གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་ཙང་ཀྲི་ཡུན་མོག་རོ་ནག་པོ་འདེབས་འཛུགས་རྟེན་གཞི་ནི། གཞིས་རྩེ་གྲོང་ཁྱེར་ཙང་ཀྲི་ཡུན་མོག་རོ་ནག་པོ་སྣོད་བཅུད་འདེབས་འཛུགས་ཚད་ཡོད་འགན་འཁྲི་ཀུང་སིས་མ་དངུལ་བཏང་ནས་བསྐྲུན་པ་ཞིག་ཡིན་པ་དེར་རྒྱ་ཁྱོན་མུའུ་150གྱི་ཡོད། “ཀུང་སི+རྟེན་གཞི+ཞིང་དུད/མཉམ་ལས་ཁང”གི་རྣམ་པར་བརྟེན་ནས་གཉེར་སྐྱོང་བྱེད་ཀྱི་ཡོད་ལ་མ་འཇོག་བསྡོམས་འབོར་སྒོར་ཁྲི་3000ཟིན་ཞིང་། བསྐྲུན་ཟིན་རྗེས་མོག་རོ་ནག་པོ་འདེབས་འཛུགས་ལས་རིགས་འཕེལ་རྒྱས་མགྱོགས་པོ་འགྲོ་རྒྱུར་སྐུལ་འདེད་ནུས་ལྡན་ཐེབས་རྒྱུ་ཡིན་པ་རེད། མིག་སྔར་རྟེན་གཞིའི་དུས་ཐེངས་དང་པོའི་འཛུགས་སྐྲུན་གྱི་མུའུ་50ལེགས་སྒྲུབ་ཟིན་པ་ལས་ཡོང་འབབ་སྒོར་ཁྲི་300ཟིན་ཡོད་པ་རེད། འདི་ནི་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་ཙང་ཀྲི་ཡུན་མོག་རོ་ནག་པོ་འདེབས་འཛུགས་རྟེན་གཞིའི་ལས་དོན་མི་སྣས་མོག་རོ་ནག་པོ་འཐོག་པ།