2018ལོའི་ཟླ་7པར། ཨན་ཧུའེ་ཞིང་ཆེན་གྱི་ལོ་གསུམ་རིང་གི་བོད་སྐྱོར་ལས་བྱེད་ཤེས་ལྡན་མི་སྣའི་ཁྲོད་ཀྱི་བུད་མེད་ཨང་དང་པོ་དང་ཨན་ཧུའེ་ཞིང་ཆེན་གྱི་སྨན་བཅོས་ཤེས་ལྡན་མི་སྣའི་ཚོགས་སྒྲིག་རྣམ་པའི་བོད་སྐྱོར་ལས་དོན་རུ་ཁག་གི་རུ་སྣེ་འཁྲིད་མཁན་ཝུའུ་ཞའོ་ལི་ཡིས་རྩ་འཛུགས་ཀྱི་མངགས་བཅོལ་ཟབ་མོ་ཕྲག་ཏུ་འཁུར་ནས་ས་བབ་མཐོ་ཚད་སྨི་3600ཟིན་པའི་ལྷོ་ཁ་གྲོང་ཁྱེར་མི་དམངས་སྨན་ཁང་དུ་དཀའ་ཚེགས་ཆེ་ལ་གཟི་བརྗིད་ལྡན་པའི་བོད་སྐྱོར་ལས་ལ་གཞོལ་འགོ་བརྩམས།

བོད་སྐྱོར་ལས་དོན་ལ་ཐེངས་གཅིག་ཞུགས་པ་ལས་ཚེ་གང་རིང་བོད་སྐྱོར་གྱི་བརྩེ་སེམས་ཆགས། “བོད་སྐྱོར་ལས་དོན་དཀའ་ཚེགས་ཆེ་མོད། འོན་ཀྱང་དེ་ནི་མི་ཚེའི་ཆུ་རྒྱུན་རིང་མོའི་ཁྲོད་ཀྱི་གཟི་མདངས་འཕྲོ་བའི་རླབས་ཕྲེང་ཞིག་རེད”ཅེས་ཝུའུ་ཞའོ་ལི་ཡིས་བཤད།

2015ལོའི་ཟླ་8པར་སྨན་བཅོས་ཤེས་ལྡན་མི་སྣའི་ཚོགས་སྒྲིག་རྣམ་པའི་བོད་སྐྱོར་ལས་དོན་སྤེལ་ཚུན། ཨན་ཧུའེ་ཞིང་ཆེན་གྱི་རོགས་སྐྱོར་སྨན་ཁང་ཁག་གིས་ནུས་ཤུགས་ཡོད་རྒུས་རྒྱབ་སྐྱོར་བྱས་པར་བརྟེན་ལྷོ་ཁ་གྲོང་ཁྱེར་མི་དམངས་སྨན་ཁང་ལ་བྱ་འཕུར་བ་ལྟར་གྱི་འཕེལ་རྒྱས་བྱུང་ནས་རང་ལྗོངས་ཀྱི་རྒྱལ་ཁབ་རིམ་པའི་བྲང་གཟེར་ལྟེ་གནས་དང་པོ་དང་རྒྱལ་ཁབ་རིམ་པའི་གཟའ་གྲིབ་ལྟེ་གནས་དང་པོ་གྲུབ་འབྲས་ཐོབ་པའི་ངང་བཏོད་པ་རེད། 2020ལོར་ཡོངས་བསྒྲགས་བྱས་པའི《རྒྱལ་ཡོངས་ཀྱི་རིམ་གསུམ་གཞུང་བཙུགས་སྨན་ཁང་གི་ལས་རྗེས་དཔྱད་ཞིབ་ཀྱི་རྒྱལ་ཁབ་ཀྱི་ལྟ་ཞིབ་ཚད་ལེན་དང་དབྱེ་ཞིབ་བྱས་འབྲས་སྐོར་གྱི་བརྡ་ཁྱབ》ནང་། ལྷོ་ཁ་གྲོང་ཁྱེར་མི་དམངས་སྨན་ཁང་ལ་རང་སྐྱོང་ལྗོངས་ཀྱི་གྲོང་ཁྱེར་དང་ས་ཁུལ་རིམ་པའི་རིམ་གསུམ་སྨན་བཅོས་སྒྲིག་གཞིའི་ཁྲོད་ནས་ཨང་དང་པོའི་གྲུབ་འབྲས་བཟང་པོ་ཐོབ།

ལས་ཞོར་དུ་ཝུའུ་ཞའོ་ལིས་དང་རུ་མི་ཚོས་རྟག་ཏུ་ལས་དུས་འཕར་མ་བྱེད་ཀྱི་ཡོད། ཁོང་ཚོས་རྟག་ཏུ་ངལ་གསོའི་དུས་ཚོད་དང་དུས་ཆེན་ལ་ལྷོ་ཁ་གྲོང་ཁྱེར་ཁོངས་གཏོགས་ཀྱི་རྫོང་དང་ཆུས་12ཀྱི་སློབ་གྲྭ་དང་། དམག་སྒར། ཕན་བདེ་ཁང་། རྒན་གསོ་ཁང་། དེ་བཞིན་ས་རྒྱ་ཆེ་ལ་མི་འབོར་ཉུང་བ་དང་ས་བབ་མཐོ་ལ་ཐག་རིང་ལུང་ཁུག་གི་ཞིང་འབྲོག་ཁུལ་སོགས་སུ་སྐོར་སྐྱོད་སྨན་བཅོས་དང་། ནད་གཞི་བརྟག་དཔྱད། བདེ་ཐང་ཤེས་བྱའི་འཆད་ཁྲིད་སོགས་བྱེད་པར་འགྲོ་གི་ཡོད་པ་རེད།

བསྡོམས་རྩིས་བྱས་པར་གཞིགས་ན། ལོ་གཉིས་ལྷག་ཙམ་རིང་བོད་སྐྱོར་ལས་དོན་རུ་ཁག་གིས་རྒྱ་ཆེའི་ཐག་རིང་ལུང་ཁུག་ས་ཁུལ་གྱི་ཞིང་འབྲོག་པ་དང་། ལས་བྱེད་མང་ཚོགས་དང་དགེ་སློབ། མཐའ་སྲུང་དཔོན་དམག་བཅས་མི་ཐེངས་7000ཙམ་ལ་རིན་མེད་ངང་གཟུགས་པོར་བརྟག་དཔྱད་བྱས་པ་དང་། སྒོར་ཁྲི་16ལྷག་ཙམ་རི་བའི་སྨན་སྤྲད་པ་མ་ཟད། བརྟག་དཔྱད་ཐུབ་པའི་རུས་ཚིགས་ཀྱི་ནད་དང་། སྙིང་ཀླད་ཁྲག་རྩའི་ནད། འཇུ་ལམ་གྱི་ནད་སོགས་ས་མཐོའི་ནད་དང་ཐོན་མང་བའི་ནད་གཞིར་དུས་ཐོག་ཏུ་ཐོ་འགོད་བྱས་ཏེ། དམིགས་ས་ཡོད་པའི་སྒོ་ནས་ཕན་ནུས་ཆེ་བའི་སྨན་བཅོས་བྱས་པ་རེད།

བོད་སྐྱོར་ལས་དོན་ལ་བརྗེད་པར་དཀའ་ལ་སེམས་འགུལ་ཐེབས་པའི་བྱ་བ་མང་པོ་ཡོད་མོད། འོན་ཀྱང་ཝུའུ་ཞའོ་ལི་ལ་མཚོན་ན་བརྗེད་དཀའ་ཤོས་དང་སེམས་འགུལ་ཆེ་ཤོས་ནི་རྒྱ་ཆེའི་བོད་རིགས་མང་ཚོགས་ཀྱི་བབ་ཆགས་པའི་དམངས་སྲོལ་དང་། ས་གནས་དེ་གའི་ལས་བྱེད་ལས་བཟོ་ཚོས