ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་པའི་འཐབ་རྩོད་ནང་སྐུ་གཤེགས་པའི་དཔའ་བོ་དང་སྤུན་ཟླར་རྒྱལ་ཡོངས་མི་རིགས་ཁག་གི་མི་དམངས་ཀྱིས་མྱ་ངན་ཟབ་མོ་ཞུ་ལུགས་མཚོན་པར་བྱ་ཆེད། རྒྱལ་སྲིད་སྤྱི་ཁྱབ་ཁང་གིས་དེ་རིང་སྤྱི་བསྒྲགས་སྤེལ་ནས། 2020ལོའི་ཟླ་4ཚེས་4ཉིན་རྒྱལ་ཡོངས་རང་བཞིན་གྱི་མྱ་ངན་བྱེད་སྒོ་སྤེལ་རྒྱུའི་གཏན་འཁེལ་བྱས་འདུག

མྱ་ངན་ཞུ་རིང་། རྒྱལ་ཡོངས་དང་ཕྱིར་སྡོད་གཞུང་ཚབ་ཆེ་མོ་ཁང་གིས་རྒྱལ་དར་ཕྱེད་ཀ་ཕབ་ནས་མྱ་ངན་ཞུ་དགོས་པ་དང་། རྒྱལ་ཡོངས་སུ་སྤྱི་པའི་རོལ་རྩེད་བྱེད་སྒོ་སྤེལ་མཚམས་འཇོག་དགོས་འདུག ད་དུང་། ཟླ་4ཚེས་4ཉིན་གྱི་ཆུ་ཚོད་10པ་ནས་རྒྱལ་ཡོངས་མི་དམངས་ཀྱིས་ངག་བསྡམས་ནས་མྱ་ངན་སྐར་མ་3ཞུ་དགོས་པ་དང་། རླངས་འཁོར་དང་། མེ་འཁོར། གྲུ་གཟིངས་བཅས་ཀྱིས་དུང་བརྡ་གཏོང་བ་དང་། མཁའ་ཟོན་ཉེན་བརྡ་གཏོང་དགོས་འདུག