ཟླ་7ཚེས་3ཉིན། རྒྱལ་ཡོངས་ཀྱི་གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་བཅོས་སྒྲིག་ལས་དོན་གྱི་བརྙན་འཕྲིན་ཁ་པར་ཚོགས་འདུ་པེ་ཅིང་དུ་འཚོགས་ཤིང་། ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་འགོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་ནན་ཏན་བྱེད་པ་དང་། རྒྱལ་སྲིད་སྤྱི་ཁྱབ་ཁང་གི་ཆེད་དོན་ཚོགས་འདུའི་ཐོག་བཏོན་པའི་བླང་བྱ་དོན་འཁྱོལ་བྱེད་པ། གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་བཅོས་སྒྲིག་ལས་དོན་ལ་སྐུལ་སློང་དང་བཀོད་སྒྲིག་བྱེད་པ། རྨོ་ཞིང་རང་དགར་བཟུང་ནས་ཁང་པ་རྒྱག་པའི་བྱེད་སྤྱོད་གསར་དུ་ཐོན་རྒྱུ་མཐའ་གཅིག་ཏུ་བཀག་འགོག་བྱེད་པ་བཅས་ཀྱི་ཐད་ཞིབ་ཕྲའི་བཀོད་སྒྲིག་བྱས་པ་དང་འབྲེལ་བླང་བྱ་ཁ་གསལ་ཡང་བཏོན་པ་རེད།
ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཅང་ཅེ་བོད་ཀྱི་ཡན་ལག་ཚོགས་རའི་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།
ཅང་ཅེས་ནན་བཤད་གནང་དོན། རང་སྐྱོང་ལྗོངས་ཀྱི་ས་ཁུལ་ཁག་དང་འབྲེལ་ཡོད་སྡེ་ཚན་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་འགོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་བྱས་ནས་གོ་བ་གཏིང་ཟབ་བླངས་ཏེ་གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་གྱི་རྙོག་འཛིང་རང་བཞིན་དང་བཅོས་སྒྲིག་ལས་དོན་གྱི་དཀའ་ཚེགས་རང་བཞིན་ལ་ངོས་འཛིན་གང་ལེགས་དང་། རང་ལྗོངས་ཀྱི་གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་བཅོས་སྒྲིག་ལས་དོན་ཡག་པོ་སྒྲུབ་པའི་འགན་འཁྲི་འཁུར་སེམས་དང་། དགོས་གཏུག་གི་སེམས་པ་རྒྱུན་ཆད་མེད་པར་ཟབ་ཏུ་བཏང་སྟེ། ཆབ་སྲིད་ཀྱི་འགན་འཁྲི་འཁུར་སེམས་ཟབ་མོ་དང་འཐབ་རྩོད་ཀྱི་སྙིང་སྟོབས་ཆེན་པོའི་ཐོག་ནས། བྱེད་ཐབས་ནུས་ལྡན་སྤྱད་དེ་གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་བཅོས་སྒྲིག་བྱེད་དགོས། བློ་ཐག་ཆོད་པོའི་རྣམ་འགྱུར་དང་ཚན་རིག་དང་མཐུན་པའི་བྱེད་ཐབས་ལ་བརྟེན་ནས་ལས་དོན་གྱི་འཕེལ་རིམ་ཁོང་དུ་ཡག་པོ་ཆུད་པར་བྱས་ནས་འགན་འཁྲིའི་བྱེད་པོ་ཁ་གསལ་དང་། སྡེ་ཚན་དབར་གྱི་གཞོགས་འདེགས་ལ་ཤུགས་སྣོན། སྒྲིག་བསྟར་ལ་ལྟ་སྐུལ་བྱེད་ཤུགས་ཆེ་རུ་གཏོང་བ། ཞིང་འབྲོག་པའི་ཁེ་དབང་སྲུང་སྐྱོང་བྱ་རྒྱུ་གཙོ་བོར་འཛིན་པ། གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་བྱེད་སྤྱོད་གསར་དུ་ཐོན་རྒྱུ་མཐའ་གཅིག་ཏུ་བཀག་འགོག་བཅས་བྱས་ཏེ། བཅའ་ཁྲིམས་དང་ཁྲིམས་སྲོལ་ལྟར་གྲོང་གསེབ་ཏུ་རྨོ་ཞིང་རང་དགར་བཟུང་ནས་ཁང་པ་རྒྱག་པའི་གནད་དོན་བཅོས་སྒྲིག་བྱེད་པའི་ལས་དོན་ནུས་ལྡན་སྤེལ་ནས་གྲུབ་འབྲས་མངོན་གསལ་དོད་པོ་ཐོབ་རྒྱུའི་འགན་ལེན་གྱིས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་སྤྲད་པའི་ལས་འགན་དུས་བཀག་ལྟར་སྤུས་འབོར་གཉིས་ལྡན་གྱི་སྒོ་ནས་ལེགས་སྒྲུབ་བྱེད་དགོས།