འདི་ལོ་ནས་བཟུང་འཕྱོངས་རྒྱས་རྫོང་གི་གཞི་རིམ་ཏང་རྩ་འཛུགས་འཛུགས་སྐྱོང་ལས་དོན་ཐད“འབྱོར་ཕྱུག་སྟོབས་ལྡན་དང་ཞི་མཐུན་མཛེས་ལྡན”གྱི་འཕྱོངས་རྒྱས་གསར་པ་བསྐྲུན་པའི་བརྗིད་ཆེའི་དམིགས་ཚད་ལ་དམ་པོར་དམིགས་པ་དང་། “གྲོང་གསེབ་ཀྱི་ཏང་འཛུགས་སྐྱོང་བྱེད་པར་ཚད་ལྡན་ལ་དམ་འཛིན་བྱེད་པ་དང་། སྡེ་ཁུལ་གྱི་ཏང་འཛུགས་སྐྱོང་བྱེད་པར་རྒྱ་སྐྱེད་ལ་དམ་འཛིན་བྱེད་པ། སྤྱི་དབང་མིན་པའི་ཏང་འཛུགས་སྐྱོང་བྱེད་པར་སྒྲིག་འཛུགས་ལ་དམ་འཛིན་བྱེད་པ། ཏང་ཡོན་དཔུང་ཁག་གི་འཐབ་ཕྱོགས་དང་པོར་དམ་འཛིན་བྱེད་པ”བཅས་ཀྱི་ལས་ཀའི་བླང་བྱ་དོན་འཁྱོལ་ནན་ཏན་བྱས་ཏེ་སྤྱི་ཡོངས་ལ་ཇུས་འགོད་བྱེད་པ་དང་། བཀོད་སྒྲིག་ལ་སྤྱི་འདོམས་བྱེད་པ། ཁྱོན་ཡོངས་ལ་སྐུལ་འདེད་གཏོང་བ་བཅས་བྱས་པས། ཕན་འབྲས་མངོན་གསལ་དོད་པོ་ཐོན་ཏེ“ཤང་དང་གྲོང་རྡལ་རེར་བཀྲག་མདངས་ཚེར་ས་རེའི”སྤུས་རྟགས་གཏོད་པའི་ལས་དོན་ལ་སླར་ཡང་སྐུལ་འདེད་བཏང་བ་རེད།

འཕྱོངས་རྒྱས་རྫོང་གིས་ཤང་དང་གྲོང་རྡལ་4ཡི་སྤྱི་དབང་མིན་པའི་ལམ་ལུགས་དཔལ་འབྱོར་རྒྱ་སྐྱེད་རྣམ་པའི་ཏང་ཀྲི་པུའུ་དང་རྫོང་གྲོང་ཁུལ་1གི་སྤྱི་དབང་མིན་པའི་ལམ་ལུགས་དཔལ་འབྱོར་གྱི་ཏང་ཀྲི་པུའུ་དང་སྤྱི་ཚོགས་རྩ་འཛུགས་ཀྱི་ཏང་ཀྲི་པུའི་འཛུགས་སྐྱོང་ལས་དོན་ལེགས་སྒྲུབ་བྱས་ཡོད། ཏང་ཡོན་འཕེལ་རྒྱས་ཀྱི་ལྷུ་ཚིགས་5དང་གོ་རིམ་25ལ་དམ་པོར་གཞིགས་ནས་ཏང་ནང་ཞུགས་པའི་འགག་སྒོ་ནན་པོ་བསྲུངས་ཡོད།