅས་བྱེད་སྐབས་ནང་མིས་ནད་པས་རྒྱུན་དུ་དགའ་པོ་བྱེད་པ་དང་འཚོ་བཅུད་ལེགས་པའི་བཟའ་རིགས་སྟེར་ནས་ལུས་པོ་གསོ་ཐབས་བྱེད་དགོས། ནང་མིས་སྨན་གཡོག་ལ་གཞོགས་འདེགས་བྱས་ཏེ་ནད་པའི་ནད་ཀྱི་འགྱུར་ལྡོག་དཔེར་ན། ཕྲ་ཕུང་དཀར་པོ་ཉུང་དུ་འགྲོ་བ་དང་ནད་འགོག་ནུས་པ་ཆུང་དུ་འགྲོ་མིན་བཅས་ལ་ལྟ་དགོས་པ་མ་ཟད། ནད་པ་སྤྱི་པའི་འདུ་གནས་སུ་མི་བསྐྱོད་པའི་ཁ་ཏ་བསླབ་བྱ་བྱས་ཏེ་མི་གཞན་ལ་མི་འགོ་བ་དང་ནད་ལྕི་རུ་མི་འགྲོ་བ་བྱེད་དགོས།
རྫས་འགྱུར་སྨན་བཅོས་ཀྱིས་སྐྲན་ནད་བཅོས་པར་ཕན་པ་གང་ཡོད་དམ།
ཕྲུ་གུའི་དོད་དྲག་གི་རྨེན་བུའི་ཕྲ་ཕུང་རང་བཞིན་གྱི་ཁྲག་དཀར་པོའི་ནད་དང་པེ་ཅི་ཐེ་ཡི་རྨེན་བུའི་སྐྲན་སོགས་རྫས་འགྱུར་སྨན་བཅོས་བྱས་ན་དྲག་སྐྱེད་ཡོང་གི་ཡོད། དར་མའི་དོད་དྲག་གི་ཁྲག་དཀར་ནད་དང་། ནུ་མའི་འབྲས་སྐྲན། ཁྲག་དཀར་གཅོང་ནད། རྨེན་བུའི་ཕྲ་ཕུང་རང་བཞིན་གྱི་ཁྲག་དཀར་གཅོང་ནད་སོགས་ལ་རྫས་འགྱུར་སྨན་བཅོས་བྱས་ན་དྲག་སྐྱེད་མངོན་གསལ་དོད་པ་དང་རྫས་འགྱུར་སྨན་བཅོས་བྱས་ན་ཚེ་ཚད་རིང་དུ་གཏོང་ཐུབ་ཀྱི་ཡོད།
གོང་གསལ་གྱི་སྐྲན་ནད་ཕུད་དེ་མིན་གྱི་རུས་སྐྲན་དང་། ཨོལ་གོང་གཤེར་རྨེན་གྱི་སྐྲན། ཕོ་བའི་སྐྲན། རྩིབ་རུས་ཀྱི་སྐྲན་སོགས་སྐྲན་ནད་ཚབས་ཆེན་རྫས་འགྱུར་སྨན་བཅོས་བྱས་ན་ཚད་གཞི་མི་འདྲ་བའི་དྲག་སྐྱེད་ཡོང་གི་ཡོད། སྐྲན་ནད་ལ་ལའི་སྤྱི་ཡོངས་ཀྱི་གནས་ཚུལ་ལ་བལྟས་ན་སྨན་བཅོས་ཀྱི་ཕན་འབྲས་ཆེ་ཆུང་མི་འདྲ་བ་ཡོད་མོད། འོན་ཀྱང་ནད་པའི་སྡུག་བསྔལ་ཆུང་དུ་གཏོང་བ་དང་། འཚོ་བའི་སྤུས་ཀ་ལེགས་སུ་གཏོང་བ། ནད་པའི་ཚེ་ཚད་རིང་དུ་གཏོང་བ་བཅས་ལ་ཕན་ཐོགས་ཡོད་པས་རྫས་འགྱུར་སྨན་བཅོས་བྱེད་རིན་ཆོག་པ་ཞིག་ཡོད།