འདི་ལོ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་མཇུག་བསྡུའི་ལོ་ཡིན་པ་དང་། དེ་བས་དབུལ་སྒྲོལ་འགག་སྒྲོལ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་པར་ངེས་པར་དུ་ལེགས་སྒྲུབ་བྱེད་དགོས་པའི་ལྡོག་མེད་ཀྱི་ལས་འགན་ཞིག་རེད། འགག་རྩའི་དུས་སུ་འབད་འཐབ་ཀྱི་རྣམ་འགྱུར་རྒྱུན་འཁྱོངས་ཀྱིས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་བཏང་ནས། མཐུན་སྒྲིལ་རྡོག་རྩ་གཅིག་སྒྲིལ་དང་དཔའ་ངར་ཆེར་སྐྱེད་ཀྱིས་དམག་འཐབ་ལས་རྣམ་པར་རྒྱལ་ཏེ་དབུལ་སྒྲོལ་འགག་སྒྲོལ་ལ་མཐའ་མའི་རྒྱལ་ཁ་ལེན་ཐུབ་པར་བྱེད་དགོས།
སྟོབས་ཤུགས་གཅིག་ཏུ་བསྒྲིལ་ནས་ཡིག་ཚགས་དང་གཱ་བཟོས་པའི་དུད་ཚང་དབུལ་པོར་དམིགས་དགོས། རིམ་ཁག་སྡེ་ཚན་ཁག་དང་། ལྷག་པར་དུ། གཞི་རིམ་གྱི་འཐབ་ས་དང་པོའི་ལས་བྱེད་པ་ཚོས་གྲོང་ཚོ་དང་དུད་ཚང་དུ་ཡང་སེ་སྐྱོད་པ་དང་སྲིད་ཇུས་དོན་འཁྱོལ་དེ་བས་ཞིབ་ཕྲ་བྱས་ཏེ་མང་ཚོགས་དབུལ་པོའི་རྒྱབ་རྟེན་བྱེད་དགོས། བསམ་བློར་མུ་མཐུད་སྐུལ་ལྕག་བྱེད་པ་དང་བྱ་སྤྱོད་ལ་མུ་མཐུད་ཐབས་ལམ་གཏོད་ནས། མང་ཚོགས་དབུལ་པོར་འཚོ་བའི་ཁྲོད་ཀྱི་འགྱུར་ལྡོག་ཆུང་ཙག་ཁྲོག་ནས་ཡིད་ཆེས་དང་། སེམས་ཤུགས། སྒུལ་ཤུགས་བཅས་འཕེལ་བར་བྱས་ཏེ། མང་ཚོགས་དབུལ་པོའི་འབབ་འཕར་ཕྱུག་འགྱུར་གྱི་སྤྲོ་སེམས་འཕེལ་བར་བྱེད་དགོས། དབུལ་སྐྱོར་སྲིད་ཇུས་དང་། ཐོན་སྐྱེད་ཀྱི་རྒྱུ་རྐྱེན། དབུལ་སྐྱོར་མ་དངུལ་བཅས་གང་ལེགས་སྤྱད་ནས། མང་ཚོགས་དབུལ་པོར་རྒྱལ་ཁབ་ཀྱི་གཟིགས་སྐྱོང་སྲིད་ཇུས་ལོངས་སུ་སྤྱོད་ཐུབ་པ་བྱེད་དགོས། སྤྱི་ཚོགས་ཀྱི་སྟོབས་ཤུགས་དེ་བས་མང་བ་ཞུགས་སུ་བཅུག་ནས་ཁེ་ལས་དང་སྤྱི་ཚོགས་ཀྱི་རྩ་འཛུགས་དང་འབྲེལ་མཐུད་ཧུར་ཐག་བྱེད་པ་དང་། ལྷག་པར་དུ། སྨན་བཅོས་དང་སློབ་གསོ་སོགས་མང་ཚོགས་དབུལ་པོར་ཕན་པ་དངོས་ཐོབ་པའི་སྤྱི་ཚོགས་ཀྱི་ཐོན་ཁུངས་དང་ཁ་གཏད་རོགས་སྐྱོར་གྱི་ལམ་སྲོལ་བརྟན་པོ་བཙུགས་ཏེ། ནད་གཞིས་རྐྱེན་པས་དབུལ་པོར་རང་ལོག་དང་དབུལ་པོས་རྐྱེན་པས་སློབ་མཚམས་འཇོག་དགོས་པ་སོགས་ཀྱི་གནད་དོན་མི་ལྷགས་པར་བྱེད་དགོས།
བླང་བྱ་ནན་དུ་བཏང་ནས་གནད་སྨིན་དབུལ་སྐྱོར་ལ་སྐུལ་འདེད་ནུས་ལྡན་གཏོང་དགོས། རིམ་ཁག་སྡེ་ཚན་ཁག་དང་། ལྷག་པར་དུ། གཞི་རིམ་གྱི་འཐབ་ས་དང་པོའི་ལས་བྱེད་པས་རོགས་སྐྱོར་བྱེད་དགོས་རིགས་ལ་རོགས་སྐྱོར་བྱེད་པ་དང་དབུལ་པོ་ལས་ཕྱིར་འཐེན་བྱེད་དགོས་རིགས་ཕྱིར་འཐེན་བྱེད་པའི་རྩ་དོན་གཞིར་བཟུང་། དེ་བས་ནན་པའི་བརྒྱུད་རིམ་ལ་བརྟེན་ནས་ཞིབ་བཤེར་བྱས་ཏེ། ཉེ་འཁོར་གྱི་མང་ཚོགས་དང་འབྲེལ་གཏུག་མང་ཙམ་བྱེད་པ་དང་དམངས་གཙོ་དཔྱད་མོལ་སོགས་ཀྱི་བྱེད་ཐབས་ལ་བརྟེན་ནས་མི་འབོར་དབུལ་པོའི་གྲངས་འབོར་ལ་ཞིབ་བསྡུར་དང་གནས་ཚུལ་དངོས་མཐིལ་རྟོགས་བྱེད་དགོས། དངོས་ཡོད་ལ་མུ་མཐུད་གཞི་ཚུགས་ནས་ཧེ་བག་འཚོལ་བ་དང་གནད་དོན་བཙལ་འཚོལ་གྱིས་མངོན་གསལ་དོད་པའི་གནད་དོན་ཁྲོད་ཀྱི་མངོན་མེད་གནད་དོན་མཐོང་ཐུབ་པ་བྱས་ནས་སྔ་ཙམ་ཐག་གཅོད་བྱེད་པ་དང་སེམས་ཁྲལ་སེལ་དགོས། ཐོན་ལས་ཐད་ང་ཚོས་ཁྲོམ་རའི་ཆོས་ཉིད་ལ་ཞིབ་འཇུག་མང་ཙམ་བྱེད་པ་དང་། རང་ཉིད་ལ་བླང་བྱ་མང་ཙམ་འདོན་པ། བསམ་གཞིག་དང་སློབ་སྦྱོང་མང་ཙམ་བྱེད་པ། བསམ་བློར་འགྱུར་ལྡོག་གཏོང་ཤེས་པ། ཐོན་ལས་གྲུབ་ཆ་ལེགས་སུ་གཏོང་བ་བཅས་བྱས་ནས་འབབ་འཕར་བརྟན་པོ་དང་ཕྱུག་པོ་ཆགས་པ་བྱེད་དགོས།