ཉེ་ཆར། ཅི་ལིན་ཞིང་ཆེན་གྱིས་གཞིས་རྩེ་གྲོང་ཁྱེར་དུ་2019ལོའི་སྐྱེ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མའི་ཆེད་དམིགས་གདན་ཞུའི་འདུ་ཚོགས་འཚོགས་པ་དང་ཅི་ལིན་ཞིང་ཆེན་གྱི་ཁེ་ལས་དང་བྱ་གཞག་ཚན་པ་23གྱིས་ལས་གནས་346མཁོ་འདོན་བྱས་པ་རེད། ཅི་ལིན་ཞིང་ཆེན་ནི་ཁ་གཏད་བོད་སྐྱོར་གྱི་ཞིང་ཆེན་ཞིག་ཡིན་ཞིང་། 2015ལོ་ཚུན་དུ་ཅི་ལིན་ཞིང་ཆེན་གྱི་ཤེས་ལྡན་པ་སྤེལ་རེས་གསར་སྤེལ་ལྟེ་གནས་ཀྱིས་ཁེ་ལས་དང་བྱ་གཞག་ཚན་པ་211སྒྲིག་འཛུགས་བྱས་ཏེ་ལྷ་ས་དང་གཞིས་རྩེ་སོགས་སུ་ལས་མི་གདན་ཞུ་བྱེད་པར་ཡོང་ནས་སྐྱེ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མའི་ལས་ཞུགས་ཐབས་ལམ་རྒྱ་ཆེར་བཏང་ཞིང་། འདི་ནི་གདན་ཞུའི་འདུ་ཚོགས་ཐོག་ཅི་ལིན་ཞིང་ཆེན་གྱི་མི་སྤྱོད་ཚན་པའི་ལས་དོན་པ(གཡོན)ཞིག་གིས་སློབ་གྲྭ་ཐོན་མ་ཐག་པའི་སློབ་ཆེན་སློབ་མ་ཞིག་གི་ལོ་རྒྱུས་མདོར་བསྡུས་ལ་ལྟ་བཞིན་པ།