ཏང་དང་མི་དམངས་ཀྱི་མངགས་བཅོལ་བློ་ལ་བཅངས་ནས་ང་རང་2015ལོ་དང་2017ལོའི་ཨན་ཧུའེ་ཞིང་ཆེན་གྱི་ཁག་དང་པོ་དང་ཁག་གསུམ་པའི་ཚོགས་སྒྲིག་རྣམ་པའི་བོད་སྐྱོར་སྨན་བཅོས་རུ་ཁག་ནང་ཐེངས་གཉིས་ཞུགས་པ་ཡིན།
ལྷོ་ཁ་གྲོང་ཁྱེར་མི་དམངས་སྨན་ཁང་དུ་ལས་ཀ་བྱེད་པའི་ཉིན་དང་པོར་སྐྱེས་མ་ཐག་པའི་ཕྲུ་གུ་མཚེ་མ་གཉིས་རྩམ་པས་མིད་པ་འགགས་ནས་ཤི་བ་ཐོས་སྐབས་ང་རང་སྐྱོ་སྣང་ཆེན་པོ་བྱུང་།
དེར་བརྟེན། ངས་རང་ཉིད་ཀྱི་ནུས་པ་ཡོད་ཚད་བཏོན་ནས་ས་གནས་དེ་གའི་མང་ཚོགས་ཀྱི་རྗེས་ལུས་ཀྱི་འདུ་ཤེས་འགའ་ཞིག་ལ་འགྱུར་ལྡོག་གཏོང་འདོད་བྱུང་། གནས་ཚུལ་དེར་དམིགས་ནས་ངས་རང་ཉིད་ཀྱི་ལས་སྒོའི་ལེགས་ཆ་སྤྱད་ནས་ཚན་ཁག་ཏུ་འཆད་ཁྲིད་རབ་དང་རིམ་པ་བྱས་ཏེ་ནད་སྐྱོང་པ་ཚང་མར་ཨ་མའི་ནུ་མ་སྟེར་བའི་ཕན་ཐོགས་དང་འབྲེལ་ཡོད་ཀྱི་ཤེས་བྱ་བསླབས་པ་དང་སྦྲགས། ནད་པ་ཚོར་རྣམ་པ་སྣ་ཚོགས་ཀྱི་བདེ་ཐང་ཚན་རིག་ཁྱབ་གདལ་གྱི་སློབ་གསོ་བཏང་བ་ཡིན།
མ་བུ་འཆི་ཚད་དམའ་རུ་གཏོང་བའི་ལས་དོན་སྐོར་གྱི་རང་སྐྱོང་ལྗོངས་ཀྱི་བླང་བྱ་དོན་འཁྱོལ་བྱ་ཆེད། ངས་སྔོན་ལ་བུད་མེད་ཚན་ཁག་ཏུ་ཁྱིམ་ཚང་ལྟེ་བར་བྱེད་པའི་དུས་མཚམས་ཅན་གྱི་བུ་བཙའི་ནད་སྐྱོང་དང་ནད་སྐྱོང་བྱེད་རིང་དུ་གཏོང་བའི་བྱེད་སྒོ་ཁྱབ་གདལ་བཏང་བ་ཡིན། དེ་དང་དུས་མཚུངས་ངས་ཁ་པར་བརྒྱུད་ནད་གཞིའི་སྐོར་སྐད་ཆ་འདྲི་བའི་ལམ་ལུགས་དང་ཁ་པར་ནང་སྐད་ཆ་འདྲི་དེབ་བཟོས་པས། སྨན་ཁང་ནས་དོན་པའི་སྦྲུམ་མར་སྐྱེས་གཞུག་མཛུབ་ཁྲིད་ནུས་ལྡན་ཐུབ་པ་མ་ཟད། སྐྱེས་མ་ཐག་པའི་ཕྲུ་གུར་དུས་ཐོག་ཏུ་རིམས་ནད་སྔོན་འགོག་སྨན་ཁབ་རྒྱག་ཐུབ་ཡོད། དེ་དང་ཆབས་ཅིག ངས་ནད་སྐྱོང་པའི་ལས་སྒོའི་ཤེས་བྱ་གསོ་སྦྱོང་ལ་དམ་འཛིན་ནན་པོ་བྱས་ནས་ནད་སྐྱོང་དང་ནད་ཁང་དུ་བརྟག་དཔྱད་དང་། ནད་དཔེར་གྲོས་བསྡུར། ནད་སྐྱོང་བྱེད་སྟངས་བཅས་ཀྱི་བརྒྱུད་རིམ་ཚད་ལྡན་ནུས་ལྡན་བཏང་བ་དང་འབྲེལ། ཟླ་རེར་ལས་སྒོའི་གསོ་སྦྱོང་ཐེངས་རེ་བྱ་རྒྱུ་རྒྱུན་འཁྱོངས་བྱས་པ་ཡིན། གཟའ་འཁོར་རེའི་ཞོགས་པའི་ཚོགས་འདུའི་ཐོག་ངས་ནད་སྐྱོང་པར་ནད་སྐྱོང་གི་དྲི་བ་རེ་གཉིས་འདོན་གྱི་ཡོད། ནད་སྐྱོང་འགོ་འཛིན་གྱིས་ནད་ཁང་དུ་བརྟག་དཔྱད་བྱེད་སྐབས་ནད་གཞི་ཚབས་ཆེན་ཕོག་པའི་ནད་པའི་ནད་རྐྱེན་དང་ནད་སྐྱོང་གནས་ཚུལ་དང་དེ་བཞིན་ནད་སྐྱོང་བྱ་ཐབས་སོགས་ལ་དམིགས་ནས་ནད་སྐྱོང་པ་ཚོར་འགྲེལ་བཤད་བརྒྱབ་སྟེ་ལྷོ་ཁ་གྲོང་ཁྱེར་སྨན་ཁང་གི་བུད་མེད་ཚན་ཁག་ལ་ནམ་ཡང་གནས་པའི་ནད་སྐྱོང་རུ་ཁག་ཅིག་ནུས་ཤུགས་ཡོད་རྒུས་གཏོད་རྒྱུའི་བརྩོན་ལེན་བྱས་པ་ཡིན།
རྒྱུན་གཏན་གྱི་ལས་ཀའི་ཞོར་དུ་ང་དང་རུ་མི་གཞན་དག་རྟག་ཏུ་གཞི་རིམ་དུ་བསྐྱོད་དེ་འོས་འགན་ནད་བརྟག་སྨན་བཅོས་བྱས་ནས་མང་ཚོགས་ཚོར་སྤུས་ཚད་མཐོ་བའི་སྨན་བཅོས་འཕྲོད་བསྟེན་གྱི་ཞབས་འདེགས་ཞུ་གི་ཡོད།
2017ལོའི་ཟླ་8པར། ངས་རང་འགུལ་ངང་བོད་སྐྱོར་རེ་ཞུ་ཐེངས་གཉིས་པ་ཞུས་པ་དང་འབྲེལ། ལས་འགན་ལྕི་ཤོས་ཀྱི“ཀ་པ་རིམ་པ་གསུམ་པའི་སྨན་ཁང་གཏོད་པའི་གཞུང་ལས་ཁང”དུ་ལས་ཀ་བྱེད་པར་བསྐྱོད་རྒྱུའི་རེ་བ་བཏོན་པ་ཡིན། སྔོན་དཔག་བཞིན་མཐའ་མའི་ཞིབ་བཤེར་ཐུབ་ཆེད། ངས“ཀ་པ་རིམ་པ་གསུམ་པའི་སྨན་ཁང་གཏོད་པའི་གཞུང་ལས་ཁང”གི་བློ་མཐུན་ཚོ་དང་མཉམ་དུ་ཉིན་ལྟར་དགོང་མོའི་ཆུ་ཚོད་23བར་དུ་ལས་དུས་འཕར་མ་བྱེད་ཀྱི་ཡོད། རེས་གཟའ་སྤེན་པར་ལས་ཀ་བྱེད་སྐབས་རིགས་གཅིག་མཁས་ཅན་གྱི་སྔོན་དཔག་ཞིབ་དཔྱད་ཁྲོད་ཚུར་ལན་བྱས་པའི་གནད་དོན་གསེད་བཀྲོལ་བྱས་པ་དང་སྦྲཌ། སྡེ་ཚན་ཁག་གི་དག་ཐེར་བྱ་ཐབས་དང་འབྲེལ་ཡོད་གནས་ཚུལ་ལེཌ་སྒྲིག་བྱེད་ཀྱི་ཡོད། ལོ་དེར་ངས་ཡིག་ཐོག་སྙན་ཞུ་ཕུལ་བའི་རང་སྐྱོང་ལྗོངས་ཀྱི་རང་བྱུང་ཚན་རིག་མ་དངུལ་རྣམ་གྲངས《ས་མཐོའི་སྨུག་ཕྱིའི་འོད་ཀྱི་འོག་ཏུ་སྡོད་པ་དང་བོད་སྐྱོར་མི་སྣའི་སེམས་ཁམས་བདེ་ཐང་གི་འབྲེལ་ཡོད་རང་བཞིན་གྱི་ཞིབ་འཇུག》ལ་སྐར་གྲངས་མཐོ་པོའི་སྒོ་ནས་ཞིབ་བཤེར་ཆོག་མཆན་ཐོབ་པ་མ་ཟད་ཆེད་དོན་གྲོན་དངུལ་ཡང་རག་བྱུང་ཞེས་བརྗོད།