ཉེ་ཆར། མལ་གྲོ་གུང་དཀར་རྫོང་མི་དམངས་སྨན་ཁང་བོད་ལུགས་གསོ་རིག་ཚན་ཁག་གི་བོད་ལུགས་གསོ་རིག་རྒྱུན་འཛིན་པ་གྲགས་ཅན་དང་བསླབ་པ་རྒན་གྲས་ལས་དོན་ཁང་གིས་སྣེ་ཁྲིད་དེ། རྫོང་དང་། ཤང་། གྲོང་ཚོ་བཅས་རིམ་པ་གསུམ་གྱི་བོད་ལུགས་གསོ་རིག་གི་སྨན་དོན་མི་སྣ་30ལྷག་ཙམ་སྒྲིག་འཛུགས་བྱས་ཏེ། དུས་ཡུན་ཉིན་4ཡི་བོད་ལུགས་གསོ་རིག་གི་སྨན་རྒྱུ་ཤན་འབྱེད་སློབ་སྦྱོང་དང་དབྱེ་འབྱེད་འགྲན་བསྡུར་གྱི་བྱེད་སྒོ་སྤེལ་བ་དང་སྦྲགས། སྦྱངས་འབྲས་ཕུལ་བྱུང་གི་སློབ་མ་ཚོར་གཟི་བརྗིད་མཚན་སྙན་གྱི་ལག་ཁྱེར་ཡང་སྤྲད་པ་རེད། ད་ཐེངས་ཀྱི་བྱེད་སྒོ་ནི་རང་སྐྱོང་ལྗོངས་རིམ་པའི་བོད་ལུགས་གསོ་རིག་གི་གྲགས་ཅན་མི་སྣ་དང་བསླབ་པ་རྒན་གྲས་ཚེ་བརྟན་དོན་གྲུབ་ཀྱིས་རུ་སྣེ་ཁྲིད་པ་དང་སྦྲགས། ས་གནས་ས་ཐོག་ཏུ་སློབ་མ་ཚོར་རྫོང་དེ་ཁོངས་ཀྱི་རི་སྐྱེས་སྨན་རྒྱུ་200ལྷག་ཙམ་ལ་འགྲེལ་བཤད་བརྒྱབ་ནས་དེའི་ཁྲོད་ནས་སྨན་རྒྱུ་100ལྷག་ཙམ་བདམས་ཏེ་སློབ་མ་ཚོར་ཤན་འབྱེད་དུ་བཅུག་ཡོད།

འདི་ནི་ཚེ་བརྟན་དོན་གྲུབ(གཡོན་གྱི་གསུམ་པ)ཀྱིས་སློབ་མ་ཚོར་རི་སྐྱེས་སྨན་རྒྱུའི་ཤེས་བྱ་འགྲེལ་བཤད་རྒྱག་བཞིན་པ།