ལྗོངས་ཡོངས་ཀྱི་རྒྱ་ཆེའི་དང་བླངས་པ་དང་རིམ་པ་ཁག་དང་རིགས་ཁག་གི་དང་བླངས་ཞབས་ཞུའི་རྩ་འཛུགས་ལ།

མིག་སྔར་ཏོག་དབྱིབས་ནད་དུག་གསར་པས་བསླངས་པའི་གློ་ཚད་རིམས་ནད་ཕྱོགས་ཡོངས་ནས་སྔོན་འགོག་ཚོད་འཛིན་བྱེད་པའི་འགག་རྩའི་དུས་སུ་སླེབས་ཡོད། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་བཀོད་སྒྲིག་གལ་ཆེན་གནང་བ་དང་རྒྱལ་ཡོངས་ཀྱི་གོང་འོག་ཚང་མས་ཀུན་སེམས་གཅིག་སྒྲིལ་དང་མཉམ་དུ་མིག་སྔའི་དཀའ་ཚེགས་ཆེ་བའི་དུས་སྐབས་ཁྱད་བསད་བྱེད་བཞིན་ཡོད། ལྗོངས་ཏང་ཨུད་དང་སྲིད་གཞུང་གིས་རིམས་ནད་སྔོན་འགོག་ཚོད་འཛིན་གྱི་ལས་དོན་ལ་ཚད་མཐོའི་མཐོང་ཆེན་དང་། ལྗོངས་ཡོངས་ཀྱི་གོང་འོག་ཚང་མས་རྡོག་རྩ་གཅིག་སྒྲིལ་དང་བྱེད་ཐབས་ཤུགས་ཆེར་བཏང་སྟེ་མི་དམངས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་འགན་ལེན་དང་སྤྱི་ཚོགས་སྤྱི་ཡོངས་ཞི་མཐུན་བརྟན་ལྷིང་སྲུང་སྐྱོང་མཐའ་གཅིག་ཏུ་བྱེད་བཞིན་ཡོད། རང་ལྗོངས་ཀྱི་རྒྱ་ཆེའི་དང་བླངས་པ་དང་དང་བླངས་ཞབས་ཞུའི་རྩ་འཛུགས་ཀྱི་སྟོབས་ཤུགས་འདོན་སྤེལ་གང་ལེགས་བྱས་ནས་རིམས་འགོག་སྔོན་འགོག་ཚོད་འཛིན་གྱི་འཕྲལ་སྡོམ་དང་བླངས་ཞབས་ཞུའི་ལས་དོན་ཚན་རིག་དང་མཐུན་པ་དང་། གོ་རིམ་ལྡན་པ། ཆེད་ལས་ཅན་བཅས་ཀྱི་སྒོ་ནས་སྤེལ་ཆེད། རང་སྐྱོང་ལྗོངས་ཤེས་དཔལ་གཞུང་དོན་ཁང་དང་རང་སྐྱོང་ལྗོངས་དང་བླངས་ཞབས་ཞུ་མཉམ་འབྲེལ་ལྷན་ཚོགས་ཀྱིས་གཤམ་གསལ་གྱི་གྲོས་འགོ་འདོན་རྒྱུ་ཡིན།

གཅིག འགོག་སྲུང་ལ་ཤུགས་སྣོན་རྒྱག་རྒྱུར་སྣེ་ཁྲིད་བྱེད་དགོས་པ།

ལྗོངས་ཡོངས་ཀྱི་རྒྱ་ཆེའི་དང་བླངས་པ་ཚོས་རིམས་ནད་སྔོན་འགོག་ཚོད་འཛིན་གྱི་གཏན་འབེབས་ཁག་ལ་བརྩི་སྲུང་ཞུ་རྒྱུའི་སྣེ་ཁྲིད་དེ་བདེ་འཇགས་ཨང་དང་པོར་འཇོག་རྒྱུ་མཐའ་འཁྱོངས་བྱེད་པ་དང་རིམས་ནད་སྔོན་འགོག་ཚོད་འཛིན་གྱི་ཤེས་བྱའི་གསོ་སྦྱོང་གི་ལས་དོན་ཏན་ཏིག་ངང་ཡག་པོ་བསྒྲུབས་ནས་དང་བླངས་ཞབས་ཞུའི་ལས་དོན་བདེ་འཇགས་དང་གོ་རིམ་ལྡན་པའི་སྒོ་ནས་སྤེལ་དགོས་པ་དང་། རང་རྟོགས་ངང་ཚན་རིག་དང་མཐུན་པའི་ཁྲིད་སྟོན་ལ་གཞིགས་ནས། མི་སྒེར་དང་ཉེ་འགྲམ་གྱི་གཉེན་ཉེའི་འགོག་སྲུང་ལས་དོན་ཡག་པོ་བསྒྲུབས་ཏེ་ཁ་རས་རྒྱག་པ་དང་། ལག་པ་ཡང་ཡང་འཁྲུ་བ། རྟག་ཏུ་རླུང་འགྲོ་ཡག་པོ་ཡོང་བ། རྔོན་ཤ་མི་བཟའ་བ། མགྲོན་པོར་མི་འགྲོ་བ། འདུ་འཛོམས་མི་བྱེད་པ་བཅས་བྱེད་དགོས།

གཉིས། ཁྲིམས་ལྟར་གོ་རིམ་ལྡན་པའི་ངང་ཞུགས་དགོས་པ།

དང་བླངས་པས་རིམས་ནད་སྔོན་འགོག་ཚོད་འཛིན་གྱི་སྣང་ཚུལ་དང་ཆ་འཕྲིན་ལ་དོ་སྣང་བྱེད་པ་དང་རིམས་འགོག་འཐབ་རྩོད་ཀྱི་དགོས་མཁོ་དངོས་ལ་གཞིགས་ནས། རིམས་ནད་སྣང་ཚུལ་གྱི་ལས་དོན་འགོ་ཁྲིད་ཚོགས་ཆུང་གི་གཅིག་གྱུར་བཀོད་འདོམས་འོག་བསམ་བློའི་གྲ་སྒྲིག་དུས་དང་རྣམ་པ་ཀུན་ཏུ་ཡག་པོ་བྱས་ཏེ་ས་གནས་དེ་གར་གཞིས་ཚུགས་པ་དང་ཁྱད་ཆོས་དང་ཟུང་འབྲེལ་གྱིས་ཐག་ཉེ་ས་དང་སྟབས་བདེ་སར་ཞབས་ཞུ་སྒྲུབ་དགོས།

གསུམ། དྲིལ་བསྒྲགས་ཁྲིད་སྟོན་ལས་དོན་སྤེལ་དགོས་པ།

གྲོང་ཁྱེར་དང་། གྲོང་གསེབ། སྡེ་ཁུལ་བཅས་ཀྱི་རིམས་ནད་སྔོན་འགོག་ཚོད་འཛིན་གྱི་ཤེས་བྱ་དྲིལ་བསྒྲགས་དང་ཁྱབ་གདལ་ལས་དོན་ནང་ཧུར་ཐག་ཞུགས་ནས། རྒྱ་ཆེའི་མང་ཚོགས་ཚོར་སྲིད་ཇུས་དང་བྱེད་ཐབས་སྐོར་ལ་གསལ་འགྲེལ་ཡག་པོ་རྒྱག་པ་དང་། དྲ་ཚིགས་ཀྱི་གླེང་ཕྱོགས་ཁྲིད་སྟོན་ལས་དོན་ཡག་པོ་སྒྲུབ་པ། དཀྲོག་གཏམ་མི་བཟོ་བ་དང་། དཀྲོག་གཏམ་ལ་ཡིད་ཆེས་མི་བྱེད་པ། དཀྲོག་གཏམ་མི་སྤེལ་བ། དྲ་ཚིགས་དང་། གྲོགས་ཚོགས། སྐད་འཕྲིན་ཚོགས་པ་བཅས་སུ་བདེན་དཔང་ར་སྤྲོད་མ་བྱུང་བའི་གནས་ཚུལ་རྫུས་མ་གང་བྱུང་དུ་བརྒྱུད་སྤེལ་མི་བྱེད་པ་བཅས་བྱས་ཏེ་རྫུན་གཏམ་ཐེར་འདོན་ལས་དོན་ནང་རང་འགུལ་ངང་ཞུགས་པ་དང་དོན་དངོས་མིན་པའི་ཆ་འཕྲིན་ཐེར་འདོན་བྱེད་དགོས།

བཞི། བརྩེ་སེམས་སྐྱེས་སུ་ཧུར་ཐག་འབུལ་དགོས་པ།

གྲོང་པ་ཁྱིམ་མཚེས་ལ་སེམས་ཁུར་དང་གཅེས་སྐྱོང་བྱས་ནས་འགལ་ཟླ་དུས་ཐོག་ཏུ་སེལ་བ་དང་ཕན་ཚུན་རོགས་རམ་བྱ་རྒྱུ་དར་སྤེལ་བཏང་སྟེ་སྤྱི་ཚོགས་བརྟན་ལྷིང་ཡོང་བ་བྱེད་དགོས་པ་དང་། འཐབ་ས་དང་པོར་འབད་འཐབ་བྱེད་བཞིན་པའི་སྨན་པ་དང་ནད་སྐྱོང་པར་ནུས་པས་གང་ལྕོགས་ཀྱིས་འཚོ་བ་འགན་ལེན་དང་འགྲིམ་འགྲུལ་ཞབས་ཞུ་སྒྲུབ་པ་དང་སྨན་བཅོས་སྒྲིག་གཞིར་མི་ཚོགས་ཁ་འགྲེམས་པ་དང་དངོས་ཟོག་སྐྱེལ་འདྲེན་གྱི་ཞབས་ཞུ་སྒྲུབ་དགོས།

ལྔ། ཆེད་ལས་ཀྱི་ཞབས་ཞུ་སྒྲུབ་དགོས་པ།

གསོ་རིག་དང་། སེམས་ཁམས། འཕྲལ་སྡོམ་རོགས་སྐྱོབ་སོགས་ཀྱི་ཆེད་ལས་རྩལ་ནུས་ལྡན་པའི་དང་བླངས་པར་འབྲེལ་ཡོད་ཆེད་ལས་ལས་ཁུངས་ཀྱི་གཅིག་འདོམས་བཀོད་སྒྲིག་འོག་འཕྲོད་བསྟེན་རིམས་འགོག་དང་། སེམས་ཁམས་ཞབས་ཞུ། རོགས་སྐྱོབ་སྲུང་སྐྱོབ་སོགས་ཀྱི་དང་བླངས་ཞབས་ཞུའི་ནང་ཧུར་ཐག་ཞུགས་རྒྱུའི་སྐུལ་ལྕག་བྱས་ནས་རིམས་ནད་སྔོན་འགོག་ཚོད་འཛིན་གྱི་རམ་འདེགས་ལས་དོན་ཡག་པོ་སྒྲུབ་དགོས། དང་བླངས་ཞབས་ཞུའི་བྱེད་སྒོ་ཆེ་གྲས་སྤེལ་རྒྱུ་དང་དེ་བཞིན་ས་ཁོངས་ལས་སྒྲོལ་ནས་རྒྱུན་གཏན་རང་བཞིན་གྱི་དང་བླངས་ཞབས་ཞུའི་བྱེད་སྒོ་སྤེལ་རྒྱུ་སྒྲིག་འཛུགས་མི་བྱེད་པ་དང་། རྒན་རྒོན་དང་བླངས་པ་དང་ན་སོ་དར་ལ་མ་བབས་པའི་དང་བླངས་པ་མཉམ་སྡེབ་ཀྱི་དང་བླངས་ཞབས་ཞུའི་བྱེད་སྒོར་ཞུགས་སུ་མི་འཇུག་པ། མུན་འཐོམས་དང་སྒྲིག་འཛུགས་མེད་པའི་དང་བླངས་ཞབས་ཞུར་ངོ་རྒོལ་བྱེད་པ་བཅས་བྱས་ནས་དང་བླངས་ཞབས་ཞུ་ཚན་རིག་དང་མཐུན་ལ། ཆེད་ལས་དང་། ཚད་ལྡན་བཅས་ཡོང་བའི་འགན་ལེན་བྱེད་དགོས།

ཚེ་སྲོག་ལས་ལྷག་པ་གང་ཡང་མེད། རིམས་ནད་ནི་བཀའ་རྒྱ་ཡིན། སྔོན་འགོག་དང་ཚོད་འཛིན་ནི་འགན་འཁྲི་ཡིན། ང་ཚོས་སྐྱིད་སྡུག་མཉམ་མྱོང་དང་། སེམས་མཐུན་སྟོབས་སྒྲིལ། ཐུན་མོང་འབད་འཐབ་བཅས་བྱས་ནས་རིམས་ནད་མ་མཆེད་སྔོན་འགོག་མཐའ་གཅིག་ཏུ་བྱས་ཏེ་རིམས་ནད་སྔོན་འགོག་ཚོད་འཛིན་གྱི་འཐབ་རྩོད་ལ་རྒྱལ་ཁ་ལེན་ཆེད་སྟོབས་ཤུགས་དེ་བས་ཆེ་བ་ལེགས་སྐྱེས་སུ་འབུལ་དགོས།

ཏང་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་དང་ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཚོའི་ཐུན་མོང་གི་འབད་འཐབ་འོག་རིམས་ནད་སྔོན་འགོག་ཚོད་འཛིན་གྱི་འགོག་རྒོལ་དམག་འཐབ་ལ་རྒྱལ་ཁ་ཐོབ་ངེས་ཡིན་པ་ང་ཚོར་ཡིད་ཆེས་ཡོད།

བོད་རང་སྐྱོང་ལྗོངས་ཤེས་དཔལ་གཞུང་ལས་ཁང་དང་བོད་རང་སྐྱོང་ལྗོངས་དང་བླངས་ཞབས་ཞུ་མཉམ་འབྲེལ་ལྷན་ཚོགས།

2020ལོའི་ཟླ་1ཚེས་29ཉིན།

ལྗོངས་ཡོངས་ཀྱི་ཤེས་དཔལ་གཞུང་ལས་ཁང་དང་དང་བླངས་ཞབས་ཞུ་མཉམ་འབྲེལ་ལྷན་ཚོགས་ཀྱི་རིམས་ནད་སྔོན་འགོག་ཚོད་འཛིན་གྱི་འཕྲལ་སྡོམ་དང་བླངས་ཞབས་ཞུ་ལས་དོན་གྱི་འབྲེལ་གཏུག་པ་དང་འབྲེལ་གཏུག་ཁ་པར།