ཚེས་12ཉིན་གསར་འགོད་པར་སློབ་གསོ་པུའུ་ནས་ཤེས་རྟོགས་བྱུང་བར། ཟླ་6ཚེས་9ཉིན་བར་རྒྱལ་ཡོངས་སུ་སློབ་འགོ་བསྐྱར་འཛུགས་དང་སློབ་ཚན་སླར་གསོ་བྱུང་བའི་སློབ་མ་དུང་ཕྱུར་1.97ལས་བརྒལ་ནས་སློབ་གྲྭར་འགྲོ་མུས་ཀྱི་སློབ་མའི་བསྡོམས་འབོར་གྱི་བསྡུར་ཚད་ལས་71%བརྒལ་བ་རེད།

དགེ་སློབ་དང་ཁྱིམ་བདག་ཚོས་དོ་ཁུར་ཆེན་པོ་བྱེད་པའི་གནད་དོན་ལ་ལན་འདེབས་པ་དང་། ས་གནས་ཁག་དང་སློབ་གྲྭ་ཁག་གིས་ཚན་རིག་དང་མཐུན་པའི་གནད་སྨིན་སྔོན་འགོག་དང་ཚོད་འཛིན་བྱེད་པ་དང་བདེ་འཇགས་དང་གོ་རིམ་ལྡན་པའི་སྒོ་ནས་སློབ་འགོ་བསྐྱར་འཛུགས་བྱེད་པ། སློབ་གྲྭའི་བདེ་འཇགས་དང་དགེ་སློབ་ཚོའི་ལུས་ཁམས་བདེ་ཐང་འགན་ལེན་བྱ་རྒྱུར་ཚན་རིག་དང་མཐུན་པའི་སྒོ་ནས་སྣེ་ཁྲིད་བཅས་བྱ་ཆེད། ས་གནས་ཁག་དང་སློབ་གྲྭ་ཁག་གི་ཉམས་མྱོང་དང་བྱེད་ཐབས། དེ་བཞིན་རིགས་གཅིག་མཁས་ཅན་གྱི་བསམ་འཆར་བསྡུ་ལེན་བྱས་པའི་རྨང་གཞིའི་ཐོག་སློབ་གསོ་པུའུ་དང་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་མཉམ་དུ《རིམས་ནད་སྔོན་འགོག་དང་ཚོད་འཛིན་གྱི་རྒྱུན་རྣམ་ཅན་གྱི་འོག་སློབ་འགོ་བསྐྱར་འཛུགས་དང་སློབ་ཚན་སླར་གསོ་བྱེད་པའི་ལས་དོན་གྱི་དྲིས་ལན་20》ཡོངས་བསྒྲགས་བྱས་པ་རེད།

ངོ་སྤྲོད་བྱས་པར་གཞིགས་ན། 《རིམས་ནད་སྔོན་འགོག་དང་ཚོད་འཛིན་རྒྱུན་རྣམ་ཅན་གྱི་འོག་སློབ་འགོ་བསྐྱར་འཛུགས་དང་སློབ་ཚན་སླར་གསོ་བྱེད་པའི་ལས་དོན་གྱི་དྲིས་ལན་20》ཡི་ནང་དོན་སློབ་འགོ་བསྐྱར་འཛུགས་དང་སློབ་ཚན་སླར་གསོ་དང་རིམས་ནད་སྔོན་འགོག་ཚོད་འཛིན་གྱི་སྤྱིའི་བླང་བྱ་དང་། དེ་བཞིན་འབྲེལ་ཡོད་ཀྱི་ཚད་གཞི་དང་། སློབ་གསོ་སློབ་ཁྲིད། སློབ་གྲྭའི་འདུ་གནས་གཙོ་བོ། སློབ་མའི་དོ་དམ། སྨན་དོན་ཁང་གི་དོ་དམ། རིམས་འགོག་གསོ་སྦྱོང་། རིམས་འགོག་དངོས་རྫས། རྒྱབ་ཕྱོགས་འགན་ལེན། སློབ་མའི་སེམས་ཁམས་སློབ་གསོ། ཉིང་སྐྱུར་བརྟག་དཔྱད། དབྱར་དུས་ཀྱི་འགོས་ནད་འགོག་བཅོས་སོགས་དང་འབྲེལ་བ་ཡོད་པ་རེད།