འདི་ནི་མདའ་མོ་གྲོང་ཚོའི་མང་ཚོགས་ཟླ་བས་འཐག་ལས་བྱེད་བཞིན་ཡོད་པ།

ཉེ་བའི་ལོ་ཤས་རིང་། སྐྱིད་གྲོང་རྫོང་གིས་མཐའ་མཚམས་ཀྱི་འབྱོར་འབྲིང་གྲོང་ཚོ་བསྐྲུན་རྒྱུ་དེ་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་གྱི་དམ་འཛིན་བྱ་གཞི་གལ་ཆེན་ཞིག་ཏུ་བརྩི་རྒྱུ་མཐའ་འཁྱོངས་བྱས་ནས་ཡུལ་བབ་དང་བསྟུན་ཏེ་ཐོན་ལས་གོང་འཕེལ་བཏང་ཡོད། 2018ལོར་སྐྱིད་གྲོང་རྫོང་ཨུད་དང་རྫོང་སྲིད་གཞུང་གིས་མ་དངུལ་སྒོར་ཁྲི་300ལྷག་ཙམ་བཏང་ནས་སྐྱིད་གྲོང་གྲོང་རྡལ་མདའ་མོ་གྲོང་ཚོར་མཉམ་ལས་ཁང་གི་གསོ་སྦྱོང་རྟེན་གཞི་དང་མདའ་མོ་གྲོང་ཚོའི་ལག་ཤེས་བཟོ་རྩལ་འགྲེམས་སྟོན་ཁང་བཙུགས་པ་མ་ཟད། མཉམ་ལས་ཁང་ནང་ཞུགས་མཁན་མདའ་མོ་གྲོང་ཚོའི་མང་ཚོགས་61ཡོད་པ་དེ་དག་ལ་ཕྱུག་འགྱུར་གྱི་ཐབས་ལམ་གསར་པ་ཞིག་ཏུ་གྱུར་བ་རེད།