གཅིག གཟའ་འཁོར་འདིའི་གནམ་གཤིས་སྔོན་བརྡ(2020ལོའི་ཟླ་8ཚེས་10ནས་ཟླ་8ཚེས་16ཉིན་བར)

གཟའ་ཟླ་བ་དང་མིག་དམར་ལ་ནག་ཆུའི་དབུས་ཤར་རྒྱུད་དང་། ཆབ་མདོའི་བྱང་རྒྱུད། གཞིས་རྩེ། ལྷ་ས། ལྷོ་ཁའི་ལྷོ་རྒྱུད། ཉིང་ཁྲི་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ། ས་ཆ་ཁག་གཅིག་ལ་ཆར་པ་ཆེན་པོ་འབབ་རྒྱུ། དེ་མིན་ས་ཁུལ་ལ་ཆར་པ་ཆུང་བ་འབབ་རྒྱུ། ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ།

གཟའ་ལྷག་པ་དང་ཕུར་བུར་གཞིས་རྩེའི་ལྷོ་རྒྱུད་དང་། ལྷོ་ཁའི་ལྷོ་རྒྱུད། ཉིང་ཁྲི་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ། ས་བབ་དམའ་བའི་ས་ཆ་འགའ་ཞིག་ལ་ཆར་པ་ཆེན་པོ་འབབ་རྒྱུ། དེ་མིན་ས་ཁུལ་ལ་གནམ་འཐིབས་ནས་ཐོལ་ཆར་འབབ་རྒྱུ།

གཟའ་པ་སངས་དང་སྤེན་པར་ནག་ཆུ་དང་། གཞིས་རྩེ། ལྷ་ས་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ། ས་ཆ་ཁག་གཅིག་ལ་ཆར་པ་ཆེན་པོ་འབབ་རྒྱུ། ཉིང་ཁྲི་དང་། ལྷོ་ཁ། ཆབ་མདོ་བཅས་སུ་ཆར་པ་ཆུང་བ་འབབ་རྒྱུ། ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། དེ་མིན་ས་ཁུལ་ལ་གནམ་འཐིབས་ནས་ཐོལ་ཆར་འབབ་རྒྱུ།

གཉིས། གྲོས་འགོ

1.ཤར་རྒྱུད་དང་ལྷོ་རྒྱུད་ཀྱི་ཆུ་རུད་དང་ས་གཤིས་ཀྱི་གནོད་འཚེ་ཐོན་སླ་བའི་ཁུལ་དུ་ལྟ་ཞིབ་ཚད་ལེན་དང་སྐོར་ཞིབ་ལས་དོན་སྤེལ་ཤུགས་ཆེ་རུ་གཏོང་དགོས།

2.བྱང་ཐང་ས་ཁུལ་དང་གཙང་པོའི་རྒྱུད་དུ་ཉིན་དགུང་ཡོལ་རྗེས་ས་ཆ་ཁག་གཅིག་ལ་དུས་ཐུང་གི་གཏད་རྒྱུག་ཆེ་བའི་གནམ་གཤིས་བསྟན་སླ་བས་འགོག་ཟོན་ལ་ཤུགས་སྣོན་རྒྱག་དགོས།

3.ཞིང་ཁུལ་དུ་འཁྱིལ་ཆུ་དུས་ཐོག་ཏུ་ཤོང་དགོས་པ་དང་ཤར་རྒྱུད་ཞིང་ཁུལ་གྱིས་གོ་སྐབས་དམ་འཛིན་བྱས་ནས་ལོ་ཏོག་བརྔ་བསྡུ་དང་ཉི་སྐམ་གཏོང་དགོས།