གཅིག གཟའ་འཁོར་འདིའི་གནམ་གཤིས་སྔོན་བརྡ(2020ལོའི་ཟླ་12ཚེས་21ནས་27ཉིན་བར)

གཟའ་ཟླ་བ་ནས་གཟའ་ལྷག་པའི་བར། ཉིང་ཁྲིར་སྤྲིན་པ་མང་པོ་འཁོར་རྒྱུ་དང་ས་ཆ་ཁག་གཅིག་ལ་གངས(ཆར་པ)སིམ་སིམ་འབབ་རྒྱུ། ས་ཁུལ་གཞན་དག་ལ་གནམ་དྭངས་ནས་སྤྲིན་པ་ཉུང་ཉུང་འཁོར་རྒྱུ།

གཟའ་ཕུར་བུ་དང་པ་སངས་ཉིན། ཉིང་ཁྲི་དང་། ནག་ཆུའི་ཤར་རྒྱུད། ཆབ་མདོའི་བྱང་རྒྱུད། མངའ་རིས་བཅས་ལ་གངས(ཆར་པ)ཆུང་བ་འབབ་རྒྱུ་དང་། ས་ཆ་གཞན་དག་ལ་སྤྲིན་པ་ཉུང་ཉུང་འཁོར་ནས་རིམ་བཞིན་མང་དུ་འགྲོ་རྒྱུ།

གཟའ་མཇུག་ལ་མངའ་རིས་སུ་གངས་ཆུང་བ་ནས་འབྲིང་བའི་བར་འབབ་རྒྱུ་དང་། རྩྭ་མདའ་དང་སྤུ་ཧྲེང་རྒྱུད་དུ་གངས་ཆེན་པོ་འབབ་རྒྱུ། ནག་ཆུའི་ནུབ་བྱང་རྒྱུད་དང་གཞིས་རྩེའི་ལྷོ་ནུབ་རྒྱུད་དུ་སྤྲིན་པ་མང་པོ་འཁོར་ནས་གངས་ཆུང་བ་འབབ་རྒྱུ་དང་ས་ཆ་ཁག་གཅིག་ལ་གངས་འབྲིང་བ་འབབ་རྒྱུ། ས་ཆ་གཞན་དག་ལ་སྤྲིན་པ་མང་པོ་འཁོར་རྒྱུ།

གཟའ་པ་སངས་གོང་བོད་བྱང་ཐང་རྒྱུད་དང་ལྷོ་རྒྱུད་མཐའ་ཁུལ་གྱི་ས་བབ་མཐོ་བའི་ས་ཆར་ལྷགས་པ་ཆེན་པོ་རིམ་པ་7ནས་8བར་རྒྱག་རྒྱུ་དང་། ཡར་ཀླུང་གཙང་པོའི་རྒྱུད་དུ་ཐོལ་རླུང་རིམ་པ་5ནས་6བར་རྒྱག་སྲིད་པས་ཐལ་རླུང་ལངས་ཉེན་ཆེ།

གཉིས། གྲོས་འགོ

1.གཟའ་པ་སངས་གོང་ལྷགས་པ་ཆེན་པོ་བརྒྱབ་པའི་གནམ་གཤིས་བསྟན་ནས་སྐམ་ཤས་ཆེ་བས་ངེས་པར་དུ་རྩྭ་ཐང་དང་། ནགས་ཚལ། གྲོང་ཁྱེར་སོགས་ཀྱི་མེ་སྐྱོན་སྔོན་འགོག་ལས་དོན་ལ་ཤུགས་སྣོན་རྒྱག་དགོས།

2.གཟའ་མཇུག་ཏུ་རང་ལྗོངས་ཀྱི་ནུབ་ནས་ཤར་བར་གངས(ཆར་པ)བབས་ནས་དྲོད་ཚད་ཆག་སྟེ་ས་བབ་མཐོ་བའི་ལམ་དུམ་དུ་གངས་གསོག་དང་འཁྱགས་པ་ཐེབས་སླ་བས། འགྲོ་ལམ་འགྲིམ་འགྲུལ་གྱི་བདེ་འཇགས་ལ་དོ་སྣང་བྱེད་དགོས་པ་མ་ཟད། ད་དུང་དྲོ་ཇུས་ཡག་པོ་བྱེད་དགོས།