ཨེ་རེ་ཝན་ནས་གནས་ཚུལ་འབྱོར་བ་ལྟར་ན། ཨར་མེ་ཉི་ཡའི་ཙུང་ཐུང་ཨར་མན·སར་ཅི་ཤང་གིས་ཉེ་དུས་རྒྱལ་ས་ཨེ་རེ་ཝན་དུ་ཀྲུང་གོས་ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་པའི་ལག་ལེན་གྱིས་གོ་ལ་ཧྲིལ་པོའི་བཅོས་སྐྱོང་ལ་བློ་སྒོ་ཆེན་པོ་ཕྱེ་ཡོད་ཅེས་བརྗོད་པ་རེད།
སར་ཅི་ཤང་གིས་ཙུང་ཐུང་ལས་ཤག་ཏུ་ཨར་མེ་ཉི་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཐན་ཨར་ལུང་དང་མཇལ་འཛོམས་གནང་སྐབས། ཀྲུང་གོ་སྲིད་གཞུང་གི་འགོ་ཁྲིད་འོག་ཀྲུང་གོ་མི་དམངས་ཀྱིས་ཀུན་སེམས་གཅིག་སྒྲིལ་དང་དཀའ་སྤྱད་ཚད་མེད་ཀྱི་འབད་བརྩོན་བྱས་པ་བརྒྱུད་དུས་ཐུང་ནང་རིམས་ནད་སྔོན་འགོག་ཚོད་འཛིན་ཐད་ཚད་བརྒལ་བྱུང་བ་དེ་ཐོག་ནས་ཀྲུང་གོ་སྲིད་གཞུང་གི་ཕུལ་དུ་བྱུང་བའི་འགོ་ཁྲིད་བྱེད་ནུས་དང་། ཀྲུང་གོའི་སྤྱི་ཚོགས་ཀྱི་ཚད་མཐོའི་གོང་བུ་སྒྲིལ་ཤུགས། དེ་བཞིན་ཀྲུང་གོ་མི་དམངས་ཀྱི་རྩ་ཆེའི་མཉམ་སྡེབ་ཀྱི་སྙིང་སྟོབས་བཅས་གང་ལེགས་མཚོན་ཡོད་ཅེས་ནན་བཤད་གནང་བ་རེད།
ཁོང་གིས་ཨར་མེ་ཉི་ཡ་ཕྱོགས་ཀྱིས་ཀྲུང་གོ་ཕྱོགས་ཀྱིས་ཨར་མེ་ཉི་ཡའི་སྔོན་འགོག་ཚོད་འཛིན་ལས་དོན་ལ་གནང་བའི་རྩ་ཆེའི་རྒྱབ་སྐྱོར་དང་རོགས་རམ་ལ་ཐུགས་རྗེ་ཆེ་ཞུས་ནས་ཀྲུང་གོ་དང་མཉམ་དུ་འབད་བརྩོན་བྱས་ཏེ་དུས་སྐབས་ཀྱི་དཀའ་ངལ་ཁྱད་བསད་ཀྱིས་རིམས་འགོག་འཐབ་རྩོད་ལ་སྔ་ཙམ་ཕྱོགས་ཡོངས་ནས་རྒྱལ་ཁ་ཐོབ་པ་བྱེད་འདོད་ཡོད་ཅེས་བརྗོད་པ་རེད།