ཚེས་21དང་22ཉིན་གྱི་མཚན་མོ། སིར་པི་ཡའི་རྒྱལ་ས་པེར་ཀེ་རེ་ཏེ་གྲོང་ཁྱེར་གྱི་རྒྱལ་དམངས་གྲོས་ཚོགས་ཐོག་ཁང་ཆེ་མོ་དང་ཨཱ་ཏེ་ཟམ་ཆེན་སོགས་མཚོན་རྟགས་རང་བཞིན་གྱི་སྐྲུན་དངོས་ཐོག་ཀྲུང་གོའི་རྒྱལ་དར་གྱི་ཁ་མདོག་མཚོན་པའི་གློག་སྒྲོན་དམར་པོ་སྤར་ཏེ་དམིགས་བསལ་གྱི་བྱེད་ཐབས་བརྒྱུད་སིར་པི་ཡར་རོགས་སྐྱོར་བྱེད་མཁན་ཀྲུང་གོའི་རིམས་འགོག་སྨན་བཅོས་རིགས་གཅིག་མཁས་ཅན་ཚོགས་ཆུང་སླེབས་པར་ཐུགས་རྗེ་ཆེ་ཞུ་ལུགས་མཚོན་པར་བྱས་ཡོད། ཚེས་21ཉིན་གྱི་མཚན་མོ་སིར་པི་ཡར་རོགས་སྐྱོར་བྱེད་མཁན་ཀྲུང་གོའི་རིམས་འགོག་སྨན་བཅོས་རིགས་གཅིག་མཁས་ཅན་ཚོགས་ཆུང་དང་བཅས་པའི་མི་6གཙང་གླས་གནམ་གྲུ་བརྒྱུད་སིར་པི་ཡའི་རྒྱལ་ས་པེར་ཀེ་རེ་ཏེར་འབྱོར་བ་དང་། ཀྲུང་གོ་སྲིད་གཞུང་གིས་ཞལ་འདེབས་བརྒྱབ་པའི་སྨན་བཅོས་དངོས་རྫས་ཁག་གཅིག་ཀྱང་གནམ་གྲུ་དེ་བརྒྱུད་མཉམ་དུ་འབྱོར་ཞིང་། འདི་ནི་ཟླ་3ཚེས་22ཉིན་གློག་སྒྲོན་དམར་པོས་རྒྱན་པའི་སིར་པི་ཡའི་རྒྱལ་ས་པེར་ཀེ་རེ་ཏེའི་རྒྱལ་དམངས་གྲོས་ཚོགས་ཐོག་ཁང་ཆེ་མོ་ཡིན་པ།