མེ་ན་མེ་ནས་གནས་ཚུལ་སྤེལ་བར། ཉིན་ཤས་གོང་པ་རེན་གྱི་རྒྱལ་ཁབ་འཕྲོད་བསྟེན་ལྟ་འདོམས་ཅུས་ཀྱིས་ཀྲུང་གོའི་རྒྱལ་ཁབ་སྨན་རྫས་ཚོགས་པས་ཞིབ་འཇུག་གསར་སྤེལ་བྱས་པའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་པ་རེན་དུ་ཐོ་འགོད་བྱས་ནས་ཁྲོམ་རར་འདོན་པའི་ཆོག་མཆན་དངོས་སུ་སྤྲད་ཡོད་ཅེས་ཁྱབ་བསྒྲགས་བྱས་པ་རེད།

ཉིན་ཤས་གོང་པ་རེན་སྨྱན་སྦྱོར་གྱིས་གནས་ཚུལ་སྤེལ་བར་གཞིགས་ན། དེ་ཉིན་པ་རེན་གྱི་རྒྱལ་ཁབ་འཕྲོད་བསྟེན་ལྟ་འདོམས་ཅུས་ཀྱིས་ད་ཐེངས་ཀྱི་གཏན་འབེབས་ནི་རིམས་འགོག་སྨན་ཁབ་དེ་རྒྱལ་ཁབ་མང་པོར་ནད་ཐོག་སྨན་བཅོས་ཚོད་ལྟ་བྱས་པའི་གྲངས་གཞི་དང་དབང་གྲགས་ལྡན་པའི་སྒྲིག་གཞི་མང་པོས་ཞིབ་བཤེར་དང་ཚོད་སྐོར་བྱས་པ་ཞིག་རེད། ཀྲུང་གོའི་རྒྱལ་ཁབ་སྨན་རྫས་ཚོགས་པའི་ཏོག་གསར་གློག་ཚད་ཀྱི་རིམས་འགོག་སྨན་ཁབ་ཀྱི་རྒྱལ་སྤྱིའི་ནད་ཐོག་སྨན་བཅོས་ཀྱི་དུས་ཐེངས་གསུམ་པའི་ཚོད་ལྟའི་གྲུབ་འབྲས་ལས་མངོན་གསལ། སྨན་ཁབ་དང་ལེན་བྱེད་མཁན་42299ལ་སྨན་ཁབ་བརྒྱབ་རྗེས། རིམས་འགོག་སྨན་ཁབ་དེ་གོ་ཆོད་ཚད་86%ཟིན་པ་དང་། དུག་སྲིན་འགོག་རྫས་ཀྱི་དྭངས་ཁྲག་གཞན་སྒྱུར་དོ་སྙོམས་བྱེད་ཚད་99%ཟིན་པ། ཏོག་གསར་གློ་ཚད་རིམས་ནད་ཚབས་ཆུང་བ་ནས་ཚབས་འབྲིང་བ་དང་ཚབས་ལྕི་བར་འགྱུར་བ་100%འགོག་ཐུབ་ཀྱི་ཡོད་པ་རེད།