འདི་ནི་ཟླ་3ཚེས་27ཉིན་ཤང་དབྱང་གྲོང་ཁྱེར་དབྱིང་ལི་འཕྲོད་བསྟེན་མཁོ་ཆས་ཚད་ཡོད་ཀུང་སིའི་འཁོར་ཁང་དུ་བཟོ་པས་ཁ་རས་ཐོན་སྐྱེད་བྱེད་བཞིན་པ།
ཉེ་ཆར། ཏོག་གསར་གློ་ཚད་རིམས་ནད་ལ་ཁ་གཏད་གཅོག་ཆེད། ཧུའུ་པེ་ཞིང་ཆེན་ཤང་དབྱང་གྲོང་ཁྱེར་གྱིས་འགོག་སྲུང་མཁོ་ཆས་ཀྱི་ཐོན་སྐྱེད་ཁེ་ལས་མང་པོ་ཞིག་གསར་དུ་བཙུགས་པ་དང་ཁེ་ལས་ཀྱིས་རིམས་ནད་སྔོན་འགོག་ཚོད་འཛིན་གྱི་བྱེད་ཐབས་དོན་འཁྱོལ་ནན་པོ་བྱེད་པའི་སྔོན་འགྲོའི་ཆ་རྐྱེན་འོག འགོག་སྲུང་མཁོ་ཆས་ཀྱི་ཐོན་སྐྱེད་སྒྲིག་ཆས་ནང་འདྲེན་བྱས་པ་བརྒྱུད། ཕྱི་ནད་ཚན་ཁག་གི་ཁ་རས་དང་། འགོག་སྲུང་ཁ་རས། སྨན་སྤྱོད་ཀྱི་སྤྱོད་གཅིག་མའི་འགོག་སྲུང་གྱོན་ཆས་སོགས་ཚུད་པའི་ཐོན་རྫས་ཀྱི་ཐོན་སྐྱེད་ལས་རིམ་བཙུགས་ནས་རིམས་ནད་སྔོན་འགོག་ཚོད་འཛིན་གྱི་དངོས་ཟོག་གི་ཐོན་འབོར་མང་གཏོང་དང་ཐོན་ལས་གཞན་སྒྱུར་བྱས་པ་རེད། འགོག་སྲུང་མཁོ་ཆས་ཀྱིས་རྒྱལ་ནང་གི་རིམས་ནད་སྔོན་འགོག་ཚོད་འཛིན་ལ་རམ་འདེགས་ཐུབ་པ་མ་ཟད། ད་དུང་ཕྱི་རྒྱལ་དུ་བཏང་ནས་གོ་ལ་ཧྲིལ་པོས་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པར་རམ་འདེགས་ཀྱང་བྱས་པ་རེད།