ཉེ་ཆར། ཁོངས་གཏོགས་ཀྱི་ཆེད་དོན་བོད་སྐྱོར་ལས་བྱེད་ཤེས་ལྡན་མི་སྣའི་ལས་དོན་བཞུགས་མོལ་ཚོགས་འདུ་འཚོགས་ནས་ལས་དོན་གྱི་གནས་ཚུལ་སྤེལ་རེས་དང་གནད་དོན་ཐག་གཅོད་བྱ་རྒྱུར་ཞིབ་འཇུག་བྱས་པ་དང་འབྲེལ་ལས་འགན་བཀོད་སྒྲིག་ཀྱང་བྱས་པ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ཁྲེང་ཡུང་ཆི་ཚོགས་འདུར་ཕེབས་ནས་གསུང་བཤད་གནང་བ་རེད།
ཁྲེང་ཡུང་ཆིས་རྒྱ་ཆེའི་ཁོངས་གཏོགས་ཀྱི་ཆེད་དོན་བོད་སྐྱོར་ལས་བྱེད་ཤེས་ལྡན་མི་སྣ་ནི་བོད་བཅོས་སྐྱོང་དང་། བོད་བརྟན་ལྷིང་། བོད་དར་རྒྱས་བཅས་ཡོང་བའི་ཤེས་ལྡན་མི་སྣའི་ཐོན་ཁུངས་རྩ་ཆེན་ཞིག་ཡིན་པས། རྩ་འཛུགས་སྡེ་ཚན་གྱིས་སྤྱི་འདོམས་མཐུན་སྦྱོར་ལ་ཤུགས་སྣོན་བརྒྱབ་སྟེ་ས་གནས་ཁག་གིས་གཏོགས་ཁོངས་དོ་དམ་གྱི་འགན་འཁྲི་དོན་འཁྱོལ་དང་ལས་རིགས་ཁོངས་གཏོགས་ཁག་གིས་བྱེད་པོའི་འགན་འཁྲི་གཙང་སྒྲུབ་བྱེད་པའི་ཁར་དོ་དམ་ནན་པོ་དང་གཅེས་སྐྱོང་ཟུང་དུ་འབྲེལ་རྒྱུ་མཐའ་འཁྱོངས་བྱས་ཏེ། འབྲེལ་གཏུག་དང་། ཞབས་ཞུ། དོ་དམ་བཅས་ཀྱི་ལམ་སྲོལ་འཐུས་སྒོ་ཚང་དུ་བཏང་ནས་གླ་ཕོགས་ཀྱི་ཐོབ་ཆ་དང་། ཆེད་ལས་ཀྱི་གོ་མིང་དཔྱད་འདེམས། བུ་ཕྲུག་སློབ་གྲྭར་གཏོང་བ། གཟུགས་པོར་བརྟག་དཔྱད་སོགས་ཕྱོགས་ཁག་གི་སྲིད་ཇུས་དོན་འཁྱོལ་དང་ཁོངས་གཏོགས་ཀྱི་ཆེད་དོན་བོད་སྐྱོར་ལས་བྱེད་ཤེས་ལྡན་མི་སྣ་གཟུགས་པོ་ཡག་པོ་དང་། སློབ་སྦྱོང་ཡག་པོ། ལས་དོན་ཡག་པོ། དོ་དམ་ཡག་པོ་བཅས་ཡོང་བར་སྐུལ་འདེད་བཏང་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་ཕྱོགས་ཡོངས་ནས་འཛུགས་སྐྲུན་བྱེད་པར་ལེགས་སྐྱེས་གསར་པ་སྔར་བས་ཆེ་བ་འབུལ་དགོས་པའི་ནན་བཤད་གནང་བ་རེད།