དབུལ་སྒྲོལ་འགག་སྒྲོལ་གྱི་དམག་འཐབ་རྒྱག་རིང་། ཆབ་མདོ་གྲོང་ཁྱེར་གོ་འཇོ་རྫོང་གིས་གནད་སྨིན་ངང་ཡུལ་བབ་དང་བསྟུན་པ་དང་ཐོན་ཁུངས་ཀྱི་ལེགས་ཆར་བརྟེན་ནས་ཁྱད་ལྡན་ཐོན་ལས་འཕེལ་རྒྱས་བཏང་སྟེ་དབུལ་སྒྲོལ་འགག་སྒྲོལ་གྱི་ལས་དོན་ཏན་ཏིག་ངང་སྤེལ་བ་རེད། རྫོང་དེས་ས་གནས་ཀྱི་མི་རིགས་ཁྱད་ལྡན་ཐོན་ལས་དེ་དབུལ་སྒྲོལ་འགག་སྒྲོལ་གྱི་ལས་དོན་གལ་ཆེན་དུ་བརྩིས་ནས་དུད་ཚང་དབུལ་པོ་དབུལ་སྒྲོལ་དང་འབབ་འཕར་ཡོང་བར་སྐུལ་འདེད་ནུས་ལྡན་བཏང་ཞིང་། འདི་ནི་ཆབ་མདོ་གྲོང་ཁྱེར་གོ་འཇོ་རྫོང་མི་རིགས་ལག་ཤེས་བཟོ་ལས་ལག་རྩལ་རྒྱུན་འཛིན་ཐོན་ལས་གླིང་དུ་ས་གནས་དེ་གའི་ཡིག་ཚགས་དང་གཱ་བཟོས་པའི་དུད་ཚང་དབུལ་པོའི་གཞོན་ནུས་ཆ་སྒམ་བཟོ་བཞིན་པ།