ད་ཕན་ལོ་ཤས་རིང་མཚོ་སྨད་རྫོང་སྒྲུབ་སྡེ་གྲོང་ཚོས“ཡག་པོ་བཅུ”ལག་ལེན་བསྟར་ཏེ་བདེ་སྐྱིད་ལྡན་པའི་ས་མཐོའི་སྣོད་བཅུད་གྲོང་ཚོ་བསྐྲུན་པ་རེད།
བསམ་བློ་ཡག་པོ་ནི་འགག་རྩ་ཡིན་པ། གྲོང་ཚོ་དེས་སྣོད་བཅུད་ཤེས་དཔལ་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལག་བསྟར་དོན་འཁྱོལ་ནན་ཏན་བྱས་ཏེ། མང་ཚོགས་ལ་ཐོན་སྐྱེད་འཕེལ་རྒྱས་གཏོང་བ་དང་ཆབས་ཅིག ཁོར་ཡུག་སྲུང་སྐྱོང་དང་གྲོང་ཚོའི་རྣམ་པ་ལེགས་སུ་གཏོང་བར་ཡང་སྣང་ཆེན་བྱ་རྒྱུར་ཁྲིད་སྟོན་བྱས་ཡོད། སྲིད་ཇུས་ཡག་པོ་ནི་ཡོང་ཁུངས་ཡིན་པ། མང་ཚོགས་ལ་ཕན་པ་གང་ནས་བྱུང་བ་དང་སུ་ལ་ཕན་པ་ཐོབ་པ་གསལ་པོ་བཤད་དེ་མང་ཚོགས་ལ་ཏང་གི་བཀའ་དྲིན་དྲན་པ་དང་། སྲོག་ཤིང་ལ་དགའ་ཞེན་བྱེད་པ། ཏང་གི་རྗེས་སུ་འབྲང་བ་བཅས་བྱ་རྒྱུའི་སློབ་གསོ་བཏང་བ། ཧྲུའུ་ཅི་ཡག་པོ་ནི་སྣེ་ཁྲིད་མཁན་ཡིན་པ། གྲོང་ཚོ་དེའི་ཏང་ཀྲི་པུའི་ཧྲུའུ་ཅི་དབྱངས་ཅན་སྒྲོལ་དཀར་གྱིས་མང་ཚོགས་ལ་མཐུན་སྒྲིལ་སྣེ་ཁྲིད་ཀྱིས་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི་བརྒྱུད་རིམ་ནང་བླ་ན་མེད་པའི་སྲོལ་བཟང་དར་སྤེལ་གྱིས་སྣེ་ཁྲིད་ཀྱི་ནུས་པ་བཏོན་ཡོད། རྩ་འཛུགས་ཡག་པོ་ནི་འགན་ལེན་ཡིན་པ། གྲོང་ཚོ་ཡོངས་ཀྱི་ཏང་ཡོན་40ཡིས་མང་ཚོགས་ལ་མིག་དཔེ་འདོན་པ་དང་མང་ཚོགས་དང་མཉམ་དུ་ལས་དོན་བསྒྲུབས་ཏེ། གདོང་ལེན་དཔེ་བཟང་གི་ནུས་པ་དང་དམག་འཐབ་མཁར་རྫོང་གི་ནུས་པ་བཏོན་ཡོད། ཚན་ཁག་ཡག་པོ་ནི་རྨང་གཞི་ཡིན་པ། གྲོང་ཚོ་དེའི“ཨུ་ལྷན་གཉིས”ཚན་ཁག་གི་ཁོངས་མིས་ལས་དོན་སྒྲུབ་རིང་འཁང་ར་ཅི་ཡང་མེད་པར་མཐུན་སྒྲིལ་རོགས་རེས་ཀྱིས། ཆབ་སྲིད་ཁོར་ཡུག་ཁྲོད་ཀྱི་སྤྱོད་གཙང་གཞུང་དྲང་གི་སྣེ་ཁྲིད་པ་ཞིག་ཧུར་ཐག་བྱས་ནས་དུས་རབས་གསར་པའི་རྣམ་པ་གསར་པ་དང་གཟུགས་བརྙན་བཟང་པོ་བཏོད་ཡོད། ཏང་ཡོན་ཡག་པོ་ནི་དཔེ་བཟང་བ་ཡིན་པ། གྲོང་ཚོ་དེའི་ཏང་ལོ་40ལྡན་པའི་ཏང་ཡོན་རྒན་གྲས་དོན་འབྱོར་གྱིས་1971ལོ་ནས་བཟུང་དུས་ཆེན་ཆེ་གྲས་འཆར་རིམ་བཞིན་རང་ཉིད་ཀྱིས་རྒྱལ་དར་བཙེམས་ཏེ་རྒྱལ་ཁབ་ལ་བཅངས་པའི་ཟོལ་མེད་བརྩེ་སེམས་མཚོན་པར་བྱས་ནས་མང་ཚོགས་ལ་ཤུགས་རྐྱེན་ཐེབས་པར་བྱེད་པ་དང་སྐུལ་ཁྲིད་བྱེད་ཀྱི་ཡོད། མང་ཚོགས་ཡག་པོ་ནི་བརྟེན་ས་ཡིན་པ། གྲོང་ཚོ་དེའི་མང་ཚོགས་ཀྱིས་རང་སྟོབས་རང་སྤེལ་དང་དཀའ་སྤྱད་འབད་འཐབ་བྱས་ཏེ། ལས་ལ་བརྩོན་པའི་ལག་གཉིས་ལ་བརྟེན་ནས་དཔལ་འབྱོར་འཕེལ་རྒྱས་དང་ཁོར་ཡུག་འཕྲོད་བསྟེན་ལེགས་སུ་བཏང་སྟེ་སེམས་ནུས་ཡོད་རྒུས་འབྱོར་འབྲིང་ཕྱོགས་སུ་བསྐྱོད་ཡོད། གཞི་རྟེན་ཡག་པོ་ནི་གཙོ་གནད་ཡིན་པ། “སྣང་ཆེན་བཞི་དང་དགའ་ཞེན་བཞིའི”མང་ཚོགས་ཀྱི་སློབ་གསོ་ལག་ལེན་བྱེད་སྒོར་བརྟེན་ཏེ། མང་ཚོགས་ལ“ལྟ་བ་གསུམ་དང་བསྡུར་བ་གསུམ”བྱེད་པར་ཁྲིད་སྟོན་གྱིས“ཞན་གྲས་ལ་སྐྱོན་བརྗོད་དང་ལེགས་གྲས་ལ་བྱ་དགའ་སྤྲོད་པའི”བྱེད་སྒོ་སྤེལ་ནས་མང་ཚོགས་ལ་འཕྲོད་བསྟེན་གྱི་གོམས་གཤིས་ཡག་པོ་འཇགས་པའི་ལྕག་སྐུལ་བྱས་ཡོད། དུད་སྦྲེལ་ཡག་པོ་ནི་སྦྲེལ་ཐག་ཡིན་པ། “གཉིས་ལྡན་དུད་སྦྲེལ”ལ་བརྟེན་ཏེ་མང་ཚོགས་ལ་མཐུན་སྒྲིལ་སྣེ་ཁྲིད་ཀྱིས་དུད་སྦྲེལ་ལ་དུས་བདེ་དང་འབབ་འཕར་ཡོང་བར་བྱས་ཡོད། ལམ་ལུགས་ཡག་པོ་ནི་ཚད་ལྡན་ཡིན་པ། དོན་དངོས་དང་ཟུང་འབྲེལ་གྱིས་གྲོང་སྲོལ་དམངས་ཆིངས་བཟོ་བ་དང་འཐུས་སྒོ་ཚང་དུ་བཏང་སྟེ་དར་སྲོལ་གསར་པ་བཙུགས་ཡོད།