ཏོག་གསར་གློ་ཚད་རིམས་ནད་ཀྱི་ཤུགས་རྐྱེན་ཕོག་པས། རྒྱལ་སྤྱིའི་བདལ་གླ་མཐོ་རུ་ཕྱིན་པ་དང་། དྲ་ཕྱིའི་ཕྱིར་ཚོང་ཁང་སྒོ་རྒྱག་དགོས་བྱུང་བས། ཐོན་ལེགས་ཡོང་རེ་ཡོད་པའི་རུ་ཝང་ཏའི་ཀོག་ཧྥེ་ཕྱིར་ཚོང་ལ་དཀའ་གནད་འཕྲད་ཡོད། ཀོག་ཧྥེ་འདེབས་འཛུགས་དུད་ཚང་གིས་ཀྲུང་གོའི་དྲ་ཐོག་ཚོང་པར་རོགས་རམ་བྱེད་རོགས་ཞུས་པ་དང་འབྲེལ། རྒྱབ་སྐྱོར་ཤུགས་ཆེན་ཡང་ཐོབ་ཡོད། མཉམ་འབྲེལ་རྒྱལ་ཚོགས་ཀྱི་དྲུང་ཆེ་གཞོན་པ་ཝེ་ལ·སུང་ཀུའེ་དང་ཀྲུང་གོར་བཅའ་སྡོད་རུ་ཝང་ཏའི་གཞུང་ཚབ་ཆེ་མོ་བ་ཀྲ་མུའུ་སི·ཅི་མོ་ཉི་ཨའོ་སོགས་མཉམ་དུ་ཐད་གཏོང་ཁང་དུ་ཡོང་ནས་ཀོག་ཧྥེ་འཚོང་རོགས་བྱས་པ་རེད།

ཨེན་ཅ་ལན་པེས“དུས་ཚོད་སྐར་མ་ཁ་ཤས་ནང་ཀུང་སིའི་ན་ནིང་གི་ཕྱིར་ཚོང་བསྡོམས་འབོར་ལས་མང་བ་འཚོང་ཐུབ་སོང་བས། ང་ཚོ་བསྐྱར་དུ་ཚོང་གཉེར་བྱེད་ཆོག ཀྲུང་གོའི་འཛད་སྤྱོད་པ་མང་པོ་ཞིག་གིས་ཐད་གཏོང་བརྒྱུད་རུ་ཝང་ཏའི་ཀོག་ཧྥེ་ཤེས་རྟོགས་བྱས་ནས། ཁེ་ལས་ལ་ཀྲུང་གོའི་ཁྲོམ་ར་རྒྱ་སྐྱེད་གཏོང་རོགས་བྱེད་ཆེད་ཆ་རྐྱེན་བསྐྲུན་ཡོད། རུ་ཝང་ཏའི་ཞིང་པ་མང་པོ་ཞིག་གིས་ཐག་རིང་ནས་ཐད་གཏོང་འདིར་བལྟས་པས། སྐུལ་མ་ཆེན་པོ་ཐེབས་འདུག ཀྲུང་གོའི་འཛད་སྤྱོད་པའི་ཧ་ཅང་ཆེ་བའི་འཛད་སྤྱོད་བྱེད་ཤུགས་ལས་ང་ཚོས་ཐོན་སྐྱེད་སླར་གསོ་བྱེད་པར་གདེང་ཚོད་ཆེན་པོ་བྱུང་ལ། ཀྲུང་གོའི་མངགས་ཐོ་དེ་བས་མང་བ་འབྱོར་རྒྱུའི་རེ་སྒུག་བྱེད་ཀྱི་ཡོད”ཅེས་བརྗོད་པ་རེད།

2018ལོའི་ཟླ་10པར། ཨ་ལི་པ་པ་ཚོགས་པ་དང་རུ་ཝང་ཏ་སྲིད་གཞུང་གིས་རྒྱལ་ས་ཁི་ཀ་ལིར་འཛམ་གླིང་དྲ་ཐོག་ཚོང་དོན་ལས་སྟེགས་བསྐྲུན་ནས་གྲོས་འགོ་འདི་ཨ་ཧྥེ་རི་ཁར་ཐོག་མར་དོན་འཁྱོལ་བྱས་པ་དང་། ཀོག་ཧྥེ་དེ་མཉམ་ལས་ཀྱི་གྲུབ་འབྲས་དང་པོར་གྱུར་ཡོད། རུ་ཝང་ཏའི་ཞིང་པའི་ཀོག་ཧྥེ་ཀུང་སིའི་དབུ་བཞུགས་ལག་བསྟར་དཔོན་ཨེན་ཅ་ལན་པེས། ཀོག་ཧྥེ་ནི་རུ་ཝང་ཏའི་ཀ་རྟེན་ཐོན་ལས་ཡིན་པས། རུ་ཝང་ཏའི་མི་30ཡི་ནང་མི་གཅིག་གིས་ཀོག་ཧྥེའི་སྲན་མ་འདེབས་ཀྱི་ཡོད། དེ་སྔ། ཀོག་ཧྥེ་ཐོན་རྫས་95%ཚང་མ་ལས་སྣོན་གོང་གི་སྲན་མའི་ཐོག་ནས་ཕྱིར་གཏོང་བྱེད་ཀྱི་ཡོད་པས། ཞིང་པའི་ཡོང་འབབ་མང་པོ་མེད། ཐོན་རྫས་ཀྱི་ཟུར་སྣོན་རིན་ཐང་དེ་བས་མང་བ་རུ་ཝང་ཏར་འཇོག་ཆེད། ང་ཚོས་ལས་སྣོན་ཟིན་པའི་ཀོག་ཧྥེ་ཐོན་སྐྱེད་བྱས་ཏེ་ཀྲུང་གོ་དང་མཉམ་ལས་བྱས་པ་བརྒྱུད། ང་ཚོར་ཕྱིར་ཚོང་ཐབས་ལམ་རྙེད་བྱུང་། མིག་སྔར། རུ་ཝང་ཏའི་ཞིང་པའི་ཀུང་སི་དང་ས་གནས་དེ་གའི་ཐོན་སྐྱེད་མཉམ་ལས་ཁང་6གི་ཀོག་ཧྥེ་ཞིང་དུད་4000ཙམ་དབར་མཉམ་ལས་འབྲེལ་བ་བཙུགས་ཡོད་ཅེས་བརྗོད་པ་རེད།

མིག་སྔར། ཀུང་སིས་མྱུར་ཞུའི་ཀོག་ཧྥེ་སོགས་ཀྲུང་གོའི་འཛད་སྤྱོད་པའི་དགའ་ཕྱོགས་ལ་དམིགས་པའི་ཐོན་རྫས་མང་པོ་གསར་གཏོད་བྱེད་རྩིས་ཡོད་པ་དང་འབྲེལ། ཀྲུང་གོའི་བརྒྱུད་འཚོང་པ་དང་འབྲེལ་བ་བྱས་ཏེ་ཀྲུང་གོར་ཐོན་རྫས་དང་ཁྲོམ་རའི་ཚོང་གཉེར་དེ་བས་ཡག་པོ་ཐུབ་པ་བྱེད་རྒྱུ་ཡིན”ཞེས་བརྗོད་པ་རེད།

ཨེན་ཅ་ལན་པེས། མིག་སྔར། ཨ་ཧྥེ་རི་ཁའི་སྐམ་ས་ཆེན་པོའི་རང་མོས་ཚོང་དོན་ཁུལ་འཛུགས་སྐྲུན་མགྱོགས་མྱུར་བྱེད་བཞིན་ཡོད་པས། ཀྲུང་གོ་དེའི་ནང་ཞུགས་པ་དང་རོགས་རམ་བྱས་པ་དེས་ཨ་ཧྥེ་རི་ཁའི་ཁྲོམ་ར་ཆེན་པོ་འཛུགས་སྐྲུན་ལ་སྒུལ་ཤུགས་ཆེན་པོ་བསྣན་ཡོད། ཀྲུང་གོའི་ཁྲོམ་རར་ཞུགས་པའི་རུ་ཝང་ཏའི་ཁེ་ལས་ཤིག་ཡིན་པའི་ངོས་ནས། ང་ཚོས་ཀྲུང་གོས་ཕྱོགས་ཡོངས་ནས་སྒྱུར་བཅོས་སྒོ་དབྱེ་གཏིང་ཟབ་ཏུ་གཏོང་བ་དང་དཔལ་འབྱོར་སྤུས་ཚད་མཐོ་བའི་འཕེལ་རྒྱས་གཏོང་བར་རེ་སྒུག་ཆེན་པོ་བྱེད་ཀྱི་ཡོད་ལ། ཀྲུང་གོའི་ཁྲོམ་རས་ང་ཚོར་འབྱུང་འགྱུར་ལ་གདེང་ཚོད་ཆེན་པོ་ཡོང་བ་བྱས་བྱུང་ཞེས་བརྗོད་པ་རེད།