ཉིང་ཁྲི་གྲོང་ཁྱེར་བྲག་ཡིབ་ཆུས་སྨན་རི་ཤང་ཐོག་སྨད་གྲོང་ཚོའི་སྤྱི་གནོད་མེད་པའི་སྔོ་ཚལ་དཔེ་སྟོན་རྟེན་གཞིར་ས་བཟུང་རྒྱ་ཁྱོན་མུའུ་650ཟིན་པ་དང་། 2019ལོར་སྔོ་ཚལ་སྣ་ཚོགས་ཏུན་650ཐོན་སྐྱེད་བྱས་པར་ཐོན་རྫས་རིན་ཐང་སྒོར་ཁྲི་500ལྷག་ཙམ་བྱུང་ཡོད། རིམས་ནད་སྔོན་འགོག་ཚོད་འཛིན་གྱི་ལས་དོན་ཡག་པོ་སྒྲུབ་པའི་རྨང་གཞིའི་ཐོག རྟེན་གཞི་དེས་ཐོན་སྐྱེད་སྒྲིག་འཛུགས་ཧུར་ཐག་བྱས་ནས་སྒོ་རྩིས་ཚོང་ཁང་ཁག་ལ་གཅིག་སྡུད་ཐོག་མཁོ་སྤྲོད་བྱས་ཏེ་གྲོང་མི་ཚོར་བློ་བདེའི་སྔོ་ཚལ་འཕྲལ་དུ་བཟའ་རྒྱུ་ཡོང་བ་བྱས་ཤིང་། འདི་ནི་རིག་ལྡན་དྲོད་ཁང་ཆེ་མོའི་ནང་སྔོ་ཚལ་འདེབས་མཁན་པ་སངས་ལྷ་མོས་འཐུ་མ་ཐག་པའི་སོ་ལོ་དམར་པོ་སྟོན་བཞིན་པ།

ལྷ་སའི་སྒོ་རྩིས་ཚོང་ཁང་ཆེ་གྲས་ཁག་གི་ཟོག་ཁུངས་འདང་ངེས་དང་། སྣ་ཁ་འཛོམས་པ། རིན་གོང་བརྟན་པ་བཅས་ཡོད་ཅིང་། འདི་ནི་ལྷ་ས་ཧྲེང་མའེ་ཅཱ་སྒོ་རྩིས་ཚོང་ཁང་ནང་གྲོང་མིས་སྔོ་ཚལ་སོས་པ་ཉོ་བཞིན་པ།