ཉེ་ཆར། ལྷོ་ཁ་གྲོང་ཨུད་རྩ་འཛུགས་པུའུ་དང་ལྷོ་ཁ་གྲོང་ཨུད་ཏང་གི་སློབ་གྲྭས་མཉམ་དུ་གཉེར་བའི་2020ལོའི་གྲོང་ཁྱེར་ཡོངས་ཀྱི་ཏང་གི་མི་རིགས་རིགས་པའི་གཞུང་ལུགས་ཀྱི་སྲིད་ཇུས་དང་མི་རིགས་མཐུན་སྒྲིལ་ཡར་ཐོན་གཏོད་འཛུགས་ལས་དོན་གྱི་གསོ་སྦྱོང་འཛིན་གྲྭ་སློབ་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། ཐེངས་འདིའི་གསོ་སྦྱོང་གི་དུས་ཡུན་ཉིན་5ཡིན་པ་དང་། ནང་དོན་ལ་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་གསལ་འགྲེལ་དང་། 《བོད་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་གཏོད་འཛུགས་སྲོལ་ཡིག》གསལ་འགྲེལ་སོགས་སྲིད་ཇུས་ཀྱི་རིགས་པའི་གཞུང་ལུགས་ཀྱི་ནང་དོན་བཀོད་སྒྲིག་བྱས་ཡོད་པ་དང་ཆབས་ཅིག ས་གནས་ས་ཐོག་ཏུ་སྤེལ་རེས་སློབ་ཁྲིད་ཀྱང་བཀོད་སྒྲིག་བྱས་ཡོད་པ་རེད།
གསོ་སྦྱོང་བརྒྱུད་སློབ་མ་ཚང་མར་ཕན་འབྲས་ཐོབ་པ་དང་མྱོང་ཚོར་གཏིང་ཟབ་བྱུང་ནས་ལྷོ་ཁ་གྲོང་ཁྱེར་གྱིས་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་གྲོང་ཁྱེར་གཏོད་འཛུགས་ལས་དོན་གཏིང་ཟབ་ངང་སྤེལ་བར་སྐུལ་འདེད་ཀྱི་ནུས་པ་ཐོན་པ་རེད།