ནད་པ་ཀྲང་ཆེ་གེ་མོ། ལོ་34 སྐྱེས་པ། ཧུའུ་པེ་ཞིང་ཆེན་སུའེ་ཀྲའུ་གྲོང་ཁྱེར་གྱི་མི་ཡིན་ཞིང་། སྤྱི་ལོ་2020ལོའི་ཟླ་1པོའི་ཚེས་22ནས་24བར་ཝུའུ་ཁྲང་ནས་མེ་འཁོར་ལ་བསྡད་ནས་ལྷ་སར་སླེབས་ཤིང་། ཟླ་1ཚེས་25ཉིན་གྱི་མཚན་མོ་རང་འགུལ་ངང་བོད་རང་སྐྱོང་ལྗོངས་ཀྱི་གནས་གཏན་འཁེལ་གྱི་སྨན་ཁང་དུ་སྨན་པ་བསྟེན་པར་བསྐྱོད་པས། སྨན་ཁང་ལ་ཉར་ཏེ་ལོགས་སུ་བཀར་ནས་སྨན་བཅོས་བྱས་པ་རེད། ཟླ་1ཚེས་28ཉིན། ནད་ཐོག་གི་སྣང་ཚུལ་དང་རང་སྐྱོང་ལྗོངས་རིམས་ནད་སྔོན་འགོག་ཚོད་འཛིན་ལྟེ་གནས་ཀྱི་ཚོད་ལྟ་ཁང་གིས་བརྟག་དཔྱད་བྱས་རྗེས། ཏོག་དབྱིབས་ནད་དུག་གསར་པས་བསླངས་པའི་གློ་ཚད་རིམས་ནད་ཕོག་པའི་དོགས་པ་ཡོད་པའི་ནད་དཔེ་ཡིན་པ་གཏན་འཁེལ་བྱས་ཤིང་། ནད་པ་དེའི་དངོས་དཔེ་ཀྲུང་གོ་རིམས་ནད་སྔོན་འགོག་ཚོད་འཛིན་ལྟེ་གནས་ལ་བསྐྱར་ཞིབ་ཏུ་བསྐྱལ་བ་རེད། མིག་སྔར། ནད་པ་དེར་སྲོག་ཉེན་མེད་པ་དང་འབྲེལ་བ་དམ་ཟབ་བྱེད་མྱོང་མཁན་རྣམས་ལོགས་སུ་བཀར་ནས་གསོ་རིག་གི་ལྟ་ཞིབ་བྱེད་བཞིན་ཡོད་པ་རེད།    

བོད་ལྗོངས་འཕྲོད་བསྟེན་དང་བདེ་ཐང་ཨུ་ཡོན་ལྷན་ཁང་ནས།

སྤྱི་ལོ་2020ལོའི་ཟླ་1ཚེས་29ཉིན།