སྔོ་ཇ་ནི་ཇ་ལོ་སོས་པ་སྲོ་སྐམ་གཏོང་བ་སོགས་ཀྱི་ལས་རིམ་བརྒྱུད་དགོས་པ་དང་མ་བསྙལ་བར་བཟོས་པ་ཞིག་ཡིན་ཞིང་། དེ་ཇ་པ་ཏི་དང་བསྡུར་ན་ལས་རིམ་ཉུང་བ་ཡོད་པས་འཚོ་བཅུད་ཤོར་ཉུང་བ་དང་ལྷག་པར་དུ་ཇའི་ཏོ་ཧྥུན་འདུས་ཚད་དེ་ཇ་པ་ཏི་ལས་མང་བ་ཡོད། དེས་ན་ཇ་ལོར་ལྡན་པའི་ཁྲག་ཤེད་གཅོག་པའི་གྲུབ་ཆ་ནི་ཇའི་ཏོ་ཧྥུན་དང་ཇའི་ཨེམ་སྐྱུར་ཡིན་པས། ཁྲག་ཤེད་གཅོག་པའི་ཕན་ནུས་ཇ་པ་ཏི་ལས་ཆེ་བ་ཡོད།
ཡིན་ནའང་སྔོ་ཇ་མང་པོ་སྡེབ་གཅིག་ལ་སྦངས་ནས་བཏུངས་ན་ཇ་དེ་བསིལ་བའི་རང་བཞིན་ཡིན་པས་ཕོ་བར་གནོད་ཀྱི་ཡོད། དེར་བརྟེན་ཐེངས་གཅིག་ལ་མང་པོ་སྦང་རྒྱུ་མེད།
ཇ་པ་ཏིའི་བཟོ་རིམ་སྔོ་ཇ་ལས་རྙོག་འཛིང་ཆེ་བ་ཡོད་ཅིང་། བསྙལ་བའི་རིགས་ཀྱི་ཇའི་ཁོངས་སུ་གཏོགས་པ་དང་མདོག་དམར་ཙམ་ཡོད།
བསྙལ་ཟིན་པའི་ཇ་པ་ཏི་མང་པོ་བཏུངས་ཀྱང་ཕོ་བར་གནོད་ཀྱི་མེད་ལ། དེ་ཁ་ལ་འཇམ་པ་དང་བྲོ་བ་ཞིམ་པོ་ཡོད།