ཉིན་ཤས་གོང་། ཆབ་མདོ་གྲོང་ཁྱེར་ནས་ཐེན་ཅིན་གྲོང་ཁྱེར་དུ་བསྐུར་བའི་འཛད་སྤྱོད་དབུལ་སྐྱོར་གྱི་ཐོན་རྫས་ཁག་དང་པོ་བསྐུར་བའི་མཛད་སྒོ་ལིང་ཁྲང་ཕེང་ཡུས་ཟོག་འགྲེམས་གླིང་དུ་གཉེར་བ་དང་། ཐེན་ཅིན་དང་། ཁྲུང་ཆིང་། ཧྥུའུ་ཅན་བཅས་ཞིང་ཆེན་དང་གྲོང་ཁྱེར་གསུམ་གྱིས་ཆབ་མདོའི་འཛད་སྤྱོད་དབུལ་སྐྱོར་ལ་རོགས་འདེགས་བྱེད་འགོ་བརྩམས་ཡོད། སྒོར་ཁྲི་106གི་མངགས་ཐོ་ཁག་དང་པོ་དེ་ཐེན་ཅིན་བཟའ་བཅའ་ཚོགས་པས་ཉོས་པ་ཞིག་རེད།

ཟླ་7ཚེས་1ཉིན། 《ཆབ་མདོ་གྲོང་ཁྱེར་གྱི་གཅེས་སེམས་ལ་བརྟེན་ནས་འཛད་སྤྱོད་དབུལ་སྐྱོར་ལ་རམ་འདེགས་བྱེད་པའི་བྱ་སྤྱོད་ཇུས་གཞི》ལག་བསྟར་བྱས་ཚུན། ཐེན་ཅིན་དང་། ཁྲུང་ཆིང། ཧྥུའུ་ཅན་བཅས་བོད་སྐྱོར་ཞིང་ཆེན་དང་གྲོང་ཁྱེར་གྱིས་དང་ལེན་ཧུར་ཐག་བྱས་ཏེ་ཆབ་མདོ་གྲོང་ཁྱེར་གྱི་རྫོང(ཆུས)11ཏུ་བསྐྱོད་ནས་འཛད་སྤྱོད་དབུལ་སྐྱོར་ལ་རྟོག་ཞིབ་བྱས་པ་རེད།

ཤེས་རྟོགས་བྱུང་བར་གཞིགས་ན། ཟླ་གཅིག་གི་གོང་། ཐེན་ཅིན་གྲོང་ཁྱེར་ཚོང་དོན་ཅུས་ཀྱིས་ཐེན་ཅིན་གྱི་ལོའི་ཕྱིར་ཚོང་བསྡོམས་འབོར་སྒོར་དུང་ཕྱུར་བརྒྱ་ལས་བརྒལ་བའི་སྡེབ་ཚོང་ཁྲོམ་ར་ཆེན་པོ་བཞིའི་འགན་འཁུར་བ་ཆབ་མདོ་གྲོང་ཁྱེར་དུ་རྟོག་ཞིབ་བྱེད་པར་ཁྲིད་པ་དང་ཕྱིས་སུ་ཆབ་མདོའི་ཐོན་རྫས་ཁོ་ཚོའི་སྡེབ་ཚོང་ཁྲོམ་རར་འདོན་རྩིས་ཡོད་པ་རེད། མིག་སྔར། ཐེན་ཅིན་གྱིས་དབུལ་སྐྱོར་ཐོན་རྫས་ཚོང་ཁང་བརྒྱད་གཉེར་སྐྱོང་བྱེད་འགོ་ཚུཌ་པ་དང་ཚོང་སྐོར་ནང་མར་གནས་པའི་ཞི་བདེ་ལམ་གྱི་ཆབ་མདོའི་དབུལ་སྐྱོར་ཐོན་རྫས་ཚོང་ཁང་ཡང་ལས་སྒོ་འཛུཌ་རྩིས་ཡོད་པ་རེད།