ཚེས་20ཉིན། ཀྲུང་གོ་འཛུགས་སྐྲུན་དངུལ་ཁང་གིས་ཧ་སག་སི་ཐན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་བརྒྱུད་ཨ་སི་ཐ་ན་རྒྱལ་སྤྱིའི་དངུལ་རྩའི་ལྟེ་གནས་དང་། ཧ་སག་སི་ཐན་འཕྲོད་བསྟེན་པུའི་ཁོངས་གཏོགས་ཀྱི་སཱ་མུའུ་ལུའུ་ཁེ་སྨན་ལས་ཀུང་སི། དེ་བཞིན་ཧ་སག་སི་ཐན་ཟླ་གསར་དམར་པོ་ཚོགས་པ་བཅས་ལ་སྨན་བཅོས་དངོས་རྫས་ཞལ་འདེབས་བརྒྱབ་པ་དང་དངོས་རྫས་དེ་དག་ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་པར་སྤྱོད་རྒྱུ་རེད།
ངོ་སྤྲོད་བྱས་པར་གཞིགས་ན། ད་རེས་ཞལ་འདེབས་བརྒྱབ་པའི་དངོས་རྫས་དེ་དག་གི་ཁྲོད་དུ་སྨན་སྤྱོད་ལག་ཤུབས་དང་། ཁ་རས། མིག་སྲུང་མིག་ཤེལ་སོགས་ཡོད། དེའང་ཧ་སག་སི་ཐན་དུ་ཏོག་གསར་གློ་ཚད་རིམས་ནད་ཐོན་ཚུན་ཀྲུང་གོས་ཧ་སག་སི་ཐན་ཕྱོགས་ལ་རྩིས་སྤྲད་པའི་མི་ཆོས་རིང་ལུགས་ཀྱི་རོགས་སྐྱོར་དངོས་རྫས་ཁག་དང་པོ་དེ་རེད།
ཧ་སག་སི་ཐན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གི་སྲིད་དོན་ཚན་ཙན་ཝང་ཐུང་དང་། སཱ་མུའུ་ལུའུ་ཁེ་སྨན་ལས་ཀུང་སིའི་སྐུ་ཚབ་ཡེའར་ལེན·ཨ་སི་ཕེན་ནུའོ་ཕུའུ། ཀྲུང་གོ་འཛུགས་སྐྲུན་དངུལ་ཁང་ཨ་སི་ཐ་ན་ཡན་ལག་དངུལ་ཁང་གི་སྤྱི་ཁྱབ་ཅིང་ལི་ཝང་སུང་ཧྭ་སོགས་ཞལ་འདེབས་འབུལ་བའི་མཛད་སྒོར་ཞུགས་པ་རེད།