ན་ནིང་ནས་བཟུང་། རུ་ཐོག་རྫོང་གིས་ཐོག་མཐའ་བར་གསུམ་དུ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་དར་ཆ་མཐོན་པོར་བསྒྲེངས་ནས་ཏང་འཛུཌ་སྐྱོང་ཏང་སེམས་གཅིག་སྒྲིལ་དང་། དམངས་སེམས་གཅིག་སྒྲིལ། མི་སེམས་གཅིག་སྒྲིལ་བཅས་ཀྱི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་མཐའ་འཁྱོངས་བརྩི་བ་་དང་། ཆབ་སྲིད་དང་། བསམ་བློ། དཔུང་ཁག སྤྱོད་ཚུལ་བཅས་ལ་ཤུགས་སྣོན། ཏང་འཛུགས་སྐྱོང་རྫོང་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལས་དོན་ཁག་དང་། ཕྱོགས་ཁག ལྷུ་ཚིགས་ཁག་བཅས་དང་མཉམ་འདྲེས་བྱེད་པ། ཏང་འཛུགས་སྐྱོང་གི་གཙོ་གནད་ལས་དོན་ལ་དམིགས་པ། མཐོ་སའི་བཀོད་སྒྲིག་ལ་སྐུལ་འདེད་གཏོང་བ། ཚད་གཞི་ཅན་དང་ཚད་ལྡན་ཅན་ལ་དམིགས་པ། དཔེ་མཚོན་ལས་གྲྭ་གཏོད་པ། གཞི་རིམ་ཏང་རྩ་འཛུགས་ཀྱི་ཆབ་སྲིད་ཀྱི་ནུས་པ་དང་རྩ་འཛུགས་ཀྱི་ནུས་པ་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ནས། རུ་ཐོག་རྫོང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྟོབས་དང་ལྡན་པའི་ཆབ་སྲིད་ཀྱི་འགན་ལེན་དང་རྩ་འཛུགས་ཀྱི་འགན་ལེན་མཁོ་འདོན་བྱས་ཡོད།

གཞི་རིམ་གྱི་ཏང་འཛུགས་སྐྱོང་གི་རྣམ་པ་གསར་པ་བཏོད་པ།

རུ་ཐོག་རྫོང་ཨུད་ཀྱིས་ཕྱོགས་ཡོངས་ནས་ཏང་ནན་པོས་སྐྱོང་བའི་བྱེད་པོའི་འགན་འཁྲི་མཐའ་གཅིག་ཏུ་ཁུར་ནས་གཞི་རིམ་ཏང་འཛུགས་སྐྱོང་གི་ལས་དོན་རྫོང་ཡོངས་ཀྱི་ལྟེ་བའི་ལས་དོན་ནང་བཅུག་ནས་དམ་འཛིན་མཐའ་འཁྱོངས་བྱས་ཏེ། རྫོང་ཨུད་ཧྲུའུ་ཅི་འགན་འཁྲི་འཁུར་མཁན་ཨང་དང་པོར་བྱས་ནས་ལས་འགན་གལ་ཆེན་རང་ངོ་མས་བཀོད་སྒྲིག་དང་ལས་དོན་གལ་ཆེན་རང་ངོ་མས་དོན་འཁྱོལ་མཐའ་འཁྱོངས་བྱས་ཡོད། ཞིང་འབྲོག་ཁུལ་གྱི“གདེང་འཇོག་གསུམ་དང་སྣེ་ཁྲིད་གསུམ”གྱི་འཛུགས་གཏོད་བྱེད་སྒོ་དང་ལས་ཁུངས་ཀྱི་ཏང་འཛུགས་སྐྱོང་གི་སྤུས་ཚད་མཐོ་རུ་གཏོང་བའི་ལས་དོན་ལ་ཞིབ་འཇུག་བྱས་པའི་ཁར་ཆེད་དོན་གྲོན་དངུལ་སྒོར་ཁྲི་30དོན་འཁྱོལ་བྱས་ནས་གཞི་རིམ་ཏང་འཛུགས་སྐྱོང་གི་ལས་དོན་ལ་ཐུགས་ཁུར་དང་རྒྱབ་སྐྱོར་ཧུར་ཐག་བྱས་ཡོད།

རྫོང་ཡོངས་ཀྱི་རིམ་ཁག་ཏང་རྩ་འཛུགས་ཀྱིས་ཆབ་སྲིད་ལ་སྣང་ཆེན་བྱེད་པའི་མཐོ་ཚད་ནས“གཞི་རིམ་ལ་དམ་འཛིན་དང་། རྨང་གཞི་འདིང་བའི”མངོན་གསལ་དོད་པའི་སྟོན་ཕྱོགས་བརྟན་པོར་འཛུགས་པ་དང་། གཞི་རིམ་གྱི་ཏང་འཛུགས་སྐྱོང་གི་ལས་དོན་འགན་འཁྲི་གཙོ་བོ་དང་ལས་དོན་གཙོ་བོར་བརྩིས་ནས་དམ་འཛིན་ཏན་ཏིག་བྱེད་པ། ལྗོངས་ཏང་ཨུད་ཀྱི“དམ་འཛིན་བཞི”ཡི་དུས་རབས་གསར་པའི་ཏང་འཛུགས་སྐྱོང་ལས་དོན་གྱི་རྣམ་པར་གཞིགས་ཏེ། ཏང་འཛུགས་སྐྱོང་སྤྱི་ཡོངས་ཀྱི་ལས་དོན་ནང་འཇོག་པ་བཅས་བྱས་ཏེ། རིམ་པ་བཞིན་དོན་འཁྱོལ་དང་དམ་འཛིན་བྱེད་པའི་འགན་འཁྲིའི་མ་ལག་བཙུགས་ཡོད།

ཏང་ཡོན་གྱི་བསམ་བློའི་སློབ་གསོར་དམ་འཛིན་ཡག་པོ་བྱས་པ།

རུ་ཐོག་རྫོང་གི་རིམ་ཁག་ཏང་རྩ་འཛུགས་ཀྱིས་རྫོང་ཨུད་ཀྱི་བླང་བྱར་ནན་པོར་གཞིགས་ནས་ཏང་ཡོན་ལ་སློབ་གསོ་གཏོང་བའི་ལོ་འཁོར་འཆར་གཞི་བཟོས་ཏེ། ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པ་དང་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པ་སོགས་ཚོགས་འདུ་གལ་ཆེན་ཁག་གི་དགོངས་དོན་སློབ་སྦྱོང་གི་སྒྲོག་འགྲེལ་ཐེངས་621བྱས་པར་མི་ཐེངས་61960ལྷག་ཙམ་ལ་ཕན་པ་ཐོབ་ཡོད། རྫོང་ཨུད་ཏང་གི་སློབ་གྲྭར་བརྟེན་ནས་རིགས་ཁག་གི་གྲོང་ཚོའི་ལས་བྱེད་པའི་སློབ་གསོའི་གསོ་སྦྱོང་འཛིན་གྲྭ་དུས་ཐེངས་23གཉེར་བ་མ་ཟད། གྲོང་ཚོའི་ལས་བྱེད་པ་40ལྷག་ཙམ་ཧྲའན་ཤིས་དང་། ཁྲུང་ཆིང་། ཀྲེང་ཀྲོའུ་སོགས་སུ་གསོ་སྦྱོང་ལ་བཏང་བ་རེད། ཏང་ཡོན་ལས་བྱེད་ལས་བཟོ་དང་ཞིང་འབྲོག་ཁུལ་དང་སྡེ་ཁུལ་གྱི་ཏང་ཡོན་སྐུལ་སློང་བྱས་ནས“སློབ་སྦྱོང་རྒྱལ་ཁབ་སྟོབས་ཆེན”གྱི་ལག་ཐོགས་ཁ་པར་གྱི་APPཐེངས་876གི་སྒྲིག་སྦྱོར་སྐུལ་སློང་བྱས་པ་དང་། ཤང་གྲོང་ཏང་ཨུད་ཀྱིས་གྲོང་ཚོའི་དོ་དམ་དཔུང་ཁག་དང་དེ་བཞིན་སློབ་སྦྱོང་ཚོགས་ཆུང་10ཡི་འཛུགས་གཏོད་ལ་མཛུབ་ཁྲིད་བྱས་པ་རེད།

ན་ནིང་ཚུན་དུ། རུ་ཐོག་རྫོང་གིས་རྫོང་ཐད་གཏོགས་ལས་ཁུངས་ཀྱི་ཏང་ཀྲི་པུའི་ཏང་ཡོན་གསོ་སྦྱོང་འཛིན་གྲྭ་དུས་ཐེངས་4གཉེར་ནས་མི་ཐེངས་500ལྷག་ཙམ་གསོ་སྦྱོང་བྱས་པ་དང་། ཏང་ཡོན་གསར་པ་འཕེལ་རྒྱས་གཏོང་བའི་གསོ་སྦྱོང་འཛིན་གྲྭ་དུས་ཐེངས་1གཉེར་ནས་མི་176གི་གསོ་སྦྱོང་བྱས་པ། གྲོང་ཚོར་བཅའ་སྡོད་ལས་དོན་རུ་ཁག་དང་། ཧྲུའུ་ཅི་དང་པོ། གྲོང་གསེབ་དར་རྒྱས་ཀྱི་ཆེད་ཚན་གསོ་སྦྱོང་འཛིན་གྲྭ་དུས་ཐེངས་1གཉེར་ནས་མི་35གསོ་སྦྱོང་བྱས་པ་རེད། 《ཏང་ཨུད(ཏང་ཙུའུ)ཀྱིས་ཕྱོགས་ཡོངས་ནས་ཏང་ནན་པོས་སྐྱོང་བའི་བྱེད་པོའི་འགན་འཁྲི་དོན་འཁྱོལ་གྱི་གཏན་འབེབས་སློབ་སྦྱོང》གི་གསོ་སྦྱོང་འཛིན་གྲྭ་དུས་ཐེངས་1གཉེར་ནས་མི་60གསོ་སྦྱོང་བྱས་པ་དང་། གཞི་རིམ་ཏང་རྩ་འཛུགས་འཛུགས་སྐྱོང་དང་ཏང་ཡོན་གྱི་སློབ་གསོ་དོ་དམ་གསོ་སྦྱོང་འཛིན་གྲྭ་དུས་ཐེངས་10གཉེར་ནས་མི་436གསོ་སྦྱོང་བྱས་པ་རེད།

ཏང་ཡོན་ལས་བྱེད་པའི་དཔུང་ཁག་སྟོབས་ཆེར་བཏང་བ།

རུ་ཐོག་རྫོང་གིས་ཐོག་མཐའ་བར་གསུམ་དུ་ནུས་མེད་ཟབ་ཟོབ་ཀྱི་གཞི་རིམ་ཏང་རྩ་འཛུགས་བཅོས་སྒྲིག་གི་ལས་དོན་གཞི་རིམ་གྱི་བཅོས་སྐྱོང་བྱེད་ནུས་དང་ཆུ་ཚད་མཐོ་རུ་གཏོང་བའི་ནང་དོན་གལ་ཆེན་དུ་བརྩིས་ཏེ། 《རུ་ཐོག་རྫོང་གི་2020ལོའི་ནུས་མེད་ཟབ་ཟོབ་ཀྱི་གཞི་རིམ་ཏང་རྩ་འཛུགས་བཅོས་སྒྲིག་ལས་དོན་གྱི་ཇུས་གཞི》བཟོས་ནས་2019ལོར་གཏན་འཁེལ་བྱས་པའི་ར་བང་ཤང་ལུང་མ་མཁར་གྲོང་ཚོའི་ཏང་ཀྲི་པུའུ་དང་རྡོ་དམར་ཤང་རྡོ་དམར་གྲོང་ཚོའི་ཏང་ཀྲི་པུའུ་ནུས་མེད་ཟབ་ཟོབ་བཅོས་སྒྲིག་བྱེད་པའི་ལས་དོན་ལ་ཕྱིར་མིག་ལྟ་བ་དང་བློ་ཡིད་ཚིམ་ཚད་ལ་དཔྱད་འདེམས་བྱས་ཏེ། ར་བང་ཤང་རྩྭ་ཕུག་གྲོང་ཚོའི་ཏང་ཀྲི་པུའུ་སོགས་ཏང་རྩ་འཛུགས་6“རྗེས་ལུས”གྲོང་ཚོའི་ཏང་ཀྲི་པུའུ་ལ་གཏན་འཁེལ་གྱིས་རྫོང་ཨུད་རྩ་འཛུགས་པུའི་པུའུ་ལས་དོན་ཨུ་ལྷན་ཚན་ཁག་གི་ཁོངས་མིས་སྒོ་བྱང་བཀལ་ནས་ལྟ་སྐུལ་བྱས་པ་རེད།

ཏོག་གསར་གློ་ཚད་ཀྱི་རིམས་ནད་ཐོན་ཚུན། རུ་ཐོག་རྫོང་གི་རིམ་ཁག་ཏང་རྩ་འཛུགས་ཀྱིས་ཏང་ཀྲུང་དབྱང་གི་འབོད་སྐུལ་ལ་བརྡ་ལན་ཧུར་ཐག་ཞུས་ནས་ཏང་ཡོན་གྱི་གདོང་ལེན་རུ་ཁག་8སྒྲིག་འཛུགས་བྱས་པ་དང་གནས་སྐབས་ཏང་ཀྲི་པུའུ་6བཙུགས་ཏེ། རྫོང་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པས་མདུན་དུ་ཤོར་ནས་ལས་ཀ་དང་མདུན་དུ་ཤོར་ནས་དམག་འཐབ་བྱས་ཡོད། རྫོང་ཡོངས་ཀྱི་ཏང་ཡོན་ལས་བྱེད་པ་དང་མང་ཚོགས་ཚོས་རིམས་ནད་ཀྱི་གནས་ཚུལ་ཚབས་ཆེ་བའི་ས་ཁུལ་ལ་དངུལ་སྒོར་ཁྲི་129ཞལ་འདེབས་བརྒྱབ་པ་དང་། ཏང་ཡོན་གྱིས་ཞལ་འདེབས་རྒྱག་ཚད་100%ཟིན་ཡོད། རིམས་ནད་སྔོན་འགོག་དང་ཚོད་འཛིན་གྱི་འཐབ་དང་པོར་བྱས་རྗེས་མངོན་གསལ་འཇོག་མཁན་མི་35ཡིས་ཏང་ལ་ཞུགས་པའི་ཞུ་ཡིག་ཕུལ་བ་རེད།