ཚེས་28ཉིན་གྱི་སྔ་དྲོ། ལྗོངས་ཏང་ཨུད་ཀྱི་རྒྱུན་ཨུ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། རང་སྐྱོང་ལྗོངས་རང་བྱུང་འཐུང་ཆུའི་ཐོན་ལས་འཕེལ་རྒྱས་མཐུན་སྦྱོར་འགོ་ཁྲིད་ཚོགས་ཆུང་གི་ཙུའུ་ཀྲང་བཅས་ཡིན་པའི་ཅང་ཅེས་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཚོགས་པ་ཀུང་སིའི་སྤྱི་ཁྱབ་ཅིང་ལི་གཞོན་པ་ཡུས་པའོ་ཚའེ་བཅས་པ་དང་བཞུགས་མོལ་གནང་བ་རེད།
ཅང་ཅེས་དུས་ཡུན་རིང་པོའི་ནང་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཚོགས་པ་ཀུང་སིས་བོད་སྐྱོར་ལས་དོན་ལ་ཚད་མཐོའི་མཐོང་ཆེན་དང་ལྷག་པར་དུ་བོད་ཀྱི་རང་བྱུང་འཐུང་ཆུའི་ཐོན་ལས་འཕེལ་རྒྱས་ནང་ཞུགས་ཏེ་དབྱི་ཅེ·སྒྲོལ་མ་གཏེར་ཆུ་སོགས་སྤུས་རྟགས་འཐུང་ཆུ་ཕྱིར་ཚོང་བྱེད་ཚད་དབྱིབས་རྩིས་སྟར་གྲངས་ཀྱི་ཐོག་ནས་འཕར་ཏེ་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་དང་མི་དམངས་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་གཏོང་རྒྱུར་ནུས་པ་གལ་ཆེན་བཏོན་ཡོད་ཅེས་གསུངས་པ་རེད།
ཁོང་གིས་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཚོགས་པ་ཀུང་སིས་ཁེ་ལས་ཀྱི་ལེགས་ཆ་མུ་མཐུད་འདོན་སྤེལ་གང་ལེགས་ཀྱིས་ཐོན་ལས་བོད་སྐྱོར་བྱེད་སྟངས་ཀྱི་ཐོག་ནས་བོད་ཀྱི་འཐུང་ཆུའི་ཁེ་ལས་དང་མཉམ་ལས་བྱེད་ཟབ་ཏུ་བཏང་སྟེ་རང་བྱུང་འཐུང་ཆུའི་ཐོན་ལས་དེ་དམངས་ཕྱུག་བོད་དར་གྱི་ཀ་རྟེན་ཐོན་ལས་སུ་གཏོད་རྒྱུའི་རེ་བ་ཡོད་ཅེས་གསུངས་པ་རེད།