དགུན་དུས་ཁྲོམ་རའི་ཐོག་ཤིང་ཏོག་ཨ་མྲ་མང་པོ་ཐོན་གྱི་ཡོད་པས། དེ་བཟས་ན་དུག་སེལ་དང་སྐོམ་པ་སེལ་བ་སོགས་གཟུགས་པོར་ཕན་ཐོགས་ཆེན་པོ་ཡོད། ཡིན་ནའང་། ཤིང་ཏོག་ཨ་མྲ་བཟའ་སྐབས་དོ་སྣང་བྱེད་དགོས་པ་འགའ་ཞིག་ཡོད།
གཅིག ཁོག་པ་སྟོང་པར་ཟ་རྒྱུ་མེད།
ཤིང་ཏོག་ཨ་མྲར་བེ་སྐྱུར་དང་ཤིང་ཏོག་གི་སྤྱིན་ཚི་མང་པོ་ལྡན་ཡོད་པས། ཁོག་པ་སྟོང་པར་བཟས་ན་ཕོ་སྐྱུར་གྱིས་རྐྱེན་པས་ཕོ་བས་འཇུ་ཁག་པོ་ཡོད།
གཉིས། ཟུངས་ཁྲག་ཞན་པའི་ནད་པས་ཉུང་ཙམ་ཟ་དགོས།
ཤིང་ཏོག་ཨ་མྲར་ཏན་ཉིང་འདུས་ཡོད་པས་མིའི་གཟུགས་པོར་མཁོ་བའི་འཚོ་བཅུད་ལྕགས་བསྡུ་ལེན་བྱེད་པར་འགོག་རྐྱེན་བཟོ་བས་ཟུངས་ཁྲག་ཞན་པའི་མིས་མང་པོ་ཟ་རྒྱུ་མེད།
གསུམ། གཅིན་པ་མངར་འགྱུར་གྱི་ནད་པས་ཟ་རྒྱུ་མེད།
ཤིང་ཏོག་ཨ་མྲར་མངར་ཆའི་རིགས་འདུས་ཚད་མཐོ་པོ་ཡོད་པས། དེ་བཟས་དྲགས་ན་ཁྲག་མངར་མཐོ་རུ་འགྲོ་བས་གཅིན་པ་མངར་འགྱུར་གྱི་ནད་པས་ཟ་མི་རུང་།
བཞི། འོས་འཚམ་ཟ་དགོས།
ཤིང་ཏོག་ཨ་མྲར་ཕེད་སྐྱུར་འདུས་ཡོད་པས་དེ་བཟས་ན་མིའི་གཟུགས་པོར་དགོས་ངེས་ཀྱི་འཚོ་བཅུད་ཀལ་དང་། ཏི་ཚ། རྨེ། ལྕགས་སོགས་བསྡུ་ལེན་བྱེད་པར་ཤུགས་རྐྱེན་ཐེབས་པས་ཡག་ཤོས་བྱུང་ན་མང་པོ་ཟ་རྒྱུ་མེད།