ལྷ་ས་གྲོང་ཁྱེར་མལ་གྲོ་གུང་དཀར་རྫོང་གི“མཛེས་སྡུག་ལྡན་པའི་གྲོང་གསེབ། བདེ་སྐྱིད་ལྡན་པའི་ཁྱིམ་གཞིས”ཞེས་པའི་གྲོང་ཚོ་ཧྲིལ་པོར་སྐུལ་འདེད་གཏོང་བའི་རྣམ་གྲངས་འདི་ལོའི་ཟླ་བ་4པར་ཕྱོགས་ཡོངས་ནས་ལག་ལེན་བསྟར་འགོ་ཚུགས་པ་དང་ད་ཆ་སྤྱིར་ན་ལེགས་སྒྲུབ་ཟིན་ཡོད། མང་ཚོགས་བསྟུད་མར་སྡོད་ཁང་གསར་པར་སྤོས་པ་དང་། གྲོང་ཚོའི་ནང་བུ་བཅོལ་ཁང་དང་། ལུས་སྦྱོང་ཡོ་ཆས། མང་ཚོགས་བྱེད་སྒོ་ཁང་སོགས་ལེ་ལག་ཚང་བའི་སྒྲིག་ཆས་ཡོད་པས་གྲོང་ཚོ་ཧྲིལ་པོ་རྣམ་པ་གསར་རྐྱང་དུ་གྱུར་ཡོད། འདི་ནི་ལྷ་ས་གྲོང་ཁྱེར་མལ་གྲོ་གུང་དཀར་རྫོང་རུ་ཐོག་ཤང་རྫེམས་གྲོང་ཚོའི་ཕྲུ་གུ་ཚོས་གསར་དུ་བསྐྲུན་པའི་གྲོང་ཚོའི་ནང་རྩེད་མོ་རྩེ་བཞིན་པ།