ཟླ་4ཚེས་7ཉིན་འཚོགས་པའི་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ཚོགས་འདུའི་ཐོག ལས་བཟོའི་གཞི་རྩའི་སྨན་བཅོས་འགན་བཅོལ་གཱ་ཁྱེར་ནས་སྨན་ཁང་བསྟེན་པའི་མཉམ་རོགས་འགན་སྲུང་ལམ་སྲོལ་གྱི་བྱེད་ཐབས་འཛུགས་པ་དང་འཐུས་སྒོ་ཚང་དུ་གཏོང་བ་དང་། སྒེར་གྱི་སྨན་བཅོས་འགན་བཅོལ་གཱ་ཡི་དངུལ་སྤྱོད་པའི་ཁྱབ་ཁོངས་རྒྱ་ཆེ་རུ་བཏང་སྟེ། མང་ཚོགས་ཀྱི་སྨན་བཅོས་ཁུར་པོ་ཡང་དུ་གཏོང་རྒྱུའི་གཏན་འཁེལ་བྱས་ཡོད། དེའི་ནང་འགྱུར་ལྡོག་ཆེ་ཤོས་ནི་སྒེར་གྱི་སྨན་བཅོས་འགན་བཅོལ་གཱ་སོ་སོའི་ནང་མིས་སྤྱོད་ཆོག་པ་དེ་ཡིན།
ཚོགས་འདུའི་ཐོག་སྒེར་གྱི་སྨན་བཅོས་འགན་བཅོལ་གཱ་ཡི་དངུལ་སྤྱོད་པའི་ཁྱབ་ཁོངས་རྒྱ་ཆེར་བཏང་ནས་ལས་བཟོའི་ཁྱིམ་ཚང་གི་ནང་མི་ཚང་མས་གནས་གཏན་འཁེལ་གྱི་སྨན་བཅོས་སྒྲིག་གཞིར་སྨན་བཅོས་བྱེད་སྐབས་ལས་བཟོའི་གཱ་ནས་སྨན་ཡོན་སྤྲོད་ཆོག་པ་དང་། དེ་བཞིན་གནས་གཏན་འཁེལ་གྱི་སྨན་རྫས་སིལ་ཚོང་ཁང་ནས་སྨན་དང་། སྨན་བཅོས་ཡོ་ཆས་སོགས་ཉོ་སྐབས་སྒེར་གྱིས་འདོན་དགོས་པའི་འགྲོ་གྲོན་ཐད་སྤྱོད་ཆོག
དེ་སྔོན། སྒེར་གྱི་སྨན་བཅོས་འགན་བཅོལ་གཱ་ལས་བཟོ་རང་ཉིད་ཀྱིས་མ་གཏོགས་སྤྱོད་ཆོག་གི་མེད་པས། ན་ཚ་མེད་པའི་མི་མང་ཆེ་བའི་གཱ་ནང་དངུལ་འབོར་ཆེན་ལྷག་གི་ཡོད། འོན་ཀྱང་རྒན་རྒོན་དང་གཟུགས་པོ་ཐང་པོ་མེད་པའི་མི་ཉུང་ཤས་ཤིག་གི་གཱ་ནང་དངུལ་འདང་གི་མེད་པས་གནོན་ཤུགས་ཆེན་པོ་བཟོ་ཡི་ཡོད། སྒྱུར་བཅོས་བྱས་རྗེས་ལས་བཟོའི་བཟའ་ཚང་དང་ཕ་མ་བུ་ཕྲུག་གིས་ལས་བཟོ་དེ་པའི་གཱ་སྤྱོད་ཆོག་གི་ཡོད་པ་རེད།