འདི་ནི་བོད་ལྗོངས་ཧ་ལས་སློབ་གསོ་ཞབས་ཞུ་ཚད་ཡོད་ཀུང་སིའི་དགེ་རྒན་གྱིས་གྲོང་མིར་འཚེམ་འཁོར་སྒྲིག་སྦྱོར་བྱེད་བཞིན་པ།
ལྷོ་ཁ་གྲོང་ཁྱེར་གོང་དཀར་རྫོང་སྲིན་པོ་རིའི་ས་བབ་མཐོ་བའི་སྣོད་བཅུད་གནས་སྤོའི་བཀོད་སྒྲིག་བྱ་ཡུལ་ནི་གནས་སྤོས་མང་ཚོགས་གཅིག་སྡུད་འཚོ་གནས་བྱ་ཡུལ་ཡིན་པ་དང་། ངལ་རྩོལ་ནུས་ཤུགས་མང་བར་བརྟེན་ངལ་རྩོལ་གཅིག་སྡུད་རྣམ་པའི་ཐོན་ལས་གཉེར་ན་འཚམ་པོ་ཡོད། གནས་སྤོས་མང་ཚོགས“གནས་སྤོ་ཐུབ་པ་དང་། གཞིས་ཆགས་ཐུབ་པ། ཕྱུག་པོ་ཆགས་ཐུབ་པ”བཅས་བྱ་ཆེད། བོད་ལྗོངས་ཧ་ལས་སློབ་གསོ་ཞབས་ཞུ་ཚད་ཡོད་ཀུང་སིས་གཞུང་ཁོངས་ཁེ་ལས་ཀྱི་འགན་འཁྲི་ཁུར་ནས་སློབ་གོས་འཚེམ་བཟོའི་ལས་སྣོན་ཐོན་ལས་གཉེར་ནས་སློབ་ཡོན་མི་དགོས་པར་གནས་སྤོ་མང་ཚོགས་ལ་འཚེམ་བཟོའི་ལག་རྩལ་གསོ་སྦྱོང་བྱས་པ་དང་གསོ་སྦྱོང་གི་ཚད་གཞི་ལོན་པའི་མང་ཚོགས་ཀྱིས་འཚེམ་བཟོའི་ལས་ཀ་བྱས་ནས་འབབ་འཕར་ཕྱུག་འགྱུར་ཡོང་བ་བྱས་ཡོད།
འདི་ནི་རྒྱལ་རྩེ་རྫོང་མྱང་སྟོད་ཤང་ཉི་མ་བོད་བཟོའི་ཁ་གདན་ལས་སྣོན་ཞིང་པའི་ཆེད་ལས་མཉམ་ལས་ཁང་གི་བཟོ་པས་ཁ་གདན་འཐག་བཞིན་པ།
ས་གནས་དེ་གའི་མང་ཚོགས་དབུལ་པོར་ལག་རྩལ་མེད་པ་དང་ལས་ཞུགས་དཀའ་བའི་གནད་དོན་ཐག་གཅོད་བྱ་ཆེད། གཞིས་རྩེ་གྲོང་ཁྱེར་རྒྱལ་རྩེ་རྫོང་མྱང་སྟོད་ཤང་ཉི་མ་བོད་བཟོའི་ཁ་གདན་ལས་སྣོན་ཞིང་པའི་ཆེད་ལས་མཉམ་ལས་ཁང་གིས“མཉམ་ལས་ཁང+ཞིང་དུད་དབུལ་པོའི”འཕེལ་རྒྱས་གཉེར་སྐྱོང་བྱེད་ཐབས་ལ་བརྟེན་ནས་ཉེ་འཁོར་གྱི་མང་ཚོགས་དབུལ་པོ་མཉམ་ལས་ཁང་དུ་བསྡུས་པ་དང་ཆབས་ཅིག ཁ་གདན་འཐག་སྟངས་བསླབ་ནས་ལས་མི་གསར་པའི་ལས་ཀའི་རྩལ་ནུས་མཐོ་རུ་བཏང་བ་མ་ཟད། ཁོང་ཚོས་ལག་རྩལ་དེ་ཁོང་དུ་ཆུད་ཐུབ་པ་བྱས་ཡོད།