ཚེས་27ཉིན། ཀྲུང་གོ་སྲིད་གཞུང་གིས་སི་རི་ལན་ཁར་རོགས་སྐྱོར་བྱས་པའི་རིམས་འགོག་དངོས་ཟོག་ཁག་གཉིས་པ་རྩིས་སྤྲོད་རྩིས་ལེན་གྱི་མཛད་སྒོ་སི་རི་ལན་ཁའི་འཕྲོད་བསྟེན་པུའུ་རུ་འཚོགས་པ་རེད།
སི་རི་ལན་ཁར་བཅའ་སྡོད་ཀྲུང་གོའི་གཞུང་ཚབ་ཁང་གི་གནས་སྐབས་ཚབ་སྒྲུབ་པ་ཧུའུ་ཝུའེ་ཡིས་ཀྲུང་གོའི་ཚབ་ཞུས་ཏེ། སི་རི་ལན་ཁ་འཕྲོད་བསྟེན་པུའི་པུའུ་ཀྲང་དབན་ཉི་ཡ་ལ་ཆིར་དངོས་ཟོག་གི་གསལ་ཐོ་རྩིས་སྤྲད་པ་རེད། རོགས་སྐྱོར་དངོས་ཟོག་གི་གྲས་སུ་བརྟག་དཔྱད་ཚོད་ལྟའི་སྨན་རྫས་དང་། ཁ་རས། འགོག་སྲུང་གྱོན་གོས། འགོག་སྲུང་མིག་ཤེལ། གཤགས་བཅོས་ལག་ཤུབས་སོགས་ཚུད་ཡོད།