ཉེ་བའི་ལོ་ཤས་རིང་། རང་ལྗོངས་ཀྱི་སློབ་གསོ་དེང་རབས་ཅན་དུ་སྒྱུར་བའི་ལས་དོན་ལ་འཕེལ་རྒྱས་ཆེན་པོ་བྱུང་ནས་གཞི་རྩའི་སྤྱི་པའི་སློབ་གསོའི་ཞབས་ཞུ་ཆ་སྙོམས་ཅན་དུ་རིམ་བཞིན་མངོན་འགྱུར་བྱུང་བ་དང་། རྒྱལ་ཡོངས་སུ་སློབ་ཞུགས་གོང་གི་སློབ་གསོ་དང་། ལོ་དགུའི་ལམ་ལུགས་ཀྱི་འོས་འགན་སློབ་གསོའི་དུས་མཚམས། མཐོ་རིམ་སློབ་འབྲིང་དུས་མཚམས་ཀྱི་ལོ་བཅོ་ལྔའི་རིན་མེད་སློབ་གསོ་སོགས་ཐོག་མར་མངོན་འགྱུར་བྱུང་བ་མ་ཟད། ད་དུང་འབྲིང་རིམ་ཆེད་ལས་སློབ་གྲྭ་གཙོ་གནད་དུ་འཛིན་པ་དང་། མཐོ་རིམ་ཆེད་ལས་སློབ་གྲྭ་སྣེ་འདྲེན་དུ་བྱེད་པ། སློབ་རྒྱུས་སློབ་གསོ་དང་ལས་རིགས་རྩལ་ནུས་གསོ་སྦྱོང་ཟུང་དུ་འབྲེལ་བ་བཅས་ཀྱི་དེང་རབས་ཀྱི་ལས་རིགས་སློབ་གསོའི་མ་ལག་ཅིག་ཀྱང་ཆགས་ཡོད། མིག་སྔར། ལྗོངས་ཡོངས་སུ་རིམ་པ་ཁག་དང་རིགས་ཁག་གི་སློབ་གྲྭ་2200དང་། སློབ་གྲྭར་འགྲོ་མུས་ཀྱི་སློབ་མ་ཁྲི་66.242 ཆེད་ལས་དགེ་རྒན་ཁྲི་4.413 སློབ་ཞུགས་གོང་གི་ལོ་གསུམ་གྱི་བུ་བཅོལ་ཁང་དུ་ན་འདྲེས་སློབ་མ་ཞུགས་ཚད་72.5% སློབ་ཆུང་དུ་སློབ་མ་ཞུགས་ཚད་99.5% དམའ་རིམ་སློབ་འབྲིང་དུ་ན་འདྲེས་སློབ་མ་ཞུགས་ཚད་99.3% མཐོ་རིམ་སློབ་འབྲིང་དུས་མཚམས་སུ་ན་འདྲེས་སློབ་མ་ཞུགས་ཚད་80.3% མཐོ་རིམ་སློབ་གསོར་ན་འདྲེས་སློབ་མ་ཞུགས་ཚད་34.4%བཅས་ཟིན་ཡོད། འདི་ནི་ལྷ་ས་ཅང་སུའུ་ཚོད་ལྟའི་སློབ་འབྲིང་གི་སློབ་མས་དགེ་རྒན་གྱི་འཆད་ཁྲིད་ནན་ཏན་ངང་ཉན་པའི་གནས་ཚུལ་ཡིན་པ།