འདི་ནི་ལྷ་ས་གྲོང་ཁྱེར་ཁྲེང་ཀོན་ཆུས་སྦྲ་ནག་ཞོལ་སྡེ་ཁུལ་གྱི་ཏང་ཀྲི་པུས་མི་རིགས་མཐུན་སྒྲིལ་གྱི་བཞུགས་མོལ་སྤེལ་རེས་ཚོགས་འདུ་འཚོག་བཞིན་པ།

ཉེ་ཆར། ཁག་བཞི་པའི་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གཏོད་པའི་བྱེད་སྒོའི་དཔེ་སྟོན་ཚན་པ་དང་ཁག་ལྔ་པའི་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་སློབ་གསོའི་རྟེན་གཞིའི་སྒོ་བྱང་འགེལ་བའི་མཛད་སྒོ་ལྷ་སར་འཚོགས་ནས་ལྷ་ས་གྲོང་ཁྱེར་གྲོང་མིའི་ཞབས་ཞུའི་ལྟེ་གནས་སོགས་དཔེ་སྟོན་ཚན་པ་7དང་ལྷོ་ཁ་གྲོང་ཁྱེར་གྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་སོགས་སློབ་གསོའི་རྟེན་གཞི་2ཀྱི་བྱང་བུའི་ཡོལ་བ་ཕྱེ་བ་དང་བྱང་བུ་སྤྲད་པ་རེད།

ཤེས་རྟོགས་བྱས་པར་གཞིགས་ན། ད་ཐེངས་བྱང་བུ་སྤྲད་པའི་ཚན་པའི་ལས་ལྷ་ས་གྲོང་ཁྱེར་གྱི་གྲོང་མིའི་ཞབས་ཞུའི་ལྟེ་གནས་དང་ལྷོ་ཁ་གྲོང་ཁྱེར་གྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་ཕུད། ད་དུང་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་གནས་ཆུང་གྲོང་རྡལ་གནས་ཆུང་གྲོང་ཚོ་དང་། ལྷོ་ཁ་གྲོང་ཁྱེར་ལྷུན་རྩེ་རྫོང་མདོ་ཡུལ་ལྷོ་པ་མི་རིགས་ཤང་། ཉིང་ཁྲི་གྲོང་ཁྱེར་བྲག་ཡིབ་ཆུས། ཆབ་མདོ་གྲོང་ཁྱེར་ཁ་རུབ་ཆུས་རུ་བཞི་ཤང་མདའ་རོ་གྲོང་ཚོ། ནག་ཆུ་གྲོང་ཁྱེར་ཤན་རྩ་རྫོང་སྨན་པ་ཤང་དོམ་རྭ་དགོན་པ། མངའ་རིས་ས་ཁུལ་སྒར་རྫོང་། མངའ་རིས་ས་ཁུལ་སེང་གེ་ཁ་འབབ་ཀྱི་སྔོན་བཤེགས་དཔའ་བོའི་བང་སོའི་སྐྱེད་ཚལ་བཅས་ཚུད་ཡོད་པ་རེད། མིག་སྔའི་བར་ལྗོངས་ཡོངས་སུ་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གཏོད་པའི་དཔེ་སྟོན་ཚན་པ་23དང་། རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་སློབ་གསོའི་རྟེན་གཞི་6 རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་གཏོད་པའི་བྱེད་སྒོའི་དཔེ་སྟོན་ཚན་པ་10བཅས་ཡོད་པ་རེད།